खाङ्‌मुमा 11:9 - बान्‍तावा राई

⁹ सुम्‌कालेन खोन्‍कि अ़क्‍धाङ्‌तारि खोचिओ अ़चुस़पोक्‌चि म़नाचि, भुङ्‌चि, य़ङ्‌चि खोन्‍कि रावा-रावाओ म़नाचिआ म़खाचि खोन्‍कि मो स़पोक्‌चि खुम्‍मा ऩप़न्‍चिन।

खाङ्‌मुमा 11:9 Σταυροειδείς Αναφορές

मत्‍ति 7:2

देकिनालो देत्‍नि खानानिन नि म़नाचि छ़ङ्‌त़छेन्‍तुम्‍च़म, मोवात्‍निङा निनाम्‍हाङ्‌आ खानानिन्‌छाङ छ़ङ्‌ऩछेन्‍तिन। खाउ हाक्‍खाआ नि म़नाचि खानानिन त़हाक्‍तुम्‍च़म, मो हाक्‍खाआङा खानानिन्‌छाङ निनाम्‍हाङ्‌आ ऩहाक्‍तिन।

खाङ्‌मुमा 10:11

खोन्‍किना अ़ङ्‌का ओवात्‍नि ऩलोवाङ, “हान्‍छाङ खाना ब़द्‍धे म़नाचि, रावाचि, य़ङ्‌चि खोन्‍कि हाङ्‌चिओ अ़चुतुक्‌वादा निनाम्‍हाङ्‌य़ङ खालुमाङादोत।”

खाङ्‌मुमा 11:11

मेन सुम्‌कालेन अ़क्‍धाङ्‌कि निनाम्‍हाङ्‌एदाङ्‌का ताओ ह़ङ्‌म़ङ्‌ओ साक्‍मा मोचिएदा वाङा, खोन्‍कि मोचि अ़चुलाङ्‌दा एवाचि। मो अ़खाकि झारा म़नाचिओ ब़द्‍धे अ़चुक़माकारा।

खाङ्‌मुमा 13:7

मो निनाम्‍हाङ्‌ओ अ़चुम़नाचिओ अ़चुदेङ्‌सालाप्‍पादा ङेन मुमा खोन्‍कि मोचिएदा छोमा सावा म़प़युङ्‌सुचि। झारा भुङ्‌चि, म़नाचि, य़ङ्‌चि खोन्‍कि रावाचिएदा मो हाङ मुमा पाङ म़प़युङ्‌सुचि।

खाङ्‌मुमा 17:15

निनाम्‍हाङ काफाआ अ़ङ्‌का अ़लोवाङ, “खाना त़खाचिओ मो चाक्‌वाचि, मोदा काचान्‍चामा युङ्‌याङ्‌ओ, मोचि ना म़नाचि, म़ना मुक्‍लाचि, रावाचि खोन्‍कि य़ङ्‌चि ओ।

खाङ्‌मुमा 5:8

खाउग़रि मो छाप्‍लाखाओ अ़भोङ अ़लोआ, मोन्‍ग़रि मो चारकातात्‍माङ अ़ह़ङ साक्‍स़ङ्‌चि खोन्‍कि चौबिस्‌कापाङ्‌माङ साम्‌योक ताङ्‌पाचि थुबाछाओ अ़चुबुदा म़बोम्‍सान्‍चिन। मो झारा साम्‌योक ताङ्‌पाचिओ अ़चुछुक्‌दा वाकेन खोन्‍कि नाम्‍नुओ सुङ्‌आ भेप्‍तुओ हाराक्‌वाओ फाङ्‌लान्‌चि म़याआङा। मो निनाम्‍हाङ्‌ओ अ़चुम़नाचिओ अ़चुयामात्‍माचिओ।

खाङ्‌मुमा 5:9

मोचिआ अ़क्‌तात अ़ऩङ्‌वा छाम अ़लुवा। “खानानिन ओ छाप्‍लाखाओ अ़भोङ कालोक खोन्‍कि मोसोओ अ़सेप्‍खाचि फोङ्‌मा त़खान्‍तिन्‌ओ त़मुन्‌येन। देकिनालो खानानिन ऩसेरिन, खोन्‍कि आम्‍नुओ स़मा हेन्‍खोक्‌वाआ खानानिन निनाम्‍हाङ्‌ओ निम्‍पाङ झारा भुङ्‌चि, य़ङ्‌चि, म़नाचि खोन्‍कि रावाचि त़खिरुम्‍च़म।