युहन्‍ना 5:3 - बान्‍तावा राई

³ मो सिकुवादा दोप्‍म़क, पेसोला माङ्‌लो लाङ्‌छुक ख़न्‍माखात्‍मा सारिमाआ लाउओ ब़द्‍धे कातुक म़नाचि म़धुवाङा। [मोचिआ चाक्‌वा खाउग़रि लोङ निकिना अ़हुङाङा।

युहन्‍ना 5:3 Σταυροειδείς Αναφορές

मत्‍ति 15:30

खोन्‍कि अ़धिवो म़ना मुक्‍लाचि खोक्‍कोएदा म़ता। मोचिआ एक्‍सोक्‌वा, पेसोला, दोप्‍म़क, क़वा खोन्‍कि नि ब़द्‍धेकापाङ खोक्‍कोएदा अ़क्‍नि म़तारुचि। खोन्‍कि मोचिआ खोक्‍कोसोओ अ़चुबुदा अ़युक्‍ता, खोन्‍कि खोक्‍कोसाआ मोचि म़नुसुचि।

मत्‍ति 4:24

खोक्‍कोसोओ अ़तुक्‌वादाओ य़ङ्‌खान सिरिया धिखाहुप भेप्‍लोतारिछाङ थ़ङा, खोन्‍कि म़तुआङाओचि, माङ्‌लो अ़खाला-अ़खालाओ सारिमाआ दुखा कातोक्‌चि, चाकावालावाआ लाउचिओ, खोन्‍कि स़दावाखेन्‌आ लाउचिओचि खोन्‍कि ख़न्‍माखात्‍मा सारिमाआ लाउचिओचि, झारा म़नाचि खोक्‍कोएदा म़तारुचि खोन्‍कि खोक्‍कोसाआ मोचि म़नुसुचि।

लुका 7:22

खोन्‍कि येसुआ युहन्‍नाओ अ़काखेङ्‌पाचि म़लोचि, “खानानिन्‌आ दि-दि त़खाम्‌युङ्‌सुम खोन्‍कि त़एनुम्‌युङ्‌सुम, खारानिन्‌कि युहन्‍ना मो दुम्‌ङा खाएत्‍तानुम। दोप्‍म़क्‌चि खाम़खाङ, एक्‍सोक्‌वाचि म़कोन, क़माधामा सारिमाआ लाउचिओचि म़सेङायुङ्‌सा, खोन्‍कि फेङ्‌नाबाक्‌चि खाम़एन, म़सुवादाओचि म़खोन्‍तालोन्‍तायुङ्‌सा खोन्‍कि मान्‍तोक्‍कादाचिआ निनाम्‍हाङ्‌ओ अ़चुनुय़ङ्‌खान एन्‍मा अ़तोक्‌याङ।

युहन्‍ना 5:2

यरुसलेम सहरादा भेरा लाप्‍तिखोप्‌निओ वाङ्‌खा अ़च़क्‌दा वाताम्‍खा याक्‌याङ, मो हिब्रु य़ङ्‌दा बेथस्‍दानि लो। मोदा पाच्‌कातात सिकुवाचि म़याक्‌याङ।

युहन्‍ना 5:4

देकिनालो निनाम्‍हाङ पापाओ अ़क्‍छा अ़चुकाफाआ अ़दु-अ़दु वाताम्‍खादा धाकि चाक्‌वा लोङ्‌सुप़ङुचि। लोङ्‌साङाओ ग़रि झारादाङ्‌का बुया वाताम्‍खादा कावाङ, दियाको सारिमाआ लाउओ नुछाङ मो नुवालावाङा।]

रोमि 8:25

मेन आन्‍कान दि अ़तोक्‍तिमिन, मो आन्‍कान सोम्‍कुवा मुम्‌नालो आन्‍कान मो आङ्‌याङ्‌सा हुङुम।

याकुब 5:7

खोन्‌ओसा ब़ब़, नाना खोन्‍कि निछाचि ओ, हाङ्‌पा ऩलानिन्‍तानिन्‌तारि हुङायुङ्‌सानुम। खानुम, व़क काचि कामुआ अ़नुवाक अ़सिवा तोक्‍मा निकिना बुयाओ खोन्‍कि देङ्‌दाओ वामान्‍तायुक्‌ओन हुङुयुङ्‌सु।