लुका 9:1 - बान्‍तावा राई

¹ येसुआ बारकापाङ अ़चुकाखेङ्‌पाचि अ़क्‍नि म़बुत्‍तुचिकि झारा चाकावालावाचि लोन्‍माखान्‍मा खोन्‍कि झारा सारिमाचि नुमा सावा खोन्‍कि पाङ मोचि म़प़चि।

लुका 9:1 Σταυροειδείς Αναφορές

मत्‍ति 16:19

अ़ङ्‌का खाना निनाम्‍हाङ्‌होन्‌ओ अ़होत्‍खाचि प़ना। दि खाना हेन्‍खामादा मुमा त़प़युङ्‌सुचि, निनाम्‍मादुओ निनाम्‍हाङ्‌आ मो अ़छ़ङ अ़मुवाचिआयुङ्‌सा, खोन्‍कि दि खाना हेन्‍खामादा मुमा मान्‍प़त़युक्‍तुचि, मो निनाम्‍मादु अ़छ़ङ अ़मुवायुङ्‌सा।”

मत्‍ति 4:24

खोक्‍कोसोओ अ़तुक्‌वादाओ य़ङ्‌खान सिरिया धिखाहुप भेप्‍लोतारिछाङ थ़ङा, खोन्‍कि म़तुआङाओचि, माङ्‌लो अ़खाला-अ़खालाओ सारिमाआ दुखा कातोक्‌चि, चाकावालावाआ लाउचिओ, खोन्‍कि स़दावाखेन्‌आ लाउचिओचि खोन्‍कि ख़न्‍माखात्‍मा सारिमाआ लाउचिओचि, झारा म़नाचि खोक्‍कोएदा म़तारुचि खोन्‍कि खोक्‍कोसाआ मोचि म़नुसुचि।

मत्‍ति 8:9

अ़ङ्‌का सिन्‍तुङ्‌योङ देकिनालो अ़ङ्‌का आप्‍पिछाङ अ़ङ्‌छोङ्‌दुओ पाङ्‌यिचिओ अ़चुपाङ्‌दा याक्‍ङाङा, खोन्‍कि अ़ङ्‌पाङ्‌दा रात्‍खामिचि म़याक्‌याङ। अ़ङ्‌का अ़क्‍छा ‘खारा!’नि लोङ, खोन्‍कि मो खात, नि ‘बाना!’नि लोङ खोन्‍कि मो बान। अ़ङ्‌का अ़ङ्‌हारुक, ‘ओ मु!’नि लोङ, खोन्‍कि खोसाआ मो मु।”

लुका 10:1

खोन्‍किना हाङ्‌पाआ नि सत्‍तरिकापाङ म़छेन्‍तुचिकि खोक्‍को खात्‍मा म़मुवाङाओ झारा सहरा खोन्‍कि तेन्‌दा खोक्‍कोएदाङ्‌का बुया मोचि ह़-ह़वाङ म़छुत्‍तुचि।

लुका 10:19

एनानुम, अ़ङ्‌का खानानिन प़चि खोन्‍कि लुङ्‌छुमिचि नेप्‍मा खोन्‍कि ङेङ्‌ओ झारा सावाएदा छोमा पाङ प़नायुङ्‌नानिन। खोन्‌ओसा दिसाआछाङ खानानिन देत्‍छाङ मुमा त़ऱनानिमिन।

युहन्‍ना 14:12

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌का साकोङ्‌छ़ङ अ़मुङा, मोसाआ अ़ङ्‌का मुङ्‌च़ङ्‍ओ काचिचि हान मुचि, खोन्‍कि ओचिदाङ्‌का अ़धिवा काचिचिछाङ मुचि, देकिनालो अ़ङ्‌का अ़ङ्‌पापाएदा खात्‍ङाङा।

छाम्‍माय़ङ 1:8

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

छाम्‍माय़ङ 3:16

येसुओ अ़चुऩङ्‌दा साकोङ्‌छ़ङ मुन्‍काओसा ओ पेसोला म़ना नुवायुङ्‌सा। ओ पेसोला बुया देत्‍नि मुवाङाओ खानानिन त़खाम्‌ओङा ओ, खोन्‍कि त़सिन्‍तुम्‌योम्‌ओङा ओ। खो येसुएदा साकोङ्‌छ़ङ मुवाओसा खानानिन्‌आ त़खाम्‌योम्‌हिदाङा निनाम्‍हाङ्‌आ खो नुलोक अ़नुसा।

छाम्‍माय़ङ 4:30

खोन्‍कि सेङ्‌याङ्‌ओ हारुक येसुओ अ़चुऩङ्‌लाम्‍पा कातुक म़नाचि नुखा खोन्‍कि बुन्‌चि खोन्‍कि म़दोम्‍दाओ काचिचि मुमादा आम्‍नुओ सावा आन्‍कान्‍का प़नि।”

छाम्‍माय़ङ 9:34

पत्रुस्‌आ खो लो, “एनियास, येसु ख्रिस्‍तआ खाना त़नु। पुवालोन्‍ताकि आम्‌इम्‍खा ओक्‍तु।” खोन्‍कि एनियास च़क्‍नि पुवालोन्‍ता।