खाङ्‌मुमा 2:10 - बान्‍तावा राई

¹⁰ खानानिन अ़चाअ़त्‍मादा छुक्‍मा त़मुन्‌येन्‌ओदा मान्‍क़दानिन। खानुम! सैतानाआ खानानिन्‌एदाङ्‌का देम्‍कापाङ आम्‍नुओ चिन्‍माखाङ्‌माओ निम्‍पाङ छेक्‍खादा छेक्‍मा त़मुन्‌येन, खोन्‍कि खानानिन दस्‌कालेन दुखा त़तोक्‍तिन। खानानिन आम्‍नुओ स़मादामातारि साकोङ्‌छ़ङ मुमा त़खान्‍तिन्‍लो त़लिसिन्‌नालो अ़ङ्‌का खानानिन ह़ङ्‌म़ङ्‌ओ सिरिफा प़नानिन।

खाङ्‌मुमा 2:10 Σταυροειδείς Αναφορές

मत्‍ति 10:22

अ़ङ्‌का कात़ङ्‌चिओसा झारासा खानानिन ऩङाऩछिरिन। मेन साङ आदेङ्‌तारि आङ्‌तुकि युङ, खो लेन।

मत्‍ति 10:28

पोक ओन्‍ङा कासेत्‍चिदाङ्‌का मान्‍क़दानिन, देकिनालो मोचिआ लावा सेत्‍मा ऩऱन। मेन लावा खोन्‍कि पोक ह्‍वातात्‍माङ मिराक्‌यु कालुक्‌एदा क़सानिन।

मत्‍ति 24:13

मेन साङ आदेङ्‌तारि साकोङ्‌छ़ङ मुयुङ, मो लेन।

मर्कुस 13:13

अ़ङ्‌का कात़ङ्‌चिओसा झारासा खानानिन ऩङाऩछिरिन। मेन साङ आदेङ्‌तारि साकोङ्‌छ़ङ मुयुङ, मो लेन।

मर्कुस 8:35

देकिनालो साङ्‌आ अ़ह़ङ्‌म़ङ लेन्‍मा लाप्‍तु, मोसाआ मो मासु, मेन साङ्‌आ अ़ङ्‌को खोन्‍कि नुय़ङ्‌खान्‌ओ निम्‍पाङ अ़ह़ङ्‌म़ङ मासु, मोसाआ अ़नुछ्‍याओ ह़ङ्‌म़ङ तोक्‍तु।

लुका 21:12

मेन ओ झारा काचि लिमा बुया म़नाचिआ खानानिन ऩलाविन्‌कि दुखा ऩप़न, खोन्‍कि खानानिन छ़ङ छेइसि यावायोक्‍खिम्‌चिदा ऩतारिन्‍लान, खोन्‍कि छेक्‍खाखिम्‌चिदा ऩछेक्‍तिन। खानानिन अ़ङ्‌का कात़ङ्‌चिओसा हाङ्‌चि खोन्‍कि हाङ्‌कामुचिओ अ़चुबुदा ऩसारिन्‍खात्‍तिन।

युहन्‍ना 12:25

आप्‍पि अ़ह़ङ्‌म़ङ सोमाकातुक्‌आ मो मासु, मेन आप्‍पि अ़ह़ङ्‌म़ङ ओ हेन्‍खामादा ऩङाकाछित्‌आ अ़धुन्‌तारिओ अ़नुछ्‍याओ ह़ङ्‌म़ङ रात्‍तु।

युहन्‍ना 13:2

खोन्‍कि अ़नाम्‍प़क्‌ओ चा-चामा ग़रि दियाबलस्‌आ सिमोन्‌ओ अ़छा यहुदा इस्‍करियोत्‌ओ अ़मिन्‍मादा येसु धान्‍मा मिन्‍मा बुयाङा पाक्‍तुप़युङ्‌सु।

युहन्‍ना 13:27

पेम्‍पाक्‌ओ अ़धाङ चोचिउङुवा सैताना मो हुत्‌दा वाङा। खोन्‍कि येसुआ मो अ़लोवा, “खाना दे च़मा त़लाम्‌याङ, मो च़क्‍नि मु।”

छाम्‍माय़ङ 20:24

खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

छाम्‍माय़ङ 21:13

मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।

१ कोरिन्‍थि 9:25

होरा मेत्‍मादा कावाङ झारा क़म्‍मान्‍चिन्‍दोत। मोचि लुक्‍खात्‌ओ ताङ्‌बोप्‍खा तोक्‍माओ निम्‍पाङ ओवात्‍नि म़च़याङ, मेन आन्‍कान देम्‍खाछाङ अ़लुक्‍निन्‍खात्‍निन्‌ओ ताङ्‌बोप्‍खा तोक्‍माओ निम्‍पाङ ओवात्‍नि च़न्‌येन।

एफिसि 2:2

मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

एफिसि 6:12

देकिनालो आन्‍ङेन पोक खोन्‍कि ह़ओ अ़देङ्‌सालाप्‍पादा माआङ, मेन अ़तोक्‍पोचिओ अ़चुदेङ्‌सालाप्‍पादा, सावाचिओ अ़चुदेङ्‌सालाप्‍पादा, आइमित्‌ओ कुइयामा हेन्‍खामादाओ हाङ्‌काचि कामुचिओ अ़चुदेङ्‌सालाप्‍पा खोन्‍कि निनाम्‍मादुओ युङ्‌खाचिदाओ अ़अ़त्‍पा लावामि सावाचिओ अ़चुदेङ्‌सालाप्‍पादा ओ।

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

१ पत्रुस 5:4

खोन्‍कि मुलो काखाङ्‌पा खाङ्‌म़मुनान्‍चिन्‌हिदा देम्‍खाछाङ अ़युन्‍निन्‍खात्‍निन्‌ओ ऩङ्‌लोङ्‌माओ सिरिफा त़तोक्‍तुम।

१ पत्रुस 5:8

चाप्‍चेत्‍तानिन्‍चिन खोन्‍कि चाप्‍चाप्‍चाप्‌वा युङानिन! आम्‍नुओ ङेङ सैताना काङुन धिनारावात्‍नि साङ धित्‍माकि चामा निकिना खालाम्‍सा हुलुक।

खाङ्‌मुमा 13:2

अ़ङ्‌का खाङ्‌ओ मो साक्‍स़ङ स़ङ्‌चोङ्‌खेवात्‍नि काराङा, मोसोओ अ़लाङ्‌चि माक्‍साओवा म़मुवाङा, खोन्‍कि मोसोओ अ़दो धिनाराओवा मुवाङा। मो अ़धिवाङ प़आ मो साक्‍स़ङ आप्‍पि अ़सावा, अ़हाङ्‌युङ्‌खा खोन्‍कि तोक्‍पो पाङ प़।

खाङ्‌मुमा 13:7

मो निनाम्‍हाङ्‌ओ अ़चुम़नाचिओ अ़चुदेङ्‌सालाप्‍पादा ङेन मुमा खोन्‍कि मोचिएदा छोमा सावा म़प़युङ्‌सुचि। झारा भुङ्‌चि, म़नाचि, य़ङ्‌चि खोन्‍कि रावाचिएदा मो हाङ मुमा पाङ म़प़युङ्‌सुचि।

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

खाङ्‌मुमा 2:13

खानानिन खादा त़युङिन्‌येन, अ़ङ्‌का सिन्‍तुङ्‌योङ। मोदा सैतानाओ अ़हाङ्‌युङ्‌खा युङ्‌याङ। खोन्‍नुछाङ अ़ङ्‌ऩङ्‌दा खानानिन नुलोक त़युङिन। सोम्‍कुवा मुमा खान्‍तुओ अ़ङ्‌सालुम्‍स़ङ काप़पा एन्‍तिपास्‌ओ अ़ग़रिदाछाङ अ़ङ्‌काएदा साकोङ्‌छ़ङ मुमा मान्‍छित्‍त़दोम, खो सैतानाओ अ़युङ्‌खादा आम्‍नुओ रादा सेरायुङ्‌सा।

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।