खाङ्‌मुमा 2:2 - बान्‍तावा राई

² खाना त़मुचिओ य़ङ्‌चि, आम्‍काचिचि खोन्‍कि खाना देत्‍नि त़आङ्‌तुओचि अ़ङ्‌का सिन्‍तुङ्‌योङ। खोन्‍कि खाना अ़अ़त्‍पा म़नाचि आङ्‌मा त़ऱन्‍चिन, मोचि आप्‍पि ‘छाम्‍माय़ङ्‌ओचि’नि ना म़लोनान्‍चिन, मेन माआङ। खोन्‍कि खाना मोचि त़चिन्‍तुखोचिहिदा सोज्‍जेओ त़धिरुचिओ अ़ङ्‌का सिन्‍तुङ्‌योङ।

खाङ्‌मुमा 2:2 Σταυροειδείς Αναφορές

मत्‍ति 7:23

खोन्‍किना अ़ङ्‌का मोचि मोन्‍ग़रि नुलोक लोङ्‌च़ङ, ‘अ़ङ्‌का खानानिन देम्‍खाछाङ मान्‍सिन्‌युक्‍नानिन। अ़त्‍लो काचि कामुचि ओ, अ़ङ्‌काएदाङ्‌का खारालावानिन।’

युहन्‍ना 6:6

खोक्‍कोसाआ फिलिप चिन्‍माखाङ्‌माओ निम्‍पाङ अ़लोवा ओ, देकिनालो खोक्‍कोसाआ दि मुमा अ़मुवाङाओ, मो खोक्‍कोसाआ अ़सिन्‍ताङा।

गलाति 1:7

अ़नुछ्‍याङा नि नुय़ङ्‌खान खाक्‍कोछाङ मात्‍द़ङ, मेन खा-खाक्‍को म़नाचिआ खानानिन ऩथेम्‍सिन्‍खाइसिन्‌येन खोन्‍कि मोचिआ ख्रिस्‍तओ अ़चुनुय़ङ्‌खान अ़हुखान्‌याङ।

एफिसि 4:14

खोन्‌ओसा आन्‍कान लोङ्‌वात्‌आ देङ्‌सा बुसा तोन्‍माय़ङ, मोचिओ झारा सोज्‍जेओ चिन्‍माय़ङ्‌ओ अ़ह़क्‌आ खोन्‍कि म़नाचिओ अ़चुथालिआ, अ़चुचाप्‍चाआ खोन्‍कि अ़चुनामान्‍ल़क्‌आ ओह्‍यात्‍नि-मोह्‍यात्‍नि मुत्‍माखात्‍माय़ङ छाचिवात्‍नि अ़लिसिमिन्‍ने।

१ थेसलोनिकि 1:3

आन्‍निनाम्‍हाङ पापाओ अ़चुबुदा आम्‍नुओ साकोङ्‌छ़ङ्‌दाङ्‌का त़मुम्‌ओ काचि, खोन्‍कि सोमातुक्‍माआ त़मुम्‌ओ काचि खोन्‍कि आन्‍हाङ्‌पा येसु ख्रिस्‍तएदा त़मुम्‌ओ सोम्‍कुवाआ खानानिन त़छोसिन्‌ओ आन्‍कान्‍का अ़धुन मित्‍तुम्‌युङ्‌सुम्‍का।

१ थेसलोनिकि 5:21

झारा य़ङ्‌चि चिन्‍ताखानुम्‍च़म। खाक्‍को य़ङ अ़नुवाक मुयाङ, मो य़ङ लावायुङ्‌सानुम।

२ तिमोथि 2:19

मेन निनाम्‍हाङ्‌ओ अ़चुम़नाचि अ़तुङ्‌निन्‌ओ छ़ङ्‌वात्‍नि म़युङ्‌युङ, खोन्‍कि मो छ़ङ्‌दा ओ ह्‍वातात य़ङ्‌चि म़छाप्‍तायुङ्‌सा। “हाङ्‌पाआ अ़चुम़नाचि म़सिन्‍तुचि,” खोन्‍कि “साङ-साङ अ़ङ्‌का हाङ्‌पाओ अ़म़नानि य़ङ, खो अ़त्‍लो काचिदाङ्‌का अ़थाया युङ्‌ने।”

हिब्रु 6:10

निनाम्‍हाङ नुलोक छ़ङ्‌काछेन म़मुयाङ। खोक्‍कोसाआ आम्‍नुओ काचि खोन्‍कि निनाम्‍हाङ्‌ओ अ़चुम़नाचि ब़त्‍मा काचिलाम्‍पा खानानिन्‌आ निनाम्‍हाङ खाङ्‌त़मुसुम्‌ओ खोन्‍कि खाङ्‌त़मुसुम्‌योम्‌ओ सोम्‍तुक्‍मा ऩमान्‍तुन्‍केसुन।

१ युहन्‍ना 4:1

सोमातुक्‍नाङ्‌नानिन्‌ओ यावाचि ओ, झारा लावाचि साकोङ्‌छ़ङ मान्‍मुदानुम्‍च़म, मेन लावाचि निनाम्‍हाङ्‌दाङ्‌का म़ताओ हे माआङ, मोचि सिन्‍मा निम्‍पाङ चिन्‍ताखानुम्‍च़म, देकिनालो सोज्‍जेओ निनाम्‍हाङ्‌य़ङ खाकालुचि ओ हेन्‍खामादा झारादात्‍नि म़खारायुङ्‌सा।

खाङ्‌मुमा 2:5

खोन्‌ओसा निनाम्‍हाङ्‌ओ अ़चुखाङ्‌मादाङ्‌का खाना त़धाखाराओ, मो मित्‍तु, खोन्‍कि अ़ङ्‌काएदा लासाता, खोन्‍कि खाना बुया त़मुङुओ काचिचि मुचि। खाना अ़ङ्‌काएदा त़लानान्‍तानान्‌नालो अ़ङ्‌का खानाएदा ताङाकि आम्‍कुपियुङ्‌खा मोसोओ अ़युङ्‌खादाङ्‌का चुमुङ।

खाङ्‌मुमा 2:6

मेन खानानिन्‌आ अ़क्‌तात य़ङ तोङ्‌लो त़मुम्‌योम, अ़ङ्‌का ऩङाछिरुङ्‌वात्‍निङा खानानिन्‌आ निकोलाइतस्‌चिओ अ़चुकाचिचि ऩङात़छिरुम्‍च़म।

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।

खाङ्‌मुमा 3:1

सार्दिस्‌दाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान निनाम्‍हाङ्‌ओ सात्‌कातात लावा खोन्‍कि सात्‌कातात साङ्‌केन्‍मा कातोक म़य़ङ्‌याङ। आम्‍काचिचि अ़ङ्‌का सिन्‍तुङ्‌योङ्‌च़ङ। खानानिन अ़ह़ङ त़युङियेन निकिना आम्‍नुओ ऩङ ओन्‍ङा ऱङायुङ्‌सा, मेन खानानिन त़स़न्‌वा त़लिसिन्‌युङ्‌सिन।

खाङ्‌मुमा 3:15

अ़ङ्‌का आम्‍नुओ काचिचि सिन्‍तुङ्‌योङ्‌च़ङ, खानानिन ना त़केङ्‌सिन्‌येन ना त़कुसिन्‌येन। त़केङ्‌सिन्‌येन्‌ओ माङ्‌लो त़कुसिन्‌येन्‌ओदे नुवाओनि अ़ङ्‌का मिन्‍ङा।

खाङ्‌मुमा 3:8

अ़ङ्‌का आम्‍नुओ काचिचि सिन्‍तुङ्‌योङ्‌च़ङ। खानुम, अ़ङ्‌का आम्‍नुओ बुदा लाप्‍तिखोप होत्‍नाप़नायुङ्‌नानिन, मो साङ्‌आछाङ छेक्‍मा अ़ऱन। खानानिन्‌एदा उन्‍नि सावा याक्‌याङ, खोन्‍नुछाङ खानानिन अ़ङ्‌य़ङ त़काङ्‌सिन्‌युङ्‌सिन खोन्‍कि अ़ङ्‌ऩङ ऩङामान्‍छित्‍त़युक्‍तुम निकिना अ़ङ्‌का सिन्‍तुङ्‌योङ।