खाङ्‌मुमा 2:5 - बान्‍तावा राई

⁵ खोन्‌ओसा निनाम्‍हाङ्‌ओ अ़चुखाङ्‌मादाङ्‌का खाना त़धाखाराओ, मो मित्‍तु, खोन्‍कि अ़ङ्‌काएदा लासाता, खोन्‍कि खाना बुया त़मुङुओ काचिचि मुचि। खाना अ़ङ्‌काएदा त़लानान्‍तानान्‌नालो अ़ङ्‌का खानाएदा ताङाकि आम्‍कुपियुङ्‌खा मोसोओ अ़युङ्‌खादाङ्‌का चुमुङ।

खाङ्‌मुमा 2:5 Σταυροειδείς Αναφορές

मत्‍ति 5:14

खानानिन हेन्‍खामाओ साम ओ। भ़ऱदुओ सहरा कुम्‍मा अ़ऱनिन।

मत्‍ति 5:15

साङ्‌आछाङ खाउप्‍खा ओङ्‌सुकि खेङ्‌आ अ़दिप्‍तुन, मेन खाउप्‍खा युङ्‌खाचोक्‌दु युङ्‌सु खोन्‍कि खिम्‌दा कायुङ झारा मोसाआ उप्‍तुचि।

मर्कुस 12:9

खोन्‍किना मो अङ्‌गुराखाओ अ़हाङ्‌पाआ मोचि दे मुचि? खोक्‍को म़ताकि मो व़क काचात्‌चि म़सेरुचि, नि व़क काचात्‌चि म़प़चि।

लुका 1:17

खोसोओ अ़लावा निनाम्‍हाङ्‌य़ङ खाकालु एलियाओवात्‍नि लिकि हाङ्‌पा ख्रिस्‍तओ अ़बुदा ताकि खोक्‍कोसोओ अ़चुलाम चुम्‍सु। खोसाआ म़नाचिओ अ़चुपाचिओ अ़चुसाकोङ्‌वा अ़चुछाचिह्‍यात्‍नि म़लासुप़चि खोन्‍कि लोमान्‍तेत्‌चि साम्‌योक्‍मिचिओ अ़चुतायादात्‍नि तित्‍तुचि। ओवात्‍नि खोसाआ हाङ्‌पाओ अ़चुम़नाचि हाङ्‌पा लोक्‍माओ निम्‍पाङ चुम्‍सुचि।”

लुका 20:16

अङ्‌गुराखाओ अ़हाङ्‌पा ताकि व़क काचात्‌चि म़सेरुचि खोन्‍कि अङ्‌गुराखा नि व़क काचात्‌चि म़प़चि।” खोन्‍किना म़नाचिआ ओ अ़एनाकि म़य़ङा, “ओवात्‍नि देम्‍खाछाङ अ़लिनिन्‍ने!”

गलाति 5:4

खानानिन य़ङ्‌हुप्‌लाम्‍पा साम्‌योक्‍मि कान्‍मा त़लामिन्‌येन्‌ओचि, ख्रिस्‍तएदाङ्‌का खानानिन त़लोइसिन्‍खाइसिन्‌युङ्‌सिन्‍चिन। खोन्‍कि खानानिन निनाम्‍हाङ्‌ओ अ़चुसोम्‍तुक्‍मादाङ्‌का त़धान्‍खारिन्‌युङ्‌सिन।

फिलिप्‍पि 2:15

खोन्‍किना खानानिन मान्‍फिकादा खोन्‍कि सोत्‍सोत्‌वाओ लिसानिन्‌किना ऱक्‌याङ्‌ओ खोन्‍कि वाऱनान्‍चिन्‌ओ म़नाचिओ दुङ्‌ओ अ़रादा निनाम्‍हाङ्‌ओ थुपि मात्‍द़ङ्‌ओ अ़चुछा लिसानिन। ओ दुङ्‌ओ अ़रादा हेन्‍खामादा खानानिन साङ्‌केन्‍माचिवा लेरानिन।

हिब्रु 10:32

मो बुयाओ लेन्‌चि मित्‍तानुम्‍च़म। मोन्‍ग़रि अ़छ़ङ्‌य़ङ त़सिन्‍तुम्‌किछाङ खानानिन ब़द्‍धे अ़चाअ़त्‍माचिएनान दुखा आङ्‌मा दोरा, खोन्‍नुछाङ खानानिन नुलोक त़युङिन।

२ पत्रुस 3:17

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, खानानिन ओ झारा य़ङ बुयाङा सिन्‍तानुम्‍च़म्‌कि चाप्‍चेत्‍तानिन्‍चिन। अ़अ़त्‍पा म़नाचिओ अ़चुफिमादा ऩतित्‍तिन्‍खात्‍तिन्‌कि आम्‍नुओ अ़छ़ङ साकोङ्‌छ़ङ अ़मानिन्‍ने।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।

खाङ्‌मुमा 1:20

खाना त़खाओ अ़ङ्‌चुप्‍ताङ्‌छुक्‌दाओ ओ सात्‌कातात साङ्‌केन्‍माचि खोन्‍कि हाराक्‌वाओ सात्‌कातात कुपि युङ्‌खाओ अ़कोङ्‌दुम्‌ओ अ़तुप्‍मा ओङा ओ: सात्‌कातात साङ्‌केन्‍माचि सात्‌कातात साम्‍भुङ्‌चिओ निनाम्‍हाङ काफाचि ओ, खोन्‍कि सात्‌कातात कुपियुङ्‌खाचि सात्‌कातात साम्‍भुङ्‌चि ओ।”

खाङ्‌मुमा 16:9

म़नाचि क़माकात्‍तुओ तोक्‍पो अ़राक्‌आ राङ्‌तुचि, खोन्‍कि मोचिआ मो अ़न्‍नुनु अ़चाअ़त्‍माचि काक़म निनाम्‍हाङ माङ्‌अ़हिम्‍सा। मेन मोचिआ अ़चुहेवाचिदाङ्‌का लामा खोन्‍कि खोक्‍कोसोओ अ़चुऩङ लोङ्‌मा म़छुन्‍ता।

खाङ्‌मुमा 2:16

खोन्‌ओसा हान हेवादाङ्‌का लासानिन! माङ्‌नालोना अ़ङ्‌का च़क्‍नि खानाएदा ताङा खोन्‍कि अ़ङ्‌दोदाङ्‌का लोन्‌ओ बान्‍छोन्‌आ मो म़नाचिएदाओ अ़चुदेङ्‌सालाप्‍पादा म्‍हुङा।

खाङ्‌मुमा 2:19

खानानिन त़मुम्‌योम्‍च़म्‌ओ अ़तुक्‌वाचि झारा सिन्‍तुङ्‌योङ्‌च़ङ। आम्‍नुओ सोमातुक्‍माचि, आम्‍नुओ साकोङ्‌छ़ङ्‌चि, आम्‍नुओ सेवाचि खोन्‍कि आम्‍नुओ आङ्‌माय़ङ्‌चि अ़ङ्‌का सिन्‍तुङ्‌योङ्‌च़ङ। आदेङ्‌ओ आम्‍नुओ काचिचि बुयाओदाङ्‌का च़लोक म़मुयाङ निकिना अ़ङ्‌का सिन्‍तुङ्‌योङ।

खाङ्‌मुमा 2:2

खाना त़मुचिओ य़ङ्‌चि, आम्‍काचिचि खोन्‍कि खाना देत्‍नि त़आङ्‌तुओचि अ़ङ्‌का सिन्‍तुङ्‌योङ। खोन्‍कि खाना अ़अ़त्‍पा म़नाचि आङ्‌मा त़ऱन्‍चिन, मोचि आप्‍पि ‘छाम्‍माय़ङ्‌ओचि’नि ना म़लोनान्‍चिन, मेन माआङ। खोन्‍कि खाना मोचि त़चिन्‍तुखोचिहिदा सोज्‍जेओ त़धिरुचिओ अ़ङ्‌का सिन्‍तुङ्‌योङ।

खाङ्‌मुमा 3:19

साङ-साङ सोमातुक्‍तुङ्‌च़ङ, अ़ङ्‌का मोचि रेन्‍तुङ्‌च़ङ, खोन्‍कि दन्‍दा प़ङ्‌च़ङ। खोन्‌ओसा आम्‍नुओ राक पोइसानुम, खोन्‍कि आम्‍नुओ हेवाचिदाङ्‌का लासानिन।