खाङ्‌मुमा 22:9 - बान्‍तावा राई

⁹ मेन निनाम्‍हाङ काफाआ अ़ङ्‌का अ़लोवाङ, “खाना ओवात्‍नि मान्‍च़दा! खाना, निनाम्‍हाङ्‌य़ङ खाकालु आम्‍द़क्‍छा बुवाचि खोन्‍कि ओक्‍को छाप्‍लाखा भोङ्‌दा छाप्‍ताओ य़ङ्‌चि काकाङ झारा म़नाचिवात्‍नि अ़ङ्‌का निनाम्‍हाङ्‌ओ अ़चुहारुक ओन्‍ङा ओ। खाना निनाम्‍हाङ ओन्‍ङा ब़क्‍मादोत।”

खाङ्‌मुमा 22:9 Σταυροειδείς Αναφορές

मत्‍ति 4:9

खोन्‍कि मोसाआ येसु लो, “खानानिन त़बोम्‍सिन्‍चिन्‌कि अ़ङ्‌का त़ब़क्‍ङाऩङ्‌नालो ओ झारा अ़ङ्‌का खानानिन प़नानिन।”

लुका 4:7

खानानिन्‌आ अ़ङ्‌काएदा त़बोम्‍सिन्‍चिन्‌कि त़ब़क्‍ङाऩङ्‌नालो ओ झारा आम्‍नुओङा म़लि।”

१ युहन्‍ना 5:20

आन्‍कान सिन्‍तुम्‌योम निनाम्‍हाङ्‌ओ अ़चुछा म़तायुङ्‌सा, खोन्‍कि अ़छ़ङ निनाम्‍हाङ आन्‍कान खाङ्‌म़मेत्‍तायुङ्‌सा। मोवात्‍नि आन्‍कान निनाम्‍हाङ अ़छ़ङ म़मुयाङ निकिना सिन्‍तुम्‍ने। खोन्‍कि ओन्‍ग़रि आन्‍कान अ़छ़ङ निनाम्‍हाङ्‌एनान अ़क्‍नि याइन्‌येन, देकिनालो खोक्‍कोसोओ अ़चुओ छा येसु ख्रिस्‍तएनान आन्‍कान यावायोक्‌दा अ़क्‍नि याइन्‌येन। खोक्‍को अ़छ़ङ निनाम्‍हाङ खोन्‍कि अ़लुक्‍निन्‌ओ ह़ङ्‌म़ङ म़युङ्‌याङ।

खाङ्‌मुमा 1:1

ओ निनाम्‍हाङ्‌आ येसु ख्रिस्‍त खाङ्‍अ़मेत्‍ताओ य़ङ ओ, खोन्‌ओसा खोक्‍कोसाआ अ़चुकाब़त्‍पाचि च़क्‍नि लिसि तामा म़मुयाङ्‌ओ य़ङ्‌चि खाङ्‌मेत्‍मा म़ऱचि। ख्रिस्‍तआ अ़चुकाफा अ़छुत्‍ताकि ओ य़ङ अ़चुकाब़त्‍पा युहन्‍ना खाङ्‌अ़मेत्‍ता।

खाङ्‌मुमा 1:11

मो य़ङ्‌आ लो, “खाना दि त़खा, मो अ़क्‌तात छाप्‍लाखा भोङ्‌दा छाप्‍तु, खोन्‍किना ओ सात्‌कातात्‍माङ साम्‍भुङ्‌चि छोक्‍तुचि: एफिसस, स्‍मुर्ना, पर्गामम, थिआतिरा, सार्दिस, फिलादेल्‍फिया खोन्‍कि लाउदिकिया।”

खाङ्‌मुमा 14:7

खोसाआ अ़धिवा य़ङ्‌दा य़ङा, “निनाम्‍हाङ कित्‍तानुम, खोन्‍कि खोक्‍कोसोओ अ़चुऩङ लोङ्‌सानुम, देकिनालो खोक्‍कोसाआ म़नाचिओ अ़चुछ़ङ्‌छेन्‍मा ग़रि तायुङ्‌सा। निनाम्‍मा, हेन्‍खामा, धियाङ्‌वामा खोन्‍कि चाक्‌वाओ अ़लित्‍खा कामुन्‍पा निनाम्‍हाङ ब़क्‍तानुम।”

खाङ्‌मुमा 15:4

हाङ्‌पा निनाम्‍हाङ साङ्‌आ खानानिन ऩकित्‍तिमिन कि? आम्‍नुओ ऩङ साङ्‌आ अ़लोङ्‌सुन कि? खानानिन ओन्‍ङा त़सेङिन्‌येन। झारा रावाचि आम्‍नुओ बुदा म़ता खोन्‍कि खानानिन ऩब़क्‍तिन। देकिनालो झारा म़नाचिआ खानानिन्‌आ त़मुम्‍च़म्‌ओ अ़छ़ङ य़ङ्‌चि अ़खायुङ्‌सा।”

खाङ्‌मुमा 19:10

खोन्‍किना खो सेवा मेत्‍सि अ़ङ्‌का खोसोओ अ़लाङ्‌दा बोम्‍साङ्‌च़ङ। मेन खोसाआ अ़ङ्‌का अ़लोवाङ, “खाना अ़ङ्‌का ओवात्‍नि मुमा अ़नुनिन। अ़ङ्‌का येसुओ अ़छ़ङ सालुम्‍स़ङ काखुन आम्‍निछाचि खोन्‍कि अ़क्‍निओ आम्‌यावा काफाचि ओन्‍ङा ओ। निनाम्‍हाङ ब़क्‍तु!” देकिनालो येसु ख्रिस्‍तआ खाङ्‌अ़मुसाओ अ़छ़ङ्‌आङा निनाम्‍हाङ्‌य़ङ खाकालुचि मो अ़छ़ङ य़ङ्‌खान खालुमा सावा प़चि।

खाङ्‌मुमा 22:10

खोन्‍किना मोसाआ अ़ङ्‌का ओवात्‍नि अ़लोवाङ, “ओ छाप्‍लाखा भोङ्‌दाओ खालुमाय़ङ मान्‍सेप्‌दानुम, देकिनालो ओ झारा लिमा ग़रि च़क्‌दा ताचिआयुङ्‌सा।

खाङ्‌मुमा 22:18

ओ छाप्‍लाखा भोङ्‌दाओ खालुमाय़ङ काएन झारा म़नाचि अ़ङ्‌का पाङ्‌एनान चाप्‍चेत्‍तुङ्‌च़ङ। साङ्‌आ मोदा तेप्‍तु, ओ छाप्‍लाखा भोङ्‌दा म़छाप्‌याङ्‌ओ अ़चाअ़त्‍माचि निनाम्‍हाङ्‌आ मोएदा अ़तेप्‍प़।

खाङ्‌मुमा 22:7

येसु म़य़ङ्‌याङ, “खानुम! अ़ङ्‌का च़क्‍निङा ताङाङा! ओ छाप्‍लाखा भोङ्‌दा म़छाप्‍ताओ खालुमाय़ङ काकाङ्‌चि आसिखा कातोक्‌चि ओ।”

खाङ्‌मुमा 4:10

मोन्‍ग़रि मो चौबिस्‌कापाङ साम्‌योक ताङ्‌पाचि हाङ्‌युङ्‌खादा कायुङ्‌ओसो अ़चुबुदा म़बोम्‍नान्‍चिन, खोन्‍कि अ़धुन-अ़धुन्‌तारि काह़ङ अ़ब़क। मोचिओ आ-आप्‍पिओ अ़चुताङ्‌बोप्‍खा हाङ्‌युङ्‌खाओ अ़चुबुदा अ़युङ्‌कि ओवात्‍नि छाम म़लु:

खाङ्‌मुमा 9:20

ओ अ़चाअ़त्‍मादाङ्‌का काह़ङ म़नाचिआ चाकावालावाचि खोन्‍कि आप्‍पि अ़चुछुक्‌आ म़मुचिओ सेम्‍पोक्‌चि ब़त्‍मा मान्‍छित्‌अ़दा। खोन्‍कि खामान्‍खाङ्‌कादा, खामान्‌एन्‍कादा खोन्‍कि कोन्‍मा मान्‍ऱकादा, हाराक्‌वा, रुपा, कासा, लुङ खोन्‍कि स़ङ्‌ओ सेम्‍पोक्‌चिएदा बोम्‍मान्‍चिदाङ्‌का अ़चुमिन्‍मा मान्‍लाअ़दा।