मर्कुस 9:5 - बान्‍तावा राई

⁵ खोन्‍कि पत्रुस्‌आ येसु लो, “काचिन्‍पो, आन्‍कान ओदा युङ्‌मा अ़नुवाक लि! आन्‍कान्‍का सुम्‌कातात याक्‍साचि मुम्‍च़म्‍काने, अ़क्‌तात आम्‍नुओ निम्‍पाङ, खोन्‍कि अ़क्‌तात मोसाओ निम्‍पाङ खोन्‍कि अ़क्‌तात एलियाओ निम्‍पाङ!”

मर्कुस 9:5 Σταυροειδείς Αναφορές

मत्‍ति 17:4

पत्रुस्‌आ येसु लो, “हाङ्‌पो, आन्‍कान ओदा युङ्‌मा अ़नुवाक लि! खानानिन त़मिनिन्‌नालो अ़ङ्‌का ओदा सुम्‌कातात याक्‍साचि मुङ्‌च़ङ्‌ने, अ़क्‌तात आम्‍नुओ निम्‍पाङ, अ़क्‌तात मोसाओ निम्‍पाङ खोन्‍कि अ़क्‌तात एलियाओ निम्‍पाङ।”

मत्‍ति 23:7

हाताचिदा म़नाचिआ साऩङ्‌वाओ सेवा म़मेत्‍तुचिओ खोन्‍कि ‘काचिन्‍पो’नि म़लोचिओ अ़चुऩङानु।

मत्‍ति 23:8

मेन खानानिन साङ्‌आछाङ ‘काचिन्‍पो’नि ऩलोन्‍मिन्‍ने, देकिनालो आम्‍नुओ काचिन्‍पा अ़क्‍छा ओन्‍ङा म़युङ्‌याङ, खोन्‍कि खानानिन झारा ब़ब़, नाना खोन्‍कि निछाचि ओ।

मर्कुस 9:4

खोन्‍किना निनाम्‍हाङ्‌य़ङ खाकालु मोसा खोन्‍कि एलिया खोचिएदा खाङ्‌मुसाचिचिन, खोन्‍कि खोचि येसुएनान चेप्‍मा अ़पुङ्‌साचु।

मर्कुस 9:6

खो दे य़ङ्‌मा दोराङाओ खोसाआ मान्‍सिन्‍दो। देकिनालो खोचिओ अ़न्‍नुनु अ़चुक़माकारा।

लुका 9:33

मोसा खोन्‍कि एलिया येसुएनान म़हासान्‌यान्‍चिन्‌हिदा पत्रुस्‌आ येसु लो, “काचिन्‍पो, आन्‍कान ओदा युङ्‌मा अ़नुवाक लि! आन्‍कान्‍का सुम्‌कातात याक्‍साचि मुम्‍च़म्‍काने। अ़क्‌तात आम्‍नुओ निम्‍पाङ, अ़क्‌तात मोसाओ निम्‍पाङ खोन्‍कि अ़क्‌तात एलियाओ निम्‍पाङ।” खो आप्‍पि दि चेवाङाओ मान्‍सिन्‍दो।

युहन्‍ना 4:31

मोवात्‍नि लिसाङाओ ग़रि अ़चुकाखेङ्‌पाचिआ खोक्‍को अ़लोवा, “रब्‍बि, दि-दि चानिन।”

फिलिप्‍पि 1:23

अ़ङ्‌का ना हाक्‍हाक्‍किरा लिसाङ्‌युङ्‌साङ। हामान्‍चिन्‌कि ख्रिस्‍तएनान युङ्‌मा स़ङाङा, देकिनालो ओ ब़द्‍धे अ़नुवाक मुयाङ।

१ युहन्‍ना 3:2

सोमातुक्‍नाङ्‌नानिन्‌ओ यावाचि ओ, ओन्‍ग़रि आन्‍कान निनाम्‍हाङ्‌ओ अ़चुछाचि ओ, खोन्‍कि आन्‍कान माय़ङ देलिसिन ओ, मो ओन्‍ग़रितारि मान्‍सिन्‌युक्‍तुम। मेन आन्‍कान सिन्‍तुम्‌योम, ख्रिस्‍त खाङ्‌म़मुनान्‍चिन्‌ओ ग़रि आन्‍कान्‌छाङ खोक्‍कोवाकोङा लिसिन, देकिनालो खोक्‍को देत्‍नि म़कात्‌याङ, आन्‍कान मोवात्‍निङा खोक्‍को खाम।