3 झाराकापाङ अ़चुओ ऩङ छाप्सि अ़चुतेन सहरादा म़खारा।
मोन्ग़रि रोम हेन्कोप्दाओ तोक्पोहाङ कैसर अगस्तस्आ ब़द्धे हेन्कोप्चिदा हाङ मुवाङा। खोसाआ हाङ मुवाङाओ हेन्कोप्चिदाओ झारा म़नाचि देम्कापाङ म़युङ्याङ निकिना सिन्माओ निम्पाङ अ़चुऩङ छाप्मादोत्नि लोचि।
कुरेनियस सिरिया धिखाहुप्दाओ हाङ्काचि मुवाङाहिदा ओवात्नि ऩङ छाप्म़मेत्तुचिओ बुयाओदु ओ।
मोन्ग़रि योसेफ अ़ऩङ छाप्सि गालिल धिखाहुप्दाओ नासरत तेन्दाङ्का लोन्ताकि यहुदिया धिखाहुप्दाओ दाउद्ओ अ़तेन बेथलेहेम्दुत्नि खारा। देकिनालो खोक्को बुयाओ हाङ दाउद्ओ अ़छावारि याआङा।
खोन्कि योसेफ्एनान मरियम्ओ अ़सायाकाम्मा अ़छ़ङ लिसाचिआओसा मरियम्ओछाङ अ़ऩङ छाप्सि खोचि अ़क्नि खाराचि। मोन्ग़रि मरियम छा वारायुङ्सा।
