खाङ्‌मुमा 2:23 - बान्‍तावा राई

²³ अ़ङ्‌का मो कात़ङ्‌चि सेरुङ्‌च़ङ। खोन्‍कि झारा साम्‍भुङ्‌चिआ अ़सिन, अ़ङ्‌का खोङा ओ, झारासोओ अ़चुमिन्‍माचि खोन्‍कि अ़चुसाकोङ्‌वाचि लामुङ्‌च़ङ, खोन्‍कि खानानिन झारासा त़मुम्‌ओ आम्‍नुओ काचिचिओ सिरिफा अ़ङ्‌का लानाप़नानिन।

खाङ्‌मुमा 2:23 Σταυροειδείς Αναφορές

मत्‍ति 16:27

देकिनालो म़नाओ अ़छा अ़चुपापाओ अ़चुसाम्‌दा निनाम्‍हाङ काफाचिएनान य़, खोन्‍कि मोन्‍ग़रि खोसाआ झारा म़नाचिआ अ़मुवाओ अ़चुकाचिवाको सिरिफा म़प़चि।

लुका 16:15

खोन्‍कि येसुआ म़लोचि, “खानानिन म़नाचिओ अ़चुबुदा आप्‍पि निनाम्‍हाङ्‌ओ अ़मिन्‍मावा काच़वात्‍नि खाङ्‌त़मुसिन्‍चिन, मेन निनाम्‍हाङ्‌आ आम्‍नुओ साकोङ्‌वा अ़सिन्‌याङ। म़नाचिआ दि तोक्‍पोनि अ़मित, मो निनाम्‍हाङ्‌आ अ़चुचिप्‍मा अ़कात।

युहन्‍ना 21:17

खोक्‍कोसाआ मो सुम्‌कादुओदु अ़लोवा, “युहन्‍नाओ अ़छा सिमोन, दि खाना अ़ङ्‌का सोमात़तुक्‍ङा?” पत्रुस्‌ओ अ़राक सुवा, देकिनालो खोक्‍कोसाआ सुम्‌कादुओदु “दि खाना अ़ङ्‌का सोमात़तुक्‍ङा?” निकिना खो अ़सेना। मोसाआ खोक्‍को लो, “हाङ्‌पो, खानानिन झारा त़सिन्‍तुम्‌योम, अ़ङ्‌का सोमातुक्‍नानिन निकिना खानानिन त़सिन्‍तुम्‌योम।” येसुआ खो अ़लोवा, “अ़ङ्‌भेराचि चान्‍तुचि।

युहन्‍ना 4:16

येसुआ मो अ़लोवा, “खाराकि आम्‍खिम्‍हाङ्‌पा बुत्‍तुबात्‍तु।”

छाम्‍माय़ङ 1:24

खोन्‍किना मोचि अ़नुवाक म़ना छेन्‍मा निकिना झारा याम़मारा। मोचि म़य़ङा, “हाङ्‌पो, खानानिन झारा म़नाचिओ अ़चुसाकोङ्‌वा त़सिन्‍तुम्‌योम, ओ ह़वाङ्‌दा खाक्‍को खानानिन त़छेन्‍तुम्‌ओ, आन्‍कान्‍का खाङ्‌मेत्‍नि,

रोमि 14:12

खोन्‌ओसा आन्‍कान झारासाआ आ-आप्‍पि मुम्‌ओ आन्‍काचिओ अ़खिप निनाम्‍हाङ प़मादोत।

रोमि 8:27

खोन्‍कि म़नाचिओ अ़चुसाकोङ्‌वा काखाङ निनाम्‍हाङ्‌आ सेङ्‌लावाओ अ़चुमिन्‍मा दि ओ, मो अ़सिन, देकिनालो निनाम्‍हाङ्‌ओ अ़चुमित्‍चिऩङ्‌वात्‍नि सेङ्‌लावाआ निनाम्‍हाङ्‌ओ अ़चुम़नाचिओ निम्‍पाङ याम़मात।

२ कोरिन्‍थि 5:10

देकिनालो आन्‍कान झारा ख्रिस्‍तओ अ़चुछ़ङ्‌छेन्‍खाओ अ़बुदा एप्‍माङादोत, ओवात्‍नि आन्‍पोक्‌दा युङिन्‌येन्‌हिदा आन्‍कान मुम्‌ओवा झारासाआ अ़नुवाक माङ्‌लो अ़अ़त्‍पाओ अ़सिवा तोक्‍तुम।

गलाति 6:5

देकिनालो आन्‍कान झारासाआ आप्‍पिओ काचि मुमादोत।

हिब्रु 4:13

निनाम्‍हाङ्‌ओ अ़चुखाङ्‌मादाङ्‌का मुन्‍माय़ङ दित्‍छाङ अ़कुम्‍निन। खोक्‍कोसोओ अ़चुबुदा झारा य़ङ्‌चि ऩदिप्‍निनिन, खोन्‍कि छेङ्‌छेङ्‌छेङ्‌वा म़मुयाङ। आन्‍कान मुम्‌ओ अ़छ़ङ य़ङ खोक्‍को खाएत्‍मादोत।

१ पत्रुस 1:17

साङ्‌लिप्‍पाछाङ मान्‌वाङ्‌माङ झारासोओ काचिदा छ़ङ्‌काछेन निनाम्‍हाङ खानानिन्‌आ “आपो”नि य़ङ्‌सा त़ब़क्‍तुम्‌नालो ओ हेन्‍खामादा निहेन्‍कोप्‌दाओवा त़युङिन्‌येन्‌हिदा आम्‍नुओ च़माथाङ्‌मादा खोक्‍को साया मेत्‍तानुम।

खाङ्‌मुमा 2:11

साङ्‌को अ़एन्‍खा नाबाक याक्‌याङ, मोसाआ एनुने, सेङ्‌लावाआ साम्‍भुङ्‌चि दे म़लोङुचि। साङ छो, ह्‍वादुओदुओ स़माआ खो देत्‍छाङ अ़मुन।

खाङ्‌मुमा 2:7

साङ्‌को अ़एन्‍खा नाबाक याक्‌याङ, मोसाआ एनुने, सेङ्‌लावाआ साम्‍भुङ्‌चि दे म़लोङुचि। साङ छो, अ़ङ्‌का खो निनाम्‍हाङ्‌ओ अ़चुस़ङ्‌सिबात्‍बुङ्‌खादाओ ह़ङ्‌म़ङ्‌ओ स़ङ्‌ताङ्‌ओ अ़सिवा चामा पाङ प़ङ।

खाङ्‌मुमा 20:12

अ़धिवा अ़चुप्‍पा झारा म़सुवादाओचि हाङ्‌युङ्‌खाओ अ़बुदा म़एवाङाओ अ़ङ्‌का खाङ्‌च़ङ। खोन्‍कि छाप्‍लाखाचि म़होङ्‌सा, खोन्‍कि नि ह़ङ्‌म़ङ्‌ओ छाप्‍लाखाछाङ होङ्‌सा। मो छाप्‍लाखाचिदा म़छाप्‍ताङाओ य़ङ्‌चिवा मोचिआ अ़मुवाओ काचिवात्‍नि म़सुवादाओचिओ अ़चुछ़ङ म़छेन्‍तुचि।

खाङ्‌मुमा 20:13

धियाङ्‌वामाआ मोदा म़याआङाओ म़सुवादाओचि म़प़लाउचिओ अ़ङ्‌का खाङ, खोन्‍कि स़माआ खोन्‍कि सित्‍म़ङ्‌चि दुखा तोक्‍खाआछाङ मोचिएदा म़सुवादाओचि म़प़लाउचि। मोचिओ आआप्‍पिओ अ़चुकाचिवा अ़चुछ़ङ म़छेन्‍तुचि।

खाङ्‌मुमा 22:12

येसु म़य़ङ्‌याङ “खानुम! अ़ङ्‌का च़क्‍निङा ताङाङा! झारा म़नाआ मुओवा प़मा सिरिफा अ़ङ्‌काएदा युङ्‌याङ।

खाङ्‌मुमा 6:8

खोन्‍किना अ़ङ्‌का हारादिदिओ युक्‌वा खाङ। युक्‌वा कायुक्‌ओ अ़ऩङ ‘स़मा’नि याआङा, खोन्‍कि सित्‍म़ङ्‌चि दुखा तोक्‍खाआ मोसोओ अ़देङ-अ़देङ त़ङ्‌तुङु। हेन्‍खामाओ चारकालोक्‌ओ अ़क लोक म़नाचि बान्‍छोन, स़ङ्‌साक्‌वा, अ़धिवा सारिमा खोन्‍कि खोक्‍लिदाओ साक्‍स़ङ्‌चिलाम्‍पा सेत्‍मा पाङ मोचि म़प़चि।