लुका 10:9 - बान्‍तावा राई

⁹ मोदा म़याक्‌याङ्‌ओ कातुक्‌चि नुसानुम्‍च़म, खोन्‍कि मोचि लोवानुम्‍च़म, ‘निनाम्‍हाङ्‌ओ अ़चुहाङ्‌होन आम्‍नुओ च़क्‌दाङा तायुङ्‌सा।’

लुका 10:9 Σταυροειδείς Αναφορές

मत्‍ति 3:2

“निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

मत्‍ति 4:17

मोन्‍ग़रिदाङ्‌का येसुआ नुय़ङ्‌खान खालुमा अ़पुङ्‌सा, “निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

मर्कुस 4:30

खोन्‍किना येसुआ म़लोचि, “निनाम्‍हाङ्‌ओ अ़चुहाङ्‌होन दिएनान तोङ्‌सुम्‍खाम? माङ्‌लो ओ खालुमा खाक्‍को दोय़ङ्‌ला आन्‍कान याङुम?

मर्कुस 6:13

मोचिआ ब़द्‍धे चाकावालावाचि म़लोइसुखाइसुचि, खोन्‍कि ब़द्‍धेकापाङ कातुक्‌चि आक्‌वा म़पाक्‍तुचिकि मोचि म़नुसुचि।

लुका 10:10

मेन खानानिन खाक्‍को सहरादा त़वाङिन, मोचिआ खानानिन साऩङ्‌वा ऩमेत्‍तिमिन्‌नालो मो सहरादाओ लाम्‌चिदा खारानिन्‌कि ओवात्‍नि लोवानुम्‍च़म,

लुका 10:11

‘आन्‍काओ लाङ्‌दा खेप्‍ताओ आम्‍नुओ सहरादाओ बाखा थुलि आन्‍कान्‍का आम्‍नुओ देङ्‌सालाप्‍पादा चाप्‍चेत्‍माओ निकि धाम्‍सुम्‍धान्‍तुम्‌दाम्‍का। खोन्‍नुछाङ ओ सिन्‍तानुम, निनाम्‍हाङ्‌ओ अ़चुहाङ्‌होन च़क्‌दाङा तायुङ्‌सा!’

लुका 9:2

खोक्‍कोसाआ मोचि निनाम्‍हाङ्‌ओ अ़चुहाङ्‌होन खालुमा खोन्‍कि कातुक्‌चि नुसि पाङ्‌एनान म़छुत्‍तुचि।

युहन्‍ना 3:3

येसुआ मो अ़लासालोवा, “अ़नुछ्‍याङा अ़ङ्‌का खाना लोना, म़ना अ़ऩङ्‌वा लिकि अ़लानिन्‍लिनिन्‌नालो मोसाआ निनाम्‍हाङ्‌ओ अ़चुहाङ्‌होन खाङ्‌मा अ़तोक्‍तुन।”

युहन्‍ना 3:5

येसुआ अ़लासालोवा, “अ़नुछ्‍याङा अ़ङ्‌का खाना लोना, म़ना चाक्‌वा खोन्‍कि लावाआ अ़लानिन्‍लिनिन्‌नालो निनाम्‍हाङ्‌ओ अ़चुहाङ्‌होन्‌दा वाङ्‌मा अ़ऱनिन।

छाम्‍माय़ङ 28:28

खानानिन्‌छाङ सिन्‍मादोत, निनाम्‍हाङ्‌ओ अ़लेन्‍मा निरावाचिएह्‍यात्‍नि अ़खाइसायुङ्‌सा, खोन्‍कि मोचिआ अ़एन।” [

छाम्‍माय़ङ 28:31

खोसाआ राक्‌एनान निनाम्‍हाङ्‌ओ अ़चुहाङ्‌होन खालुसुङु, खोन्‍कि हाङ्‌पा येसु ख्रिस्‍तओ अ़तुक्‌वादा झारा चिन्‍तुङुचि, खोन्‍कि साङ्‌आछाङ खो मान्‍छेक्‌अ़दाङा।