खाङ्‌मुमा 1:1 - बान्‍तावा राई

¹ ओ निनाम्‍हाङ्‌आ येसु ख्रिस्‍त खाङ्‍अ़मेत्‍ताओ य़ङ ओ, खोन्‌ओसा खोक्‍कोसाआ अ़चुकाब़त्‍पाचि च़क्‍नि लिसि तामा म़मुयाङ्‌ओ य़ङ्‌चि खाङ्‌मेत्‍मा म़ऱचि। ख्रिस्‍तआ अ़चुकाफा अ़छुत्‍ताकि ओ य़ङ अ़चुकाब़त्‍पा युहन्‍ना खाङ्‌अ़मेत्‍ता।

खाङ्‌मुमा 1:1 Σταυροειδείς Αναφορές

युहन्‍ना 12:49

देकिनालो अ़ङ्‌का अ़ङ्‌आप्‍पिओ पाङ्‌दाङ्‌का मान्‍चेप्‍ङा, मेन अ़ङ्‌का दे य़ङ्‌मादोत्‌ओ खोन्‍कि दि चेप्‍मादोत्‌ओ, अ़ङ्‌का काछुत पापा निनाम्‍हाङ्‌आ अ़ङ्‌का ऩलोवाङ्‌युङ्‌साङ।

युहन्‍ना 15:15

हान्‌दाङ्‌का अ़ङ्‌का खानानिन हारुक्‌चिनि अ़लोनानिमिन, देकिनालो मोसोओ अ़हाङ्‌पा दे च़मा मुयाङ, अ़हारुक्‌आ अ़सिन्‍तुन। मेन अ़ङ्‌का खानानिन यावाचिनि लोनानिन, देकिनालो दि अ़ङ्‌का अ़ङ्‌पापाएदाङ्‌का एनुङ, अ़ङ्‌का मो झारा खानानिन खाएत्‍नायुङ्‌नानिन।

युहन्‍ना 17:8

देकिनालो खाक्‍को य़ङ खानानिन्‌आ अ़ङ्‌का त़प़नि, अ़ङ्‌का मोचि प़ङ्‌युङ्‌सुङ्‌च़ङ, खोन्‍कि मोचिआ मो अ़लोआयुङ्‌सा। अ़ङ्‌का खानानिन्‌एदाङ्‌का ताङ्‌ओ निकिना मोचिआ अ़नुछ्‍या अ़सिन्‍तायुङ्‌सा, खोन्‍कि खानानिन्‌आ अ़ङ्‌का त़छुत्‍निओ निकिना मोचि साकोङ्‌छ़ङ म़मुवायुङ्‌सा।

युहन्‍ना 3:32

खोक्‍कोसाआ अ़खाओ, खोन्‍कि अ़एनायुङ्‌साओ, मोसोओ अ़सालुम्‍स़ङ खोक्‍कोसाआ अ़प़, मेन खोक्‍कोसोओ अ़सालुम्‍स़ङ साङ्‌आछाङ अ़लोउन।

युहन्‍ना 8:26

अ़ङ्‌का आम्‍नुओ तुक्‌वादा य़ङ्‌मा खोन्‍कि छ़ङ्‌छेन्‍मा ब़द्‍धे युङ्‌याङ। मेन अ़ङ्‌का काछुत्‌लाम्‍पा अ़ङ्‌का दि एनुङ, मो य़ङ ओन्‍ङा अ़ङ्‌का हेन्‍खामादा य़ङ्‌ङा। देकिनालो खोक्‍को अ़छ़ङ म़मुयाङ।”

रोमि 16:25

हान आन्‍कान झारासा निनाम्‍हाङ्‌ओ अ़चुऩङ्‌लोङ्‌सुम्‍ने! अ़ङ्‌का येसु ख्रिस्‍तओ अ़चुतुक्‌वादा खालुसुङ्‌ओ नुय़ङ्‌खान्‌लाम्‍पा खोक्‍कोसाआ खानानिन आम्‍नुओ साकोङ्‌छ़ङ्‌दा सावापोरिओ मुमा ऩऱन। मो नुय़ङ्‌खान्‌ओ अ़कोङ्‌दुम्‌ओ तुप्‍माय़ङ, जुगा-जुगायुङ्‌का कुम्‍सायुङ्‌सा।

गलाति 1:12

देकिनालो ओ दिवापाचिदाङ्‌का अ़ङ्‌का तोक्‍तुङ्‌ओ माआङ, ना ओ अ़ङ्‌का खाक्‍कोसाआ अ़चिन्‍ताङ्‌ओङा ओ, मेन ओ अ़ङ्‌का येसु ख्रिस्‍तओ अ़चुसाम्‌लाम्‍पा तोक्‍तुङ्‌ओ।

एफिसि 3:3

निनाम्‍हाङ्‌आ अ़ङ्‌का मो अ़कोङ्‌दुम सिन्‍ऩमेत्‍ताङ्‍ओ। ओसोओ अ़तुक्‌वादा अ़ङ्‌का खानानिन बुयाङा थुत्‍मेत्‍लो छाप्‍नानिन्‌ओ।

तितस 1:1

अ़ङ्‌का पावल निनाम्‍हाङ्‌ओ अ़चुहारुक खोन्‍कि ख्रिस्‍त येसुओ छाम्‍माय़ङ्‌आ ओ छाप्‍लावा छाप्‍तुङ्‌योङ। निनाम्‍हाङ्‌आ म़छेन्‍तुचिओचिओ अ़चुसाकोङ्‌छ़ङ पोइसि खोन्‍कि निनाम्‍हाङ्‌ओ अ़ऩङानुओ अ़छ़ङ य़ङ म़नाचिआ तुप्‍मा निकि फासि निनाम्‍हाङ्‌आ अ़ङ्‌का ऩछाम्‍साङ।

खाङ्‌मुमा 1:19

खोन्‌ओसा खाना दि त़खायुङ्‌सु, खोन्‍कि आइमित दे लियाङ, खोन्‍कि माय़ङ दे लि, मो छाप्‍तु।

खाङ्‌मुमा 1:9

अ़ङ्‌का युहन्‍ना, आम्‍नुओ बुवा, येसुएदा साकोङ्‌छ़ङ मुवाङ्‌ओसा खानानिन्‌एनान अ़क्‍नि हुङ्‌याङ्‌सा अ़चाअ़त्‍मा आङ्‌तुङ्‌योङ। मो दुखा खोक्‍कोसोओ अ़चुहाङ्‌होन्‌दा कावाङ्‌चिएदा ता। निनाम्‍हाङ्‌ओ अ़चुय़ङ खालुसुङ खोन्‍कि येसु ख्रिस्‍तओ अ़चुसालुम्‍स़ङ प़ङ्‌ओसा अ़ङ्‌का पत्‍मोस्‌निओ खाम्‍दाक्‌दा ऩखाइसाङ।

खाङ्‌मुमा 17:1

मो सात्‌कातात खुङ काक़क सातकापाङ निनाम्‍हाङ काफाचिएदाओ अ़क्‍छा अ़ङ्‌काएदा ताकि अ़लोवाङ, “बाना, मो तोक्‍पो काचान्‍चामा ब़द्‍धे चाक्‌वाचिदा युङ्‌याङ्‌ओ मोसाआ देत्‍नि दन्‍दा तोक्‍तुओ मो अ़ङ्‌का खाना खाङ्‌मेत्‍ना।

खाङ्‌मुमा 19:10

खोन्‍किना खो सेवा मेत्‍सि अ़ङ्‌का खोसोओ अ़लाङ्‌दा बोम्‍साङ्‌च़ङ। मेन खोसाआ अ़ङ्‌का अ़लोवाङ, “खाना अ़ङ्‌का ओवात्‍नि मुमा अ़नुनिन। अ़ङ्‌का येसुओ अ़छ़ङ सालुम्‍स़ङ काखुन आम्‍निछाचि खोन्‍कि अ़क्‍निओ आम्‌यावा काफाचि ओन्‍ङा ओ। निनाम्‍हाङ ब़क्‍तु!” देकिनालो येसु ख्रिस्‍तआ खाङ्‌अ़मुसाओ अ़छ़ङ्‌आङा निनाम्‍हाङ्‌य़ङ खाकालुचि मो अ़छ़ङ य़ङ्‌खान खालुमा सावा प़चि।

खाङ्‌मुमा 19:9

खोन्‍किना मो निनाम्‍हाङ काफाआ अ़ङ्‌का अ़लोवाङ, “ओ छाप्‍तु, थुबाछाओ अ़चुसायाकाम्‍खाओ खाबाचादा बुत्‍माय़ङ्‌चि निनाम्‍हाङ्‌आ झारा आसिखा म़प़चि।” निनाम्‍हाङ काफाआ अ़लासाङ्‌लोवाङ, “निनाम्‍हाङ म़य़ङाओ ओ य़ङ्‌चि अ़छ़ङ ओ।”

खाङ्‌मुमा 21:2

खोन्‍कि निनाम्‍मादुङ्‌का सेङाङाओ सहरा अ़ऩङ्‌वा यरुसलेम निनाम्‍हाङ्‌आ अ़धान्‍ताङाओ अ़ङ्‌का खाङ। मो सायाकाकाम्‍मा अ़सायाकाकाम्‍पा तुप्‍मा निम्‍पाङ चोङ्‌सान्‍चिन्‌कि चुम्‍सान्‍चिन्‌ओवा मुवाङा।

खाङ्‌मुमा 21:9

मो सात्‌कातात देङ्‌दाओ अ़चाअ़त्‍माआ म़भेप्‍ताओ सात्‌काखुङ कातोक सात्‌कापाङ निनाम्‍हाङ काफाचिदा अ़क्‍छा बानाकि अ़ङ्‌का ओवात्‍नि अ़लोवाङ, “बाना, अ़ङ्‌का खाना थुबाछाओ अ़चुसायाकाकाम्‍मा खोक्‍कोसोओ अ़चुखिम्‍हाङ्‌मा, खाङ्‌मेत्‍नाने।”

खाङ्‌मुमा 22:1

खोन्‍किना निनाम्‍हाङ काफाआ अ़ङ्‌का फत्‍किरिवाको छोक्‍छोक्‍छोक्‌वाओ ह़ङ्‌म़ङ काप़ चाक्‌वाओ याङ्‌वामा खाङ्‌अ़मेत्‍ताङ। मो याङ्‌वामा निनाम्‍हाङ्‌ओ खोन्‍कि थुबाछाओ हाङ्‌युङ्‌खादाङ्‌का लोन्‍ताकि

खाङ्‌मुमा 22:16

“अ़ङ्‌का येसुआ खानाएदा साम्‍भुङ्‌चिओ निम्‍पाङ ओ य़ङ्‌खान प़सि अ़ङ्‌को अ़ङ्‌काफा छुत्‍तुङ्‌युङ्‌सुङ। अ़ङ्‌का दाउद भुङ्‌ओ अ़भेन खोन्‍कि खोसोओ हाङ्‌कामु पाङ्‌यि कातोक ओ। अ़ङ्‌का अ़वाय़ङ लेत्‌याङ्‌ओ साङ्‌केन्‍मा ओ।”

खाङ्‌मुमा 22:6

खोन्‍किना निनाम्‍हाङ काफाआ अ़ङ्‌का अ़लोवाङ, “ओन्‍ग़रितारि खाना त़एनुओ य़ङ्‌चि अ़छ़ङ म़मुयाङ खोन्‍कि सोम्‍कुवामुमायु म़मुयाङ। निनाम्‍हाङ्‌आ खोक्‍कोसोओ अ़चुखाकालुचि खोक्‍कोसोओ अ़चुलावा म़प़चि खोन्‍कि खोक्‍कोसाआ हान च़क्‍नि लिमा म़मुयाङ्‌ओ य़ङ्‌चि अ़चुहारुक्‌चि खाङ्‌मेत्‍सि खोक्‍कोसोओ अ़चुकाफा अ़छुत्‍तायुङ्‌सा।”

खाङ्‌मुमा 22:8

ओ झारा य़ङ काएन खोन्‍कि काखाङ अ़ङ्‌का युहन्‍ना ओ। खाउग़रि अ़ङ्‌का ओ य़ङ्‌चि एनुङ्‌चिउङ्‌च़ङ खोन्‍कि खाङ्‌चिउङ्‌च़ङ, अ़ङ्‌का ओ य़ङ खाङ्‌कामेत निनाम्‍हाङ काफा ब़त्‍सि खोसोओ अ़लाङ्‌दा बोम्‍मान्‍चिन लामाङ।

खाङ्‌मुमा 22:9

मेन निनाम्‍हाङ काफाआ अ़ङ्‌का अ़लोवाङ, “खाना ओवात्‍नि मान्‍च़दा! खाना, निनाम्‍हाङ्‌य़ङ खाकालु आम्‍द़क्‍छा बुवाचि खोन्‍कि ओक्‍को छाप्‍लाखा भोङ्‌दा छाप्‍ताओ य़ङ्‌चि काकाङ झारा म़नाचिवात्‍नि अ़ङ्‌का निनाम्‍हाङ्‌ओ अ़चुहारुक ओन्‍ङा ओ। खाना निनाम्‍हाङ ओन्‍ङा ब़क्‍मादोत।”

खाङ्‌मुमा 4:1

खोन्‍किना अ़ङ्‌का नि सेन्‍चि खाङ, खोन्‍कि अ़ङ्‌बुदा अ़क्‌तात लाप्‍तिखोप निनाम्‍मादु होराओ खाङ। अ़ङ्‌का बुया एनुङ्‌ओ य़ङ थुथुरिओवाको ऱङाङा, मो अ़ङ्‌काएनान ओवात्‍नि य़ङ्‌सा चेवाङाओ अ़ङ्‌का एनुङ, “ओदु थाङा, खोन्‍कि हान दिचि म़लिओ, मो अ़ङ्‌का खाङ्‌मेत्‍ना।”

खाङ्‌मुमा 5:7

खोक्‍को म़खारा, खोन्‍कि हाङ्‌युङ्‌खादा कायुङ्‌ओ अ़चुचुप्‍ताङ्‌छुक्‌दाङ्‌का मो छाप्‍लाखा अ़भोङ अ़लोआ।