खाङ्‌मुमा 21:2 - बान्‍तावा राई

² खोन्‍कि निनाम्‍मादुङ्‌का सेङाङाओ सहरा अ़ऩङ्‌वा यरुसलेम निनाम्‍हाङ्‌आ अ़धान्‍ताङाओ अ़ङ्‌का खाङ। मो सायाकाकाम्‍मा अ़सायाकाकाम्‍पा तुप्‍मा निम्‍पाङ चोङ्‌सान्‍चिन्‌कि चुम्‍सान्‍चिन्‌ओवा मुवाङा।

खाङ्‌मुमा 21:2 Σταυροειδείς Αναφορές

युहन्‍ना 3:29

साङ्‌एदा सायाकाकाम्‍मा युङ्‌याङ, सायाकाकाम्‍पा खोङा ओ। सायाकाकाम्‍पाओ अ़यावा खोसोओ अ़च़क्‌दा एप, खोसोओ अ़य़ङ एनुकि अ़न्‍नुनु अ़ऩङानु। खोन्‌ओसा अ़ङ्‌सेवाङ्‌नि तालायुङ्‌सा।

२ कोरिन्‍थि 11:2

निनाम्‍हाङ्‌वात्‍निङा अ़ङ्‌का खानानिन खाङ्‌नायुङ्‌नानिन। अ़क्‍छा खिम्‍हाङ्‌पाओ सेङ्‌याङ्‌ओ वारिसावात्‍नि खानानिन खाङ्‌मुमाओ निकि अ़ङ्‌का ख्रिस्‍तओ निम्‍पाङ खानानिन दोत्‍नाप़नायुङ्‌नानिन।

हिब्रु 11:10

अब्राहाम्‌आ ओ मु, देकिनालो निनाम्‍हाङ्‌आ मित्‍चिऩङ अ़मुवाओ खोन्‍कि अ़धुन युङ्‌युङ्‌ओ छ़ङ्‌दा मुमाय़ङ सहरा खोसाआ हुङुङु।

हिब्रु 11:16

मेन मोचिआ अ़क्‌तात च़लोक अ़नुवाक हेन्‍कोप निनाम्‍मादुओ खिम अ़लामाङा। खोन्‌ओसा निनाम्‍हाङ मोचिओ अ़चुनिनाम्‍हाङ्‌नि लोलुमा अ़चुलेजो अ़कात्‍निन। खोन्‍कि खोक्‍कोसाआ मोचिओ निकिना अ़क्‌तात सहरा म़चुम्‍सुप़युङ्‌सुचि।

हिब्रु 12:22

मेन खानानिन सियोन भ़ऱदा त़तान्‌युङ्‌सिन। मो अ़ह़ङ निनाम्‍हाङ्‌ओ अ़चुसहरा, खोन्‍कि निनाम्‍मादुओ यरुसलेम ओ। मोदा खिप्‌दिअ़तेत्‍निन्‌ओ निनाम्‍हाङ काफाचि ऩङानुयाङ्‌सा म़कोप्‍नान्‍चिन।

हिब्रु 13:14

देकिनालो ओदा आन्‍को निम्‍पाङ अ़धुन युङ्‌युङ्‌ओ सहरा मात्‍द़ङ, मेन तायाङ्‌ओ सहरा आन्‍कान हुङुम्‌योम।

खाङ्‌मुमा 1:1

ओ निनाम्‍हाङ्‌आ येसु ख्रिस्‍त खाङ्‍अ़मेत्‍ताओ य़ङ ओ, खोन्‌ओसा खोक्‍कोसाआ अ़चुकाब़त्‍पाचि च़क्‍नि लिसि तामा म़मुयाङ्‌ओ य़ङ्‌चि खाङ्‌मेत्‍मा म़ऱचि। ख्रिस्‍तआ अ़चुकाफा अ़छुत्‍ताकि ओ य़ङ अ़चुकाब़त्‍पा युहन्‍ना खाङ्‌अ़मेत्‍ता।

खाङ्‌मुमा 1:4

एसियादाओ सात्‌कातात साम्‍भुङ्‌चिएदा युहन्‍नाओ अ़सेवा। खोक्‍कोसोओ अ़चुहाङ्‌मुखा बुदाओ सात्‌कातात लावादाङ्‌का खानानिन सोमातुक्‍मा खोन्‍कि सेवाङ्‌नि लिसानिन। खोक्‍को म़युङ्‌याङ, म़युङाङा, खोन्‍कि म़तायाङ।

खाङ्‌मुमा 1:9

अ़ङ्‌का युहन्‍ना, आम्‍नुओ बुवा, येसुएदा साकोङ्‌छ़ङ मुवाङ्‌ओसा खानानिन्‌एनान अ़क्‍नि हुङ्‌याङ्‌सा अ़चाअ़त्‍मा आङ्‌तुङ्‌योङ। मो दुखा खोक्‍कोसोओ अ़चुहाङ्‌होन्‌दा कावाङ्‌चिएदा ता। निनाम्‍हाङ्‌ओ अ़चुय़ङ खालुसुङ खोन्‍कि येसु ख्रिस्‍तओ अ़चुसालुम्‍स़ङ प़ङ्‌ओसा अ़ङ्‌का पत्‍मोस्‌निओ खाम्‍दाक्‌दा ऩखाइसाङ।

खाङ्‌मुमा 11:2

मेन ब़क्‍खाखिम्‌ओ बुङ्‌खालिप्‍पाओ बुक्‍लुङ छिरुदो, मो मान्‍हाक्‍दो, देकिनालो मो निनाम्‍हाङ मान्‍सिन्‍कादाचि म़पुवायुङ्‌सा। मोचिआ बयालिस्‌कादोङ्‌वात्‌तारि सेङ्‌याङ्‌ओ सहरा अ़पोप।

खाङ्‌मुमा 21:10

खोन्‍किना सेङ्‌लावाआ अ़ङ्‌का अ़क़म्‍ताङ, खोन्‍कि अ़क्‌तात अ़धिवा झोन्‍ताङाओ भ़ऱदु अ़खात्‍ताङ। निनाम्‍हाङ्‌आ निनाम्‍मादुङ्‌का ह्‍युत्‍नि अ़धान्‍ताङाओ सेङाङाओ सहरा यरुसलेम खोसाआ अ़ङ्‌का खाङ्‌अ़मेत्‍ताङ।

खाङ्‌मुमा 21:9

मो सात्‌कातात देङ्‌दाओ अ़चाअ़त्‍माआ म़भेप्‍ताओ सात्‌काखुङ कातोक सात्‌कापाङ निनाम्‍हाङ काफाचिदा अ़क्‍छा बानाकि अ़ङ्‌का ओवात्‍नि अ़लोवाङ, “बाना, अ़ङ्‌का खाना थुबाछाओ अ़चुसायाकाकाम्‍मा खोक्‍कोसोओ अ़चुखिम्‍हाङ्‌मा, खाङ्‌मेत्‍नाने।”

खाङ्‌मुमा 22:17

सेङ्‌लावा खोन्‍कि सायाकाकाम्‍मा म़य़ङ्‌याङ, “तानिन!” साङ्‌आ एनु मो य़ङ्‌ने, “तानिन।” साङ वामित्‍मा स़, मो ताने, साङ मिन मोसाआ ह़ङ्‌म़ङ्‌ओ चाक्‌वा मोहाङा दुङुने।

खाङ्‌मुमा 22:19

खोन्‍कि साङ्‌आ ओ निनाम्‍हाङ्‌य़ङ खालुमाय़ङ्‌ओ छाप्‍लाखादाओ य़ङ्‌चिदाङ्‌का दिदिचि लारुखाइसुचि, ओ छाप्‍लाखा भोङ्‌दा छाप्‌याङ्‌ओ ह़ङ्‌म़ङ काप़ स़ङ्‌ताङ्‌ओ अ़लोक खोन्‍कि सेङ्‌याङ्‌ओ सहरादाङ्‌का मोसाआ तोक्‍मायु अ़लोक निनाम्‍हाङ्‌आ अ़ङाप।

खाङ्‌मुमा 3:12

साङ्‌चि म़छो, अ़ङ्‌निनाम्‍हाङ्‌ओ अ़चुब़क्‍खाखिम्‌दाओ अ़खाबो अ़ङ्‌का मोचि मुङ्‌च़ङ। खोचि मोदाङ्‌का देम्‍खाछाङ बुङ्‌खादा ऩलानिन्‍लोन्‍निन। अ़ङ्‌का मोचिएदा अ़ङ्‌निनाम्‍हाङ्‌ओ अ़चुओ ऩङ छाप्‍तुङ, खोन्‍कि अ़ङ्‌निनाम्‍हाङ्‌ओ अ़चुसहराओ अ़ऩङ, अ़ऩङ्‌वा यरुसलेम छाप्‍तुङ। मो अ़ङ्‌निनाम्‍हाङ्‌दाङ्‌का निनाम्‍मादुङ्‌का ह्‍युना य़, खोन्‍कि आप्‍पि अ़ऩङ्‌वा अ़ङ्‌ऩङ्‌छाङ मोचिएदा छाप्‍तुङ।