खाङ्‌मुमा 22:4 - बान्‍तावा राई

⁴ मोचिआ खोक्‍कोसोओ अ़चुङाइवा अ़खाङ, खोन्‍कि निनाम्‍हाङ्‌ओ अ़चुऩङ म़नाचिओ अ़चुत़ऱबुप्‌चिदा छाप।

खाङ्‌मुमा 22:4 Σταυροειδείς Αναφορές

मत्‍ति 5:8

सेङ्‌याङ्‌ओ अ़चुसाकोङ्‌वा याक्‌याङ्‌ओचि आसिखा कातोक्‌चि ओ, देकिनालो मोचिआ निनाम्‍हाङ अ़खाङ।

युहन्‍ना 12:26

साङ अ़ङ्‌का ब़त्‍मास़नालो मोसाआ अ़ङ्‌का अ़त़ङ्‌ङाने, खोन्‍कि अ़ङ्‌का खादा युङ्‌ङा, अ़ङ्‌का काब़त्‌छाङ मोदाङा युङ। साङ्‌आ अ़ङ्‌का अ़ब़त्‍ङा, अ़ङ्‌पापाआ मो साया अ़मेत।

युहन्‍ना 17:24

आपो, अ़ङ्‌का मिन्‍ङाङा, खानानिन्‌आ अ़ङ्‌का त़प़निओचि अ़ङ्‌का खादा युङ्‌ङा, अ़ङ्‌काएनान म़युङ्‌ने, खोन्‍कि अ़ङ्‌साऩङ्‌वा अ़खाङ्‌ने, मो साऩङ्‌वा, हेन्‍खामा मुन्‍मा बुयाङा अ़ङ्‌का सोमात़तुक्‍निओसा खानानिन्‌आ अ़ङ्‌का त़प़निओ।

१ कोरिन्‍थि 13:12

ओन्‍ग़रि आन्‍कान दर्पनादावा थेम्‍बुवारिरि खाम, मेन मोन्‍ग़रि छेङ्‌छेङ्‌छेङ्‌वा खाङ्‌मुन। ओन्‍ग़रि अ़ङ्‌का अ़क्‍चिलोक ओन्‍ङा तुप्‍तुङ, देत्‍नि निनाम्‍हाङ्‌आ अ़ङ्‌का नुलोक ऩसिन्‍ताङ्‌युङ्‌साङ मोवात्‍नि मोन्‍ग़रि अ़ङ्‌का झारा तुप्‍तुङ।

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।

खाङ्‌मुमा 14:1

अ़ङ्‌का खाङ्‌हिदा सियोन भ़ऱदु, थुबाछा म़एवाङा। खोक्‍कोएनान अ़क्‌लाखा चवालिस हजारा म़नाचि म़याआङा। मोचिओ अ़चुत़ऱबुप्‌दा खोक्‍कोसोओ अ़चुऩङ खोन्‍कि खोक्‍कोसोओ अ़चुपापाओ अ़चुओ ऩङ छाप्‍ताङा।

खाङ्‌मुमा 3:12

साङ्‌चि म़छो, अ़ङ्‌निनाम्‍हाङ्‌ओ अ़चुब़क्‍खाखिम्‌दाओ अ़खाबो अ़ङ्‌का मोचि मुङ्‌च़ङ। खोचि मोदाङ्‌का देम्‍खाछाङ बुङ्‌खादा ऩलानिन्‍लोन्‍निन। अ़ङ्‌का मोचिएदा अ़ङ्‌निनाम्‍हाङ्‌ओ अ़चुओ ऩङ छाप्‍तुङ, खोन्‍कि अ़ङ्‌निनाम्‍हाङ्‌ओ अ़चुसहराओ अ़ऩङ, अ़ऩङ्‌वा यरुसलेम छाप्‍तुङ। मो अ़ङ्‌निनाम्‍हाङ्‌दाङ्‌का निनाम्‍मादुङ्‌का ह्‍युना य़, खोन्‍कि आप्‍पि अ़ऩङ्‌वा अ़ङ्‌ऩङ्‌छाङ मोचिएदा छाप्‍तुङ।

खाङ्‌मुमा 7:3

“आन्‍कान्‍का आन्‍काओ निनाम्‍हाङ्‌ओ अ़चुहारुक्‌चिओ अ़चुत़ऱबुप्‌दा सेप्‍खा मान्‍पाक्‌युक्‍तुम्‍च़म्‍कातारि हेन्‍खामा, धियाङ्‌वामा माङ्‌लो स़ङ्‌ताङ्‌चि देत्‍छाङ मान्‍मुदानुम्‍च़म।”