युहन्‍ना 21:16 - बान्‍तावा राई

¹⁶ खोक्‍कोसाआ ह्‍वादुओदु मो अ़लासालोवा, “युहन्‍नाओ अ़छा सिमोन, दि खाना अ़ङ्‌का सोमात़तुक्‍ङा?” खोसाआ खोक्‍को लासुलो, “उवा हाङ्‌पो, खानानिन त़सिन्‍तुम्‌योम, अ़ङ्‌का खानानिन सोमातुक्‍नानिन।” खोक्‍कोसाआ मो अ़लोवा, “अ़ङ्‌भेराचि खाचि।”

युहन्‍ना 21:16 Σταυροειδείς Αναφορές

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

१ पत्रुस 5:2

आम्‍नुओ रादाओ निनाम्‍हाङ्‌ओ अ़लोकाचि नुलोक खानुम्‍च़म। राकाङ्‌थेत्‍निआ माआङ, मेन ऩङानुयाङ्‌सा, छेन्‍बिओ च़क्‍ख़य़आ माआङ, मेन राक्‌एनान फासानुम्‍च़म।

१ पत्रुस 2:25

देकिनालो खानानिन म़थेमाखाराओ भेराचिवात्‍नि त़मुन्‌येन, मेन हान खानानिन आम्‍नुओ लावाचि काखाङ्‌पा खोन्‍कि कारात्‍पाएदा त़लासिन्‍तान्‌युङ्‌सिन।

हिब्रु 13:20

आन्‍हाङ्‌पा येसु ख्रिस्‍त काखोन्‍लोन निनाम्‍हाङ्‌आ सेवाङ्‌नि ऩमुन्‍ने। येसु तोक्‍पो भेरा काखाङ्‌पावा म़मुयाङ, खोक्‍कोसोओ अ़चुह़लाम्‍पा अ़चुभेराचिएनान अ़धुन्‌ओ य़ङ्‌छ़ङ्‌दा सेप्‍तायुङ्‌सा।

युहन्‍ना 18:25

सिमोन पत्रुस एप्‌याङ्‌सा मि भुक्‍ताङा। मोचिआ खो अ़सेना, “दि खोक्‍कोसोओ अ़चुकाखेङ्‌पाचिएदाओ अ़क्‍छा खानाछाङ माआङ?” खोसाआ ओ य़ङ अ़ऩङाछिरुकि लोचि, “अ़ङ्‌का ना माआङ।”

युहन्‍ना 18:17

खोन्‍कि मो वाङ्‌खा लाम काहुङ मेत्‍छाछा छाआ पत्रुस सेनु, “दि खानाछाङ ओ म़नाओ अ़काखेङ्‌पाचिएदाओ अ़क्‍छा माआङ कि?” खो य़ङा, “अ़ङ्‌का माआङ।”

लुका 19:10

अ़ङ्‌का म़नाओ अ़छा ना म़माखाराओचि लाम्‍सि खोन्‍कि लेइसि ताङ्‌ओ।”

मत्‍ति 26:72

पत्रुस्‌आ किरे चोकि लासुऩङाछिरु, “अ़ङ्‌का मो म़ना अ़सिन्‍ऩङ।”

मत्‍ति 25:32

खोन्‍कि खोक्‍कोसोओ अ़चुबुदा झारा रावाचि म़कोप्‍नान्‍चिन, खोन्‍कि देत्‍नि काखाङ्‌पाआ भेरा खोन्‍कि मेनेत्‌चि फेउचि, मोवात्‍निङा खोक्‍कोसाआ म़नाचि अ़क्‍छा निएदाङ्‌का म़फेउचि।

मत्‍ति 2:6

‘खोन्‍कि खाना बेथलेहेम, यहुदियाओ थाम्‍पुक्‌दा, खाना यहुदादाओ हाङ्‌कामुचिओ अ़चुरादा देत्‍निकिछाङ अ़चुप्‍पो त़मुनानान, देकिनालो खानाएदाङ्‌का अ़क्‍छा हाङ्‌कामु लोन, खोन्‍कि खोक्‍कोसाआ इस्राएलि अ़ङ्‌म़नाचि म़तित्‍तुचि।’”

खाङ्‌मुमा 7:17

देकिनालो हाङ्‌युङ्‌खाओ अ़रादा कायुङ थुबाछा मोचिओ अ़चुकाखाङ म़लिकि म़रात्‍तुचि। खोक्‍कोसाआ मोचि अ़ह़ङ बोन्‌वा चाक्‌वादा म़तित्‍तुखात्‍तुचि। खोन्‍कि निनाम्‍हाङ्‌आ मोचिओ अ़चुम़क्‌चिदाङ्‌का झारा अ़चुम़क्‌वाचि म़त़क्‍तुप़चि।”

युहन्‍ना 21:17

खोक्‍कोसाआ मो सुम्‌कादुओदु अ़लोवा, “युहन्‍नाओ अ़छा सिमोन, दि खाना अ़ङ्‌का सोमात़तुक्‍ङा?” पत्रुस्‌ओ अ़राक सुवा, देकिनालो खोक्‍कोसाआ सुम्‌कादुओदु “दि खाना अ़ङ्‌का सोमात़तुक्‍ङा?” निकिना खो अ़सेना। मोसाआ खोक्‍को लो, “हाङ्‌पो, खानानिन झारा त़सिन्‍तुम्‌योम, अ़ङ्‌का सोमातुक्‍नानिन निकिना खानानिन त़सिन्‍तुम्‌योम।” येसुआ खो अ़लोवा, “अ़ङ्‌भेराचि चान्‍तुचि।