खाङ्‌मुमा 1:5 - बान्‍तावा राई

⁵ ओ य़ङ्‌चिओ साकोङ्‌छ़ङ मुमा खान्‍तुओ सालुम्‍स़ङ खोन्‍कि म़सुवादाओचिदाङ्‌का बुदा म़खोन्‍तालोन्‍ताओ खोन्‍कि हेन्‍खामादाओ झारा हाङ्‌चिएदा हाङ्‌काचि कामु येसु ख्रिस्‍तलाम्‍पाछाङ खानानिन सोमातुक्‍मा खोन्‍कि सेवाङ्‌नि। खोक्‍कोसाआ आन्‍कान सोमाम़तुक, खोन्‍कि खोक्‍कोसोओ अ़चुस़मा हेन्‍खोक्‌वाआ आन्‍कान आन्‍हेवादाङ्‌का म़फोङ्‌सायुङ्‌सा।

खाङ्‌मुमा 1:5 Σταυροειδείς Αναφορές

मत्‍ति 20:28

मोवात्‍निङा म़नाओ अ़छाछाङ ब़त्‍लुसि माआङ, मेन ब़त्‍सि, खोन्‍कि ब़द्‍धेकापाङ फोङ्‌माओ अ़लुङ छोन्‍सि निकिना अ़ह़ङ्‌म़ङ प़सि ताओ।”

मत्‍ति 28:18

खोन्‍कि येसु मोचिएदा म़ताकि म़लोचि, “निनाम्‍मा खोन्‍कि हेन्‍खामादाओ झारा पाङ अ़ङ्‌का ऩपुवाङ्‌युङ्‌साङ।

युहन्‍ना 13:1

काक्‍माखात्‍मा चानुचाओ बुया, ओ हेन्‍खामा छित्‍मादामाकि पापा निनाम्‍हाङ्‌एदु खात्‍मा खोक्‍कोसोओ अ़चुग़रि तादिसायुङ्‌सानि येसुआ अ़सिन्‍ता। खोन्‍कि ओ हेन्‍खामादाओ अ़चुकाखेङ्‌चि अ़धुन सोमाम़तुक्‍तुचि, खोन्‍कि खोक्‍कोसाआ झारा अ़चुसोम्‍तुक्‍माआ मोचि सोमाम़तुक्‍तुचि।

युहन्‍ना 13:34

अ़क्‌तात अ़ऩङ्‌वा लोमाय़ङ अ़ङ्‌का खानानिन प़नानिन: खानानिन अ़क्‍छा निएदा सोमातुक्‍कातुक मुवानिन। खानानिन अ़ङ्‌का देत्‍नि सोमातुक्‍नानिन, खानानिन्‌आछाङ अ़क्‍छा निएदा मोवात्‍निङा सोमातुक्‍कातुक मुवानिन।

युहन्‍ना 15:9

अ़ङ्‌पापाआ देत्‍नि अ़ङ्‌का सोमाऩतुक्‍ताङ्‌युङ्‌साङ, अ़ङ्‌काछाङ मोवात्‍नि खानानिन सोमातुक्‍नायुङ्‌नानिन। खानानिन अ़ङ्‌सोमातुक्‍मादा याआनिन।

युहन्‍ना 18:37

पिलातस्‌आ खोक्‍को सेनु, “दि खाना हाङ्‌ङा ओ म़ल़क?” येसुआ लासुलो, “खानानिन्‌ङा खोवात्‍नि त़य़ङिन्‌युङ्‌सिन म़ल़क। ओसोओ निम्‍पाङ अ़ङ्‌का लिसाङ ओ, खोन्‍कि ओ अ़छ़ङ य़ङ्‍ओ निकिना सालुम्‍स़ङ प़सि अ़ङ्‌का ओ हेन्‍खामादा ताङ्‌ओ। झारा साङ्‌आ अ़छ़ङ य़ङ त़ङ्‌तु, मोसाआ अ़ङ्‌य़ङ एनु।”

युहन्‍ना 3:11

अ़ङ्‌का खाना लोना, आन्‍कान्‍का दि लेसुम्‌योम्‍का, मोङा आन्‍कान्‍का य़ङिन्‍का, खोन्‍कि आन्‍कान्‍का दि खाम्‌युङ्‌सुम्‍का मोसोओ अ़सालुम्‍स़ङ आन्‍कान्‍का प़म्‍का, खोन्‍नुछाङ खानानिन आन्‍काओ सालुम्‍स़ङ त़लोइमिन।

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।

युहन्‍ना 3:32

खोक्‍कोसाआ अ़खाओ, खोन्‍कि अ़एनायुङ्‌साओ, मोसोओ अ़सालुम्‍स़ङ खोक्‍कोसाआ अ़प़, मेन खोक्‍कोसोओ अ़सालुम्‍स़ङ साङ्‌आछाङ अ़लोउन।

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

छाम्‍माय़ङ 26:23

कालेन्‍पा हाङ्‌पा ख्रिस्‍तआ दुखा आङ्‌माकि स़मादोत, खोक्‍को म़सुवादाओ म़नादाङ्‌का कालाखोन्‍लोन झारादाङ्‌का बुदाओ म़लि, खोन्‍कि खोक्‍कोसा यहुदि अ़चुम़नाचि खोन्‍कि निरावाचिएदा निनाम्‍हाङ्‌ओ अ़चुय़ङ खाअ़लु।”

रोमि 3:25

निनाम्‍हाङ्‌आ ख्रिस्‍तओ अ़चुह़लाम्‍पा हेवादाङ्‌का लेन्‍मा निम्‍पाङ खोक्‍कोसाआ हेन्‍खोक्‌वा लिसि ख्रिस्‍त म़पुवा। मो लेन्‍माय़ङ साकोङ्‌छ़ङ्‌लाम्‍पा लोक्‍मादोत। ओ काचि निनाम्‍हाङ्‌आ अ़चुसाम्‌योक्‍मि खाङ्‌मुमा निम्‍पाङ अ़मुवा ओ, देकिनालो खोक्‍कोसोओ नुलोक अ़चुहुङ्‌मादा बुया म़मुवाओ आन्‍हेवाचिदा खोक्‍कोसाआ दन्‍दा मान्‍प़म़दा।

रोमि 8:37

मेन ओ झारा य़ङ्‌चिदा आन्‍कान निनाम्‍हाङ्‌ओ अ़चुसोमातुक्‍मालाम्‍पा काछोचिदाङ्‌काछाङ आन्‍कान च़लोक मुन्‌येन।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

गलाति 2:20

अ़ङ्‌का ख्रिस्‍तएनान क्रुस्‌दा ख़न्‍ताङ्‌युङ्‌साङ। हान्‌दाङ्‌का काह़ङ अ़ङ्‌का माआङ, मेन ख्रिस्‍त अ़ङ्‌काएदा म़ह़ङ। ओन्‍ग़रि अ़ङ्‌का पोक्‌दा ह़ङ्‌ङाङा, मो ह़ङ्‌म़ङ निनाम्‍हाङ्‌ओ अ़चुछाएदा सोम्‍कुवालाम्‍पा ह़ङ्‌ङा। खोक्‍कोसाआ अ़ङ्‌का सोमाऩतुक्‍ताङ खोन्‍कि अ़ङ्‌को निम्‍पाङ खोक्‍को आप्‍पि म़पुवान्‍लावान्‍चिन।

एफिसि 2:4

मेन निनाम्‍हाङ्‌ओ अ़चुसोमातुक्‍मा ब़द्‍धे याक्‌याङ, खोन्‍कि खोक्‍कोओ अ़चुसोमातुक्‍मा आन्‍कान्‌एदा अ़न्‍नुनु तोक्‍पो मुयाङ।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

कलस्‍सि 1:18

खोक्‍को साम्‍भुङ्‌ओ अ़छोङ म़मुयाङ, खोन्‍कि मो साम्‍भुङ खोक्‍कोसोओ अ़चुपोक ओ। खोक्‍को अ़पुङ्‌चिपुक ओ, म़सुवादाओचिदाङ्‌का काखोन्‍लोन खोक्‍को बुयाओ म़मुयाङ। खोन्‌ओसा झारा य़ङ्‌चिदाङ्‌का खोक्‍को अ़छोङ्‌दुओ म़लिने।

१ तिमोथि 6:13

झारा ह़ङ्‌म़ङ काप़ निनाम्‍हाङ खोन्‍कि पन्‍तियस पिलातस्‌ओ अ़बुदा अ़नुवाक सालुम्‍स़ङ काप़ ख्रिस्‍त येसुओ अ़चुबुदा अ़ङ्‌का खाना लोनाङ्‌ना,

१ तिमोथि 6:15

ऩङ्‌चोन्‍मा खान्‍तुओ निनाम्‍हाङ खोन्‍कि अ़क्‍छा ओन्‍ङा तोक्‍पोहाङ, हाङ्‌चिओ अ़चुहाङ, हाङ्‌पाचिओ अ़चुहाङ्‌पाआ खोक्‍कोओसो तोङ्‌ओ अ़चुग़रिदा आन्‍हाङ्‌पा येसु ख्रिस्‍त खाङ्‌अ़मु।

हिब्रु 10:29

खानानिन मित्‍तानुम, निनाम्‍हाङ्‌ओ अ़चुछा अ़लाङ्‌थेम भेन्‌यु कानेप्‌चि, खाक्‍को ह़आ म़सेङ खोन्‍कि निनाम्‍हाङ्‌ओ अ़चुय़ङ्‌छ़ङ अ़छ़ङ मु, मो ख्रिस्‍तओ अ़चुह़ दिसुवा मान्‍मित्‍कादा खोन्‍कि सोमाकातुक सेङ्‌लावा कासुङ्‌चिआ देम चात्‍लो दन्‍दा अ़तोक?

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

१ पत्रुस 1:19

मेन खेन मान्‌वान्‍माय़ङ खोन्‍कि थुपि मात्‍द़ङ्‌ओ अ़क्‌तात थुबाछावाको ख्रिस्‍तओ छ़ओ अ़चुह़आ खानानिन ऩफोङ्‌सिन्‌ओ।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

१ युहन्‍ना 4:10

सोमातुक्‍मानिओ ओङा ओ, आन्‍कान निनाम्‍हाङ सोमातुक्‍तुम्‌ओ माआङ, मेन खोक्‍कोसाआ आन्‍कान सोमाम़तुक्‍ता ओ, खोन्‍कि आन्‍हेवा लेत्‍मा निम्‍पाङ हेन्‍खोक्‌वा लिसि अ़चुछा अ़य़सा।

खाङ्‌मुमा 11:15

खोन्‍किना सात्‌कातात्‌ओ निनाम्‍हाङ काफाआ अ़थुथुरि मुत्‍तु, खोन्‍कि निनाम्‍मादु ओवात्‍नि य़ङाङाओ अ़धिवा य़ङ्‌चि मुक्‍तुचि, “हेन्‍खामादाओ हाङ्‌होन आन्‍हाङ्‌पा निनाम्‍हाङ्‌ओ खोन्‍कि खोक्‍कोसोओ अ़चुख्रिस्‍तओ हाङ्‌होन लिसायुङ्‌सा, खोन्‍कि खोक्‍को अ़धुन्‌तारि हाङ म़मुयुङ!”

खाङ्‌मुमा 11:3

अ़ङ्‌को ह़वाङ अ़ङ्‌सालुम्‍स़ङ्‌चि बोराओ तित हुम्‍मेत्‍तुङ्‌च़ङ्‌कि छुत्‍तुङ्‌च़ङ खोन्‍कि अ़क हजारा ह्‍वा सये साथिकालेन्‌तारि निनाम्‍हाङ्‌ओ अ़चुय़ङ खालुमेत्‍तुङ्‌च़ङ।”

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

खाङ्‌मुमा 19:11

अ़ङ्‌का निनाम्‍मा होराओ खाङ, खोन्‍कि मोदा अ़क्‌तात ओमाङाओ युक्‌वा युङाङा। मोदा कायाक, ‘सोम्‍कुवा मुमा खान्‍तुओ’ खोन्‍कि ‘अ़छ़ङ मुमाय़ङ’नि लोवाङा। खोक्‍को तोङ्‌लो छ़ङ म़छेन खोन्‍कि ङेन म़मु।

खाङ्‌मुमा 19:16

खोक्‍कोसोओ अ़चुतित, अ़चुओ धिलाङ्‌दा ‘हाङ्‌चिओ अ़चुहाङ खोन्‍कि हाङ्‌पाचिओ अ़चुहाङ्‌पा’नि छाप्‍ताङा।

खाङ्‌मुमा 2:13

खानानिन खादा त़युङिन्‌येन, अ़ङ्‌का सिन्‍तुङ्‌योङ। मोदा सैतानाओ अ़हाङ्‌युङ्‌खा युङ्‌याङ। खोन्‍नुछाङ अ़ङ्‌ऩङ्‌दा खानानिन नुलोक त़युङिन। सोम्‍कुवा मुमा खान्‍तुओ अ़ङ्‌सालुम्‍स़ङ काप़पा एन्‍तिपास्‌ओ अ़ग़रिदाछाङ अ़ङ्‌काएदा साकोङ्‌छ़ङ मुमा मान्‍छित्‍त़दोम, खो सैतानाओ अ़युङ्‌खादा आम्‍नुओ रादा सेरायुङ्‌सा।

खाङ्‌मुमा 3:14

लाउदिकियादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान आमेन निओदाङ्‌का ओ, साङ सोम्‍कुवा मुमा खान्‍तुओ अ़छ़ङ सालुम्‍स़ङ काप़पा खोन्‍कि निनाम्‍हाङ्‌ओ अ़चुमुन्‍माय़ङ्‌चिदाओ हाङ्‌काचि कामुदाङ्‌का ओ।

खाङ्‌मुमा 7:14

खोन्‍कि अ़ङ्‌का मो लासुङ्‌लोङ, “उवा, खानानिन्‌ङा त़सिन्‍तिन।” खोन्‍कि खोसाआ अ़ङ्‌का अ़लोवाङ, “ओचि तोक्‍पो ल़क्‍माचिदा निनाम्‍हाङ्‌एदा सोम्‍कुवा कामु म़लिसाओ म़नाचि ओ। मोचिआ अ़चुतित्‌चि थुबाछाओ अ़चुह़दा वाअ़सुवाकि ओम्‍पुवाचिचिओ अ़मुवायुङ्‌सा।