युहन्‍ना 5:45 - बान्‍तावा राई

⁴⁵ ओ मान्‍मित्‌दानुम, अ़ङ्‌का पापा निनाम्‍हाङ्‌ओ अ़चुबुदा खानानिन लाहि पाक्‍नानिन। खानानिन लाहि कापाक ना निनाम्‍हाङ्‌य़ङ खाकालु मोसा ओ, खोएदा खानानिन सोम्‍कुवा त़मुन।

युहन्‍ना 5:45 Σταυροειδείς Αναφορές

लुका 16:29

मेन अब्राहाम्‌आ लो, ‘मोसा खोन्‍कि निनाम्‍हाङ्‌य़ङ खाकालुचिओ छाप्‍लाखा मोदा युङ्‌याङ। आम्‍निछाचिआ मो छाप्‍लाखादाओ चाप्‍चेत्‍माय़ङ अ़एन्‍ने।’

युहन्‍ना 12:48

अ़ङ्‌का ऩङाकाछित खोन्‍कि अ़ङ्‌य़ङ मान्‍लोक्‍कादाओ निम्‍पाङ अ़क्‍छा छ़ङ्‌काछेन म़युङ्‌याङ। खाक्‍को य़ङ अ़ङ्‌का चेउङ मो य़ङ्‌आङा आदेङ्‌ओ लेन्‌दा मोसोओ अ़छ़ङ छेन्‍तु।

युहन्‍ना 7:19

दि निनाम्‍हाङ्‌य़ङ खाकालु मोसाआ खानानिन य़ङ्‌हुप त़प़न्‌ओ माआङ? मेन खानानिन साङ्‌छाङ मो य़ङ्‌हुप्‌वा त़च़न्‍मिन। खानानिन देकि अ़ङ्‌का सेत्‍मा त़लाप्‍ङाङाऩङ?”

युहन्‍ना 8:9

मोचिआ ओ य़ङ अ़एनाकिना अ़धिवादाङ्‌का म़पुङ्‌सान्‍चिन्‌कि अ़-अ़क्‍छा लियाङ्‌सा म़खारा। खोन्‍कि येसु ओन्‍ङा मो मेत्‍छामाएनान अ़छिरादा, खोन्‍कि मो मेत्‍छामा मोदाङा अ़चुबुदा एवायुङ्‌सा।

रोमि 2:12

देम्‍साआ मोसाओ अ़य़ङ्‌हुप मात्‍द़ङ हेवा म़मुवायुङ्‌सा, मोचि य़ङ्‌हुप मात्‍द़ङ्‌ङा म़लुक्‍खात। खोन्‍कि देम्‍साआ य़ङ्‌हुप्‌दा म़युङ्‌कि हेवा म़मु, मोचिओ य़ङ्‌हुप्‌लाम्‍पाङा अ़चुछ़ङ्‌छेन।

गलाति 3:10

य़ङ्‌हुप्‌दा सोम्‍कुवा कामु झारा माङ्‌म़हिम, देकिनालो साम्‍कालिन्‌दा ओवात्‍नि छाप्‍तायुङ्‌सा, “य़ङ्‌हुप छाप्‍लाखादा छाप्‍ताओ झारा य़ङ्‌चिदा मान्‌युङ्‌कादा खोन्‍कि मो मान्‍मुकादाचि झारा माङ्‌म़हिम।”