मर्कुस 7:4 - बान्‍तावा राई

⁴ खोन्‍कि बजारादाङ्‌का म़ताकि मोचि मान्‍सेङ्‌मान्‍चिन्‌तारि दित्‍छाङ ऩचान्‍चिन। मोन्‌ओन्‍ङा माआङ, मोचिआ नि ब़द्‍धे च़माथाङ्‌माचिछाङ म़मुचि, मोवात्‍निङा लाङ्‌चोक्‍खुङ्‌चि, भागुनाचि खोन्‍कि कासाओ खुङ्‌चि वामान्‍स़माङ मान्‌याङ्‌म़दोङुचि।

मर्कुस 7:4 Σταυροειδείς Αναφορές

मत्‍ति 23:25

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन लाङ्‌चोक्‍खुङ खोन्‍कि फाङ्‌लान्‌ओ अ़दुङ्‌लिप्‍पा त़प़न्‍तुम, मेन आम्‍नुओ कोङ्‌हुत्‌या मो च़क्‍ख़य़ खोन्‍कि आप्‍पि खाङ्‌मान्‍चिन्‌आ भेप्‍तुयुङ्‌सु।

मत्‍ति 23:26

दोप्‍म़क फरिसिचि ओ! बुया लाङ्‌चोक्‍खुङ खोन्‍कि फाङ्‌लान्‌ओ अ़कोङ्‌लिप्‍पा प़न्‍तानुम, खोन्‍किना मोसोओ अ़दुङ्‌लिप्‍पाछाङ प़न्‍ने।

मत्‍ति 27:24

पिलातस्‌आ देत्‍छाङ च़मा अ़ऱन्‌ओ खा, मेन च़लोक काचेङ्‌वा लिमा पुङ्‌सुङुओसा, खोसाआ चाक्‌वाआ म़ना मुक्‍लाचिओ अ़चुबुदा अ़छुक वास़ खोन्‍कि लोचि, “अ़ङ्‌का ना ओ म़नाओ अ़ह़दाङ्‌का मान्‍फिकादा मुङाङा। खानानिन्‌ङा सिन्‍तानुम।”

मर्कुस 7:8

खानानिन्‌आ निनाम्‍हाङ्‌ओ अ़चुलोमाय़ङ त़छिरुम, खोन्‍कि म़नाचिओ अ़चुच़माथाङ्‌माचि त़मुम्‌योम्‍च़म।”

युहन्‍ना 2:6

हान यहुदिचिओ सेङ्‌मा अ़चुच़माथाङ्‌माओ निम्‍पाङ मोदा आप्‍फात, अ़क सये लितरा वाङाङाओ लुङ्‌ओ छकातात ल़ङ्‌भ़चि म़युङ्‌सायुङ्‌सा।

युहन्‍ना 3:25

खोन्‍किना युहन्‍नाओ थोरेत अ़काखेङ्‌पाचिएदाओचिआ अ़क्‍छा यहुदिएनान सेङ्‌मान्‍चिन्‌ओ अ़तुक्‌वादा दुम म़तुसा।

हिब्रु 9:10

मो चामायु, दुङ्‌मायु खोन्‍कि अ़खाला-खालाओ सेङ्‌मान्‍चिन च़माथाङ्‌माचि बुङ्‌खालिप्‍पाओ य़ङ्‌हुप ओन्‍ङा ओ। ओवाको बुयाओ य़ङ्‌हुप्‌चि अ़ऩङ्‌वा य़ङ्‌हुप अ़तानिन्‌तारि ओन्‍ङा अ़काचि याक।

याकुब 4:8

निनाम्‍हाङ्‌ओ अ़चुच़क्‌दा तानिन, खोन्‍कि खोक्‍को आम्‍नुओ च़क्‌दा म़ता। खानानिन हेवामिचि ओ! आम्‍नुओ छुक वासुवानुम। कोङ्‌क़त्‌वा म़नाचि ओ! आम्‍नुओ साकोङ्‌वा सेङ्‌सानुम।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।