लुका 7:34 - बान्‍तावा राई

³⁴ म़नाओ अ़छा चासा खोन्‍कि दुङ्‌सा ता, खोन्‌ओसा मोचि म़य़ङ्‌याङ, ‘खानुम, ओ म़ना ना बुक्‍ध़राक, खाबात सेत्‍चावा, दाम्‍दु कालात्‌चि खोन्‍कि हेवामिचिओ अ़चुयावा!’

लुका 7:34 Σταυροειδείς Αναφορές

मत्‍ति 11:19

म़नाओ अ़छा चासा खोन्‍कि दुङ्‌सा ता, खोन्‌ओसा मोचि म़य़ङ्‌याङ, ‘खानुम, ओ म़ना ना बुक्‍ध़राक, खाबात सेत्‍चावा, दाम्‍दु कालात्‌चि खोन्‍कि हेवामिचिओ अ़चुयावा!’ मेन निनाम्‍हाङ्‌ओ अ़चुखारुदाङ्‌का चिन्‍माय़ङ य़ङ खोक्‍कोसोओ अ़चुकाचिचिलाम्‍पा अ़छ़ङ कान।”

मत्‍ति 5:46

खानानिन सोमाकातुक्‌चि ओन्‍ङा सोमात़तुक्‍तुम्‍च़म्‌नालो खानानिन्‌आ दिसु सिरिफा त़तोक्‍तुम कि? दाम्‍दु कालात्‌चिछाङ मोवात्‍नि ना म़च़!

मत्‍ति 9:11

ओ अ़खाकिना फरिसिचिआ येसुओ अ़चुकाखेङ्‌पाचि म़सेनुचि, “देकि आम्‍नुओ काचिन्‍पा दाम्‍दु कालात्‌चि खोन्‍कि हेवामिचिएनान चा म़चायाङ?”

लुका 11:37

येसु म़चेवाचिआकि अ़क्‍छा फरिसिआ खोक्‍को चा चासि अ़बुत्‍ता। येसु खिम्‍हुत्‌या म़वाङाकि चा चाखादा म़युङा।

लुका 14:1

अ़क्‌लेन सावातोम्‍खा-लेन्‌दा येसु फरिसिचिओ अ़क्‍छा बुसुवाओ अ़खिम्‌दा चा-चासि म़खारा। मोदाओ म़नाचिआ येसु दे-दे च़याङ निकि अ़चोआयुङ्‌साङा।

लुका 15:2

मेन फरिसिचि खोन्‍कि य़ङ्‌हुप काचिन्‍पाचि छुऩङ्‌वा म़मुवा, “ओ म़नाआ ना हेवामिचि लोउचि खोन्‍कि मोचिएनान चा दुङ।”

लुका 19:7

म़नाचिआ ओ अ़खाकि झारा छुऩङ्‌वा मुमा अ़पुङ्‌सा, “येसु ना हेवामिओ अ़खिम्‌दा तावाङ लिसि म़खारायुङ्‌सा।”

लुका 5:29

खोन्‍कि लेबिआ अ़खिम्‌दा येसुओ निम्‍पाङ अ़धिवो खाबाचा पाआ। मोदा ब़द्‍धे दाम्‍दु कालात्‌चि खोन्‍कि नि ब़द्‍धे म़नाचिछाङ खोक्‍कोएनान अ़क्‍नि म़चाङा।

लुका 7:33

खोन्‍नुछाङ बप्‍तिस्‍मा काप़ युहन्‍ना ना पेम्‍पाक चायाङ्‌सा माङ्‌लो अङ्‌गुरा माङ्‌वा दुङ्‌याङ्‌सा ता, खोन्‍कि खो खानानिन्‌आ चाकावालावाआ लाउओ म़नानि त़लोम।

लुका 7:35

मेन निनाम्‍हाङ्‌ओ अ़चुखारुदाङ्‌का चिन्‍माय़ङ य़ङ अ़छ़ङ निओ य़ङ खोक्‍कोसोओ अ़चुखारुदा काकोन्‍चिआङा अ़कान।”

लुका 7:36

अ़क्‍छा फरिसिआ येसु खोएदा चा चासि बुत्‍तु। खोन्‌ओसा येसु मो फरिसिओ अ़खिम्‌दा म़खाराकि चा चाखादा म़युङा।

युहन्‍ना 12:2

येसुओ निम्‍पाङ मो तेन्‌दा अ़नाम्‍प़क्‌ओ अ़धिवा चा म़कुक्‍ता। मार्थाआ ब़रुचि, खोन्‍किना लाजरस येसुएनान चासि म़नालान्‍चिन्‌्‌कि कायुङ्‌चिएदाओ अ़क्‍छा याआङा।

युहन्‍ना 2:2

येसु खोन्‍कि खोक्‍कोसोओ अ़चुकाखेङ्‌पाचिछाङ सायाकाम्‍खादा म़बुत्‍तुयुङ्‌सुचि।