खाङ्‌मुमा 17:9 - बान्‍तावा राई

⁹ खाना ओ तुप्‍मा अ़नुवाक खारु दोत। सात्‌कातात ताङ्‌चि सात्‌कातात भ़ऱचि ओ, मो दुङ्‌दा मो मेत्‍छामा युङ। मोचि सात्‌कातात हाङ्‌चिछाङ ओ।

खाङ्‌मुमा 17:9 Σταυροειδείς Αναφορές

मत्‍ति 13:11

येसुआ मोचि म़लासुलोचि, “खानानिन निनाम्‍हाङ्‌होन्‌ओ अ़कोङ्‌दुम्‌ओ अ़तुक्‌वादा तुप्‍खाताया ऩप़न्‌युङ्‌सिन, मेन निचि माआङ।

मत्‍ति 24:15

येसु म़य़ङा, “खानानिन्‌आ दानिएल निनाम्‍हाङ्‌य़ङ खाकालुलाम्‍पा चेप्‍माय़ङ कालुक चिप्‍माकात्‍तुओ सेङ्‌याङ्‌ओदा एप्‌याङ्‌ओ त़खाम।” (काखिप्‌चिआ ओ य़ङ अ़तुप्‍ने)

खाङ्‌मुमा 13:1

खोन्‍कि धियाङ्‌वामादाङ्‌का लोन्‍ताओ अ़क्‌तात साक्‍स़ङ अ़ङ्‌का खाङ, मोसोओ दस्‌कातात अ़खुक्‍खाचि खोन्‍कि सात्‌कातात अ़ताङ्‌चि म़याआङा। मोसोओ दस्‌कातात अ़खुक्‍खाचिदाङा दस्‌कातात ताङ्‌बोप्‍माचि म़याआङा, खोन्‍कि मोसोओ झारा अ़ताङ्‌दा निनाम्‍हाङ सुङ्‌माय़ङ ऩङ याआङा।

खाङ्‌मुमा 13:18

खारुआ अ़नुछ्‍या ओ तुप्‍मा ऱ, साङ्‌आ तुप्‍मा ऱ, मोसाआ ओ साक्‍स़ङ्‌ओ अ़खिप तुप्‍तुने। देकिनालो मो म़नाओ अ़खिप ओ। मोसोओ अ़खिप छ सये छयसत्‍थि ओ।

खाङ्‌मुमा 17:18

खाना त़खाओ मो मेत्‍छामा तोक्‍पो सहरा ओ, मोसाआ हेन्‍खामादाओ हाङ्‌चिदा हाङ मु।”

खाङ्‌मुमा 17:3

खोन्‍किना निनाम्‍हाङ काफाआ लावादा अ़ङ्‌का अ़खुयाङ्‌कि अ़क्‌तात लेक्‍लेक्‍लेक्‌वाओदा अ़खात्‍ताङ। हालापाक्‌वा साक्‍स़ङ युक्‍तुङुओ अ़क्‍छा मेत्‍छामा अ़ङ्‌का खाङ। मो साक्‍स़ङ्‌ओ सात्‌कातात अ़ताङ्‌चि खोन्‍कि दस्‌कातात अ़खुक्‍खाचि म़याआङा, खोन्‍कि निनाम्‍हाङ सुङ्‌माय़ङ ऩङ्‌चिआ मोसोओ झारा अ़याम भेप्‍लो छाप्‍तायुङ्‌सा।

खाङ्‌मुमा 17:7

मो निनाम्‍हाङ काफाआ अ़ङ्‌का अ़सेनाङ, “खाना देकि त़दोम्‍दायाङ? मो मेत्‍छामाकिना साक्‍स़ङ्‌ओ सात्‌कातात अ़ताङ खोन्‍कि दस्‌कातात अ़खुक्‍खा याक्‌याङ्‌ओ अ़कोङ्‌दुम खाना खाएत्‍ना।