खाङ्‌मुमा 2:18 - बान्‍तावा राई

¹⁸ थिआतिरादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान निनाम्‍हाङ्‌ओ अ़चुछादाङ्‌का ओ, मोसोओ अ़म़क्‌चि मिओ अ़लाक्‌वा खोन्‍कि मोसोओ अ़लाङ्‌चि लेन्‍माय़ङ कासावा मुयाङ।

खाङ्‌मुमा 2:18 Σταυροειδείς Αναφορές

मत्‍ति 17:5

पत्रुस चेवाङाहिदाङा, छोक्‍छोक्‍छोक्‌वाओ य़वारिआ मोचि भुक्‍तुखात्‍तुचि, खोन्‍कि मो य़वारिदाङ्‌का अ़क्‌तात य़ङ ता, “ओक्‍को सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा। खोक्‍कोसाआ ऩलोन्‌ओ एनानुम!”

मत्‍ति 27:54

कप्‍ताना खोन्‍कि येसु काहुङ रात्‍खामिचिआ लुत्‍लि खोन्‍कि मोदा झारा म़लिसाङाओचि म़खाचि, खोन्‍किना अ़न्‍नुनु अ़चुक़माकाराकि मोचि ओवात्‍नि म़य़ङा, “अ़नुछ्‍याङा, ओ म़ना ना निनाम्‍हाङ्‌ओ अ़चुछा ओ।”

मत्‍ति 3:17

मोन्‍ग़रि निनाम्‍मादुङ्‌का ओवाको य़ङ ता, “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा अ़न्‍नुनु अ़ङ्‌ऩङानुयाङ।”

लुका 1:35

निनाम्‍हाङ काफाआ लो, “सेङ्‌लावा खानाएदा म़ता। झारादाङ्‌का तोक्‍पो निनाम्‍हाङ्‌ओ अ़चुसावा खानाएदा छुक। खोन्‌ओसा पुक्‍नान्‍चिन्‌ओ नुनु सेङ्‌लो लि, खोन्‍कि खोक्‍को निनाम्‍हाङ्‌ओ अ़चुछानि अ़लो।

युहन्‍ना 1:14

मो य़ङ पोक लिसाकि आन्‍रादा म़याआ। युहन्‍नाआ खोक्‍कोसोओ अ़चुतुक्‌वादा सालुम्‍स़ङ प़याङ्‌सा म़लोचि, “साङ्‌कोओ अ़चुतुक्‌वादा अ़ङ्‌का खानानिन लोनानिन, खोक्‍को ओङा ओ, अ़ङ्‌कादाङ्‌का आदेङ म़ताओ तोक्‍पो म़मुयाङ, देकिनालो खोक्‍को अ़ङ्‌कादाङ्‌का बुयाङा म़युङाङा।” आन्‍कान्‍का खोक्‍कोसोओ अ़चुसाम खाम्‌युङ्‌सुम्‍का। खोक्‍को निनाम्‍हाङ पापाओ अ़क्‍छा ओन्‍ङा अ़चुछा खान्‍तुलो तोक्‍पो म़मुवाङा। मो य़ङ सोम्‍तुक्‍मायु खोन्‍कि अ़छ़ङ्‌आ भेप्‍तुओ म़मुवाङा।

युहन्‍ना 1:49

नथानेल्‌आ खोक्‍को लासुलो, “रब्‍बि, खानानिन निनाम्‍हाङ्‌ओ अ़चुछा ओ, खानानिन इस्राएल्‌दाओ हाङ ओ।”

युहन्‍ना 10:36

अ़ङ्‌का ‘निनाम्‍हाङ्‌ओ अ़चुछा ओ’नि य़ङाङ्‌हिदा देत्‍नि निनाम्‍हाङ्‌ओ अ़चुसाया पेप्‍तुङ्‌नि त़लोनि? अ़ङ्‌का पापा निनाम्‍हाङ्‌आ ऩछेन्‍ताङ्‌कि हेन्‍खामादा ऩय़साङ्‌ओ म़ना ओ।

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।

युहन्‍ना 3:18

साङ खोक्‍कोएदा साकोङ्‌छ़ङ मु, मो लाहिदा अ़छुक्‍निन, मेन साकोङ्‌छ़ङ मान्‍मुकादा म़ना बुयाङा लाहि कामु काइसायुङ्‌सा, देकिनालो मो निनाम्‍हाङ्‌ओ अ़क्‍छा ओन्‍ङा ओ अ़चुछाओ अ़चुऩङ्‌दा साकोङ्‌छ़ङ मान्‍मुयुक।

युहन्‍ना 5:25

अ़नुछ्‍याङा, अ़ङ्‌का खानानिन लोनानिन, ओवाको ग़रि तायाङ, मोन्‍ग़रि म़सुवादाओचिआ निनाम्‍हाङ्‌ओ अ़चुछाओ अ़य़ङ अ़एन, खोन्‍कि काएन्‌चि म़ह़ङ। मो ग़रि ओन्‍ग़रिङा ओ।

छाम्‍माय़ङ 16:14

मोचिएदाओ थिआतिरा सहरादा कायुङ्‌मा लिदिया अ़ऩङ मुवाङाओ अ़क्‍छा निरावा मेत्‍छामा याआङा, मो ब़द्‍धे अ़लुङ छुक्‍ताङाओ तित इनाङा। मोसाआ निनाम्‍हाङ ब़क्‍तुङु। हाङ्‌पाआ मोसोओ अ़साकोङ्‌वा अ़होत्‍तापुवाओसा पावल चेवाङाओ य़ङ नुलोक तुप्‍तु।

छाम्‍माय़ङ 8:36

खोन्‍कि खोचि लाम्‌दा खाराङाचिहिदाङा अ़क्‍चित चाक्‌वा याआङाओदा तालाचि, खोन्‍कि मो अ़सावाऱक क़प्‍माय़ङ्‍आ फिलिप लो, “खा-खानुम, ओदा चाक्‌वा याक्‌याङ। अ़ङ्‌का बप्‍तिस्‍मा लोक्‍मा दिसाआ अ़छेक्‍ङा कि?” [

रोमि 1:4

खोन्‍कि सेङ्‌लावाआ खोक्‍को निनाम्‍हाङ्‌ओ अ़चुछा झारा सावापोरिओ निकिना खाङ्‌म़मेत्‍तुचि, देकिनालो आन्‍हाङ्‌पा येसु ख्रिस्‍त म़सुवादाओदाङ्‌का म़खोन्‍तालोन्‍ता।

रोमि 8:32

निनाम्‍हाङ्‌आ आप्‍पिओ अ़चुछा मान्‍लेत्‌अ़दा, मेन आन्‍कान झारासोओ निम्‍पाङ अ़चुछा म़पुवालावा। दि खोक्‍कोसाआ आन्‍कान म़हिप्‍ताओ झारा सामाचिछाङ अ़चुछाएनान अ़क्‍नि म़प़निन कि?

खाङ्‌मुमा 1:11

मो य़ङ्‌आ लो, “खाना दि त़खा, मो अ़क्‌तात छाप्‍लाखा भोङ्‌दा छाप्‍तु, खोन्‍किना ओ सात्‌कातात्‍माङ साम्‍भुङ्‌चि छोक्‍तुचि: एफिसस, स्‍मुर्ना, पर्गामम, थिआतिरा, सार्दिस, फिलादेल्‍फिया खोन्‍कि लाउदिकिया।”

खाङ्‌मुमा 2:1

“एफिससदाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान सात्‌कातात साङ्‌केन्‍माचि अ़चुचुप्‍ताङ्‌छुक्‌दा काक़क्‍क खोन्‍कि सात्‌कातात हाराक्‌वाओ कुपि युङ्‌खाचिओ अ़चुरादा काकोन म़य़ङ्‌याङ।

खाङ्‌मुमा 2:24

मेन खानानिन थिआतिरादाओ ओ अ़अ़त्‍पा चिन्‍माय़ङ मान्‍त़ङ्‌कादाचि खोन्‍कि ‘सैतानाओ अ़च़वाङ य़ङ्‌चि’नि लोमाय़ङ मान्‍चिन्‍कादान्‍चिन्‌चि खानानिन अ़ङ्‌का लोनानिन, खानानिन अ़ङ्‌का नि खाक्‍कोछाङ लोमाय़ङ अ़प़नानिमिन,