खाङ्‌मुमा 2:3 - बान्‍तावा राई

³ अ़ङ्‌का सिन्‍तुङ्‌योङ, खानानिन्‌आ त़हुङुम्‌कि त़आङ्‌तुम्‌युङ्‌सुम, खोन्‍कि अ़ङ्‌ऩङ्‌ओ अ़तुक्‌वाआ अ़चाअ़त्‍मा त़आङ्‌तुम्‌युङ्‌सुम, खोन्‍कि खानानिन मान्‍होत्‍त़युक्‍तिन।

खाङ्‌मुमा 2:3 Σταυροειδείς Αναφορές

मर्कुस 15:21

लाम्‌दा म़खाराङाहिदा मोचिआ अ़क्‍छा कुरेनिदाओ सिमोन अ़ऩङ मुवाङाओ तेन्‌दाङ्‌का बानाङाओ अ़धिरा। खो अलेक्‍जेन्‍दर खोन्‍कि रुफस्‌ओ अ़चुपा ओ। रात्‍खामिचिआ खो राकाङ्‌थेत्‍नि येसुओ अ़चुक्रुस खुन्‌अ़मेत्‍ता।

लुका 14:27

खोन्‍कि साङ्‌आ अ़क्रुस खुयु खोन्‍कि अ़ङ्‌का अ़त़ङ्‌ऩङ, मो अ़ङ्‌काखेङ लिमा अ़ऱनिन।

लुका 18:1

अ़चुकाखेङ्‌पाचि अ़धुन याम़मात्‌युङ्‌ने खोन्‍कि अ़चुमिन्‍मा अ़स़निन्‍ने निकिना येसुआ मोचि अ़क्‌तात दोय़ङ्‌ला खाम़एत्‍तुचि।

लुका 21:19

मिन्‍माआ चालो त़लिसिन्‌युङ्‌सिन्‌नालो खानानिन्‌आ ह़ङ्‌म़ङ त़तोक्‍तुम।

लुका 5:5

खोन्‍कि सिमोन्‌आ येसु लो, “काचिन्‍पो आन्‍कान्‍काआ ना नाम्‍तात्‍लो काचि मुन्‍काकिछाङ दित्‍छाङ मान्‍लाप्‌दान्‍का। मेन खानानिन त़य़ङिन्‌येन्‌ओसा अ़ङ्‌का बोप्‍छ़क वेत्‍तुङ्‌ने।”

लुका 8:15

मेन अ़नुवाक बाखादा छुक्‍ताओ बिउचि मोङा ओ: साङ्‌आ निनाम्‍हाङ्‌ओ अ़चुय़ङ अ़नुवाक खोन्‍कि सेङ्‌याङ्‌ओ साकोङ्‌वाआ एनुकि निनाम्‍हाङ्‌ओ अ़चुय़ङ अ़मिन्‍मादा मित्‍तु खोन्‍कि हुङ्‌याङ्‌सा ब़द्‍धे अ़सिवा सिसु।

युहन्‍ना 15:21

मोचिआ ओ झारा काचिचि अ़ङ्‌ऩङ्‌ओ अ़तुक्‌वाआ खानानिन ऩमुन, देकिनालो मोचिआ अ़ङ्‌का काछुत ऩसिन्‍तुन।

रोमि 12:12

आम्‍नुओ तामित्‍माआ खानानिन आम्‍नुओ ऩङानुने, आम्‍नुओ दुखादा काआङ लिसानिन, अ़धुन यामारायुङ्‌सानिन।

रोमि 16:12

हाङ्‌पादा अ़न्‍नुनु काचि कामुमाचि त्रुफेना खोन्‍कि त्रफोसा सेवानि लोत्‍निप़नि। हाङ्‌पादा अ़न्‍नुनु अ़चुकाचि कामुमा अ़ङ्‌का सोमातुक्‍तुङ्‌योङ्‌ओ परसिस सेवानि लोत्‍निप़नि।

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

रोमि 8:25

मेन आन्‍कान दि अ़तोक्‍तिमिन, मो आन्‍कान सोम्‍कुवा मुम्‌नालो आन्‍कान मो आङ्‌याङ्‌सा हुङुम।

१ कोरिन्‍थि 13:7

सोम्‍तुक्‍माआ झारा य़ङ्‌चि दिप्‍तुचि, झारा य़ङ्‌चिदा साकोङ्‌छ़ङ मु, झारा य़ङ्‌चिदा सोम्‍कुवा मु, झारा य़ङ्‌चि आङ्‌तुचि।

१ कोरिन्‍थि 16:16

ओवाको खोन्‍कि ओवात्‍निङा झारा काचि कामु आम्‍नुयावाओ अ़क़म्‍मादा युङानिन्‌नि अ़ङ्‌का खानानिन राक प़नानिन।

२ कोरिन्‍थि 10:15

आन्‍कान्‍का नि म़नाचिओ अ़चुकाचिचिदा तोक्‍पो अ़लिसिमिन्‍का, मेन आन्‍काओ सोम्‍कुवा ओङा ओ, आम्‍नुओ साकोङ्‌छ़ङ पोन्‌याङ्‌सा आम्‍नुओ रादा खात्‌याङ्‌हिदा मोसाआ आन्‍काओ काचि मुखा खाहुप पोइसु।

२ कोरिन्‍थि 11:23

दि मोचि ख्रिस्‍तओ अ़चुकाफाचि ओ? अ़ङ्‌का च़लोक अ़नुवाक अ़चुकाफापा ओ। अ़ङ्‌का हिम्‍सालेवा चेप्‍ङाङा। अ़ङ्‌का च़लोक काचि मुङ्‌युङ्‌सुङ। छेक्‍खादा ब़द्‍धेकादु छुक्‍ताङ्‌युङ्‌साङ। खिप्‌दि मान्‍तेत य़हुप चोङ्‌युङ्‌सुङ। स़माओ अ़दोदा अ़दु-अ़दु छुक्‍ताङ्‌युङ्‌साङ।

२ कोरिन्‍थि 4:1

निनाम्‍हाङ्‌ओ अ़चुसोम्‍तुक्‍मालाम्‍पा ओ काचि आन्‍कान्‍का ऩप़न्‍काओसा आन्‍काओ राक अ़स़निन।

२ कोरिन्‍थि 4:16

खोन्‌ओसा देम्‍खाछाङ आन्‍काओ राक अ़स़निन। आन्‍काओ बुङ्‌खालिप्‍पाओ पोक लुक्‌याङ्‌सा खात्‌याङ, खोन्‍नुछाङ आन्‍काओ लावामि ह़ङ्‌म़ङ अ़लेन्‍खिन्‍तुम अ़ऩङ्‌वा लियाङ्‌सा खात्‌याङ।

२ कोरिन्‍थि 5:9

खोन्‌ओसा आन्‍कान्‍का आन्‍काओ पोक्‌दाङा युङिन्‍काने माङ्‌लो अ़थाया युङिन्‍काने, खोक्‍कोसोओ अ़चुऩङानुमा आन्‍काओ मित्‍चिऩङ मु।

२ कोरिन्‍थि 6:5

आन्‍कान्‍का धात्‍खावाचिदा, छेक्‍खावाचिदा, ङेन्‍चिदा, चात्‍लो काचि मुमाचिदा, मान्‌इम्‍माङ युङ्‌मादा, सास़मादा युङिन्‍का।

गलाति 6:2

अ़क्‍छा निएदा पाङ खुन्‍मा फामुवानिन, खोन्‍कि ओवात्‍नि ख्रिस्‍तओ अ़चुलोमाय़ङ तासालानुम।

गलाति 6:9

अ़नुवाक काचि मुमाआ आन्‍कान म़होत्‍निन्‍ने, देकिनालो मोवात्‍नि आन्‍राक अ़स़निन्‌नालो तोङ्‌ओ अ़ग़रिदा आन्‍कान कोउम।

फिलिप्‍पि 2:16

ह़ङ्‌म़ङ्‌ओ नुय़ङ्‌खान नुलोक लावायुङ्‌सानुम। मोवात्‍नि अ़ङ्‌का सोज्‍जेङा मान्‍लोत्‍ङा माङ्‌लो अ़ङ्‌का सोज्‍जेङा काचि मान्‍मुङा निकिना ख्रिस्‍तओ अ़चुलामातामा लेन्‌दा अ़ङ्‌का तोक्‍पो लिमा ऱङाने।

फिलिप्‍पि 4:3

अ़ङ्‌सोम्‍कुवाओ यावा, अ़ङ्‌का खानाछाङ लोनाङ्‌ना, ओ मेत्‍छामाचि फासुचि, देकिनालो मोचिआ अ़ङ्‌काएनान अ़क्‍नि नुय़ङ्‌खान खालुमा, क्‍लेमेसएनान खोन्‍कि नि यावाचिएनान अ़क्‍नि चात्‍लो काचि मुवायुङ्‌साचि। मोचिओ अ़चुऩङ ह़ङ्‌म़ङ्‌ओ छाप्‍लाखादा याक्‌याङ।

कलस्‍सि 1:11

खोन्‍कि खोक्‍कोसोओ अ़चुसाम्‍स़रिओ सावावात्‍नि खानानिन दियाकोछाङ दुखादा ऩङानुमाआ हुङ्‌याङ्‌सा आङ्‌मा सावा ऩप़न।

१ थेसलोनिकि 1:3

आन्‍निनाम्‍हाङ पापाओ अ़चुबुदा आम्‍नुओ साकोङ्‌छ़ङ्‌दाङ्‌का त़मुम्‌ओ काचि, खोन्‍कि सोमातुक्‍माआ त़मुम्‌ओ काचि खोन्‍कि आन्‍हाङ्‌पा येसु ख्रिस्‍तएदा त़मुम्‌ओ सोम्‍कुवाआ खानानिन त़छोसिन्‌ओ आन्‍कान्‍का अ़धुन मित्‍तुम्‌युङ्‌सुम्‍का।

१ थेसलोनिकि 2:9

अ़नुछ्‍या, अ़ङ्‍ब़ब़, नाना खोन्‍कि निछाचि ओ, आन्‍काओ काचि खोन्‍कि दुखा खानानिन त़मित्‍तुम। आन्‍कान्‍का खानानिन साङ्‌छाङ दुखा मान्‍प़दामा निकिना अ़खाखुत खोन्‍कि अ़खोलेन काचि मुयाङ्‌सा आन्‍कान्‍का निनाम्‍हाङ्‌ओ अ़चुनुय़ङ्‌खान खानानिन खाएत्‍नि।

१ थेसलोनिकि 5:12

मेन ब़ब़, नाना खोन्‍कि निछाचि ओ, आन्‍कान्‍का खानानिन लोनिङ्‌नि, आम्‍नुओ रादा काचि कामु आम्‍नुओ बुसुवाचि साङ्‌आ खानानिन हाङ्‌पाएदा ऩतित्‍तिन खोन्‍कि ऩरेन्‍तिन, मोचि साया मेत्‍तानुम्‍च़म।

२ थेसलोनिकि 3:13

ब़ब़, नाना खोन्‍कि निछाचि ओ, खानानिन अ़नुवाक काचि मुमा देम्‍खाछाङ त़होत्‍तिमिन्‍ने।

२ थेसलोनिकि 3:5

हाङ्‌पाआ आम्‍नुओ साकोङ्‌वा निनाम्‍हाङ्‌ओ अ़चुसोम्‍तुक्‍मा खोन्‍कि ख्रिस्‍तओ अ़चुहुङ्‌मा नुलोक तुप्‍मादा ऩतित्‍तिन्‍ने।

२ थेसलोनिकि 3:8

आन्‍कान्‍का साङ्‌कोओछाङ अ़चामायु मोहा मान्‍चात्‍प़दोम्‍का। मेन खानानिन साङ्‌छाङ दुखा अ़लिनिन्‍ने निकिना आन्‍कान्‍का अ़लेन्‍खिन्‍तुम काचि मुन्‍का।

१ तिमोथि 4:10

खोत्‍निओसा आन्‍कान ओ मित्‍चिऩङ्‌आ चात्‍लो काचि खोन्‍कि दुखा मुन। देकिनालो झारा म़नाचिओ अ़चुकालेन्‍पा खोन्‍कि च़लोक्‌वा खोक्‍को साकोङ्‌छ़ङ कामुचि अ़ह़ङ निनाम्‍हाङ्‌दा आन्‍कान आन्‍सोम्‍कुवा युङ्‌सुम।

१ तिमोथि 5:17

साम्‍भुङ नुलोक कातित ताङ्‌पाचि ह्‍वास़रो सायामेत्‍मा खान्‍तुचि। साङ्‌आ नुय़ङ्‌खान खालुमा खोन्‍कि चिन्‍मादा च़लोक काचि मु, खो च़लोक्‌वा साया मेत्‍मा खान्‍तु।

हिब्रु 10:36

निनाम्‍हाङ्‌ओ अ़चुमिन्‍मा तामालामा खोन्‍कि हिप्‍माय़ङ्‌ओसो अ़सिवा तोक्‍मा खानानिन दुखा आङ्‌मादोत।

हिब्रु 12:1

आन्‍ऱङ्‌कोप्‌नि ओन ब़द्‍धे म़ना मुक्‍लाओ सालुम्‍स़ङ्‌चि म़युङ्‌याङ, खोन्‌ओसा आन्‍कान झारा बुया खात्‍मा काछेक झारा य़ङ्‌चिदाङ्‌का खोन्‍कि हेवाओ वाय़दाङ्‌का फोङ्‌सिन्‍चिन्‍ने, खोन्‍कि आन्‍बुदा म़युक्‍ताओ लोत्‍मा राक मान्‍सेत्‍माङ लोरिन्‍ने।

हिब्रु 13:13

खोन्‌ओसा आन्‍कान्‌छाङ याक्‍साओ अ़बुङ्‌खालिप्‍पा खोक्‍कोएदा खारिन्‍ने, खोन्‍कि खोक्‍कोसाआ अ़आङ्‌ताओ सुङ्‌माय़ङ आन्‍कान्‌छाङ आङ्‌तुम्‍ने।

हिब्रु 6:10

निनाम्‍हाङ नुलोक छ़ङ्‌काछेन म़मुयाङ। खोक्‍कोसाआ आम्‍नुओ काचि खोन्‍कि निनाम्‍हाङ्‌ओ अ़चुम़नाचि ब़त्‍मा काचिलाम्‍पा खानानिन्‌आ निनाम्‍हाङ खाङ्‌त़मुसुम्‌ओ खोन्‍कि खाङ्‌त़मुसुम्‌योम्‌ओ सोम्‍तुक्‍मा ऩमान्‍तुन्‍केसुन।

हिब्रु 6:12

खानानिन त़सोसिन्‍नेनि आन्‍कान्‍का अ़मिनिमिन्‍का, मेन साकोङ्‌छ़ङ खोन्‍कि हुङ्‌मालाम्‍पा निनाम्‍हाङ्‌ओ अ़चुहिप्‍माय़ङ कातोक्‌चि म़चुवावात्‍नि लिसानिन।

हिब्रु 6:15

खोन्‍किना अब्राहाम आङ्‌याङ्‌सा खाहुङाकि निनाम्‍हाङ्‌आ अ़हिप्‍ताओ तोक्‍तु।

२ पत्रुस 1:6

तायादा क़म्‍तानिन्‍चिन खोन्‍कि क़म्‍मान्‍चिन्‌दा आङ्‌मा, आङ्‌मादा साम्‌योक्‍मि,

खाङ्‌मुमा 1:9

अ़ङ्‌का युहन्‍ना, आम्‍नुओ बुवा, येसुएदा साकोङ्‌छ़ङ मुवाङ्‌ओसा खानानिन्‌एनान अ़क्‍नि हुङ्‌याङ्‌सा अ़चाअ़त्‍मा आङ्‌तुङ्‌योङ। मो दुखा खोक्‍कोसोओ अ़चुहाङ्‌होन्‌दा कावाङ्‌चिएदा ता। निनाम्‍हाङ्‌ओ अ़चुय़ङ खालुसुङ खोन्‍कि येसु ख्रिस्‍तओ अ़चुसालुम्‍स़ङ प़ङ्‌ओसा अ़ङ्‌का पत्‍मोस्‌निओ खाम्‍दाक्‌दा ऩखाइसाङ।

खाङ्‌मुमा 3:10

हान चिन्‍माय़ङ ओ हेन्‍खामादा कायुङ म़नाचि चिन्‍खाङ्‌सि झारा हेन्‍खामादा तामा मुयाङ। खानानिन्‌आ दुखा आङ्‌तानुम्‌निओ अ़ङ्‌लोमाय़ङ्‌वा त़च़न्‌ओसा चिन्‍माखाङ्‌माओ ग़रिदाङ्‌का अ़ङ्‌का खानानिन लेन्‍नानिन।