मर्कुस 3:7 - बान्‍तावा राई

⁷ येसु अ़चुकाखेङ्‌पाचिएनान धियाङ्‌वामाह्‍यात्‍नि म़खारा, खोन्‍कि गालिल्‌किना यहुदियायाङ्‌का अ़धिवाङ म़ना मुक्‍लाचिआ खोक्‍को अ़त़ङ्‌ता।

मर्कुस 3:7 Σταυροειδείς Αναφορές

मत्‍ति 10:23

मोचिआ खानानिन अ़क्‌तात सहरादा दुखा ऩप़न्‌हिदा खानानिन नि सहरादा फुङ्‌सानिन। देकिनालो अ़नुछ्‍या अ़ङ्‌का खानानिन लोनानिन, म़नाओ अ़छा तामा बुया खानानिन्‌आ इस्राएल्‌दाओ झारा सहराचिदा आम्‍नुओ काचि त़मुन्‍चिइमिन।

मत्‍ति 12:15

येसुआ मोचिओ अ़चुय़ङ अ़सिन्‍ताकि मोदाङ्‌का म़खारालावा। ब़द्‍धेकापाङ्‌आ खोक्‍को अ़त़ङ्‌ता, खोन्‍कि खोक्‍कोसाआ मोचि झारा म़नुसुचि।

मत्‍ति 12:16

खोन्‍कि खोक्‍को साङ्‌ओ निकिना साङ्‌छाङ खामान्‌एत्‌दानुम्‍च़म्‌नि मोचि चाप्‍म़चेत्‍तुचि।

मत्‍ति 4:25

खोन्‍किना गालिल, देकापोलिस, यरुसलेम, यहुदिया खोन्‍कि यर्दन याङ्‌वामाओ ह्‍याउधेत्‌याङ्‌का अ़धिवाङ म़ना मुक्‍लाचिआ खोक्‍को अ़त़ङ्‌ता।

मर्कुस 1:39

खोन्‍किना येसु झारा गालिल्‌दा मोचिओ अ़चुयावायोक्‍खिम्‌चिदा खालुयाङ्‌सा खोन्‍कि चाकावालावाचि लोन्‌याङ्‌सा म़कोला।

मर्कुस 1:45

मेन खो खाराकि मो य़ङ्‌ओ अ़तुक्‌वादा झारा म़नाचि खाएत्‍मा पुक्‍तुचि, खोन्‍कि य़ङ्‌खान फेमा पुङ्‌सु। खोन्‌ओसा येसु मो सहरादा नुलोक वाङ्‌मा मान्‍ऱ, मेन अ़कुय़ङ्‌चिदात्‍नि म़युङा, खोन्‍नुछाङ म़नाचि झारादात्‍निङ्‌का खोक्‍कोएदा म़ता।

मर्कुस 3:20

खोन्‍किना येसु खिम्‌दा म़लासाखारा, खोन्‍कि मोदा म़ना मुक्‍लाचि म़लासान्‍कोवान्‍चिन, खोन्‌ओसा येसु खोन्‍कि अ़चुकाखेङ्‌पाचिआ चा-चामाछाङ मान्‍तोक्‌अ़दा।

मर्कुस 4:1

खोन्‍किना आदेङ्‌छाङ येसुआ धियाङ्‌वामाओ अ़केम्‌दा लामाचिन्‍मा म़पुङ्‌सुचि। खोन्‍कि खोक्‍कोसोओ अ़चुऱङ्‌कोप्‍नि ब़द्‍धे म़ना मुक्‍लाचि म़कोवान्‍चिन, खोन्‌ओसा खोक्‍को मो धियाङ्‌वामादाओ अ़क्‌तात नावादा म़वाङाकि मोदा म़युङा, खोन्‍कि झारा म़नाचि धियाङ्‌वामाओ अ़केम्‌दा म़युङा।

लुका 23:5

मेन मोचि क़न्‍नान्‍चिन्‍सा म़य़ङा, “ओसाआ झारा यहुदियादा चिन्‌याङ्‌सा म़नाचि अ़चुचोङ्‌माङ काइसुखात्‍तुङुचि। खोक्‍कोसाआ गालिल्‌दाङ्‌का पुङ्‌सुकि ओदातारि तालायुङ्‌सा।”

लुका 6:12

खोन्‍किना अ़क्‌लेन येसु यामात्‍सि भ़ऱदु म़खाराकि नाम्‍तात्‍लो निनाम्‍हाङ्‌एदा याम़मारा।

लुका 6:17

येसु अ़चुकाखेङ्‌पाचिएनान भ़ऱदुङ्‌का म़धाकि अ़क्‌तात अ़तेम्‍मादा म़एवा। मोदा ब़द्‍धे काखेङ्‌चि म़याआङा। यहुदिया खोन्‍कि यरुसलेम्‌ओ झारा दात्‍निदाङ्‌का खोन्‍कि धियाङ्‌वामाओ अ़केम्‌दा छुक्‍ताङाचिओ तुरोस खोन्‍कि सिदोन धिखाहुप्‌दाङ्‌का म़ताओ ब़द्‍धे म़नाचि म़याआङा।

युहन्‍ना 7:41

निचि म़य़ङा, “ओ ना ख्रिस्‍त ओ।” मेन खा-खाक्‍कोचि म़य़ङा, “दि ख्रिस्‍त गालिल्‌दाङ्‌का तामा म़ऱ कि?

युहन्‍ना 7:52

मोचिआ खो अ़लासालोवा, “दि खानाछाङ गालिल्‌दाङ्‌का ओ? साम्‍कालिन्‌दा लामुकि खा, खोन्‍कि खाना त़खा, गालिल्‌दाङ्‌का निनाम्‍हाङ्‌य़ङ खाकालु अ़लोन्‍निन।” [

छाम्‍माय़ङ 17:10

साकोङ्‌छ़ङ कामुचिआ खाखुत्‍ताङावा पावल खोन्‍कि सिलास बेरिया सहरादा म़छुत्‍तुखाइसुचि। खोन्‍कि मोदा तालाचिकि खोचि यहुदिचिओ अ़चुयावायोक्‍खिम्‌दा खाराचि।

छाम्‍माय़ङ 17:14

खोन्‍किना साकोङ्‌छ़ङ कामुचिआ धियाङ्‌वामाओ अ़केम्‌दा च़क्‍नि पावल अ़छुत्‍ताखाइसा। मेन सिलास खोन्‍कि तिमोथि बेरियादाङा युङालाराचि।