युहन्‍ना 18:5 - बान्‍तावा राई

⁵ मोचिआ खोक्‍को अ़लासालोवा, “नासरत्‌ओ येसु।” येसुआ मोचि म़लासुलोचि, “अ़ङ्‌का खोङा ओ।” खोक्‍को कालाप्‍प़पा यहुदाछाङ मोचिएनान एवाङा।

युहन्‍ना 18:5 Σταυροειδείς Αναφορές

मत्‍ति 2:23

खो खाराकि नासरत्‌निओ सहरादा युङा। ओवात्‍नि निनाम्‍हाङ्‌य़ङ खाकालुचि म़चेवाओ य़ङ ताला: “खोक्‍को नासरिनि लो।”

मत्‍ति 21:11

म़ना मुक्‍लादाओचिआ अ़लासालोवा, “ओ गालिल्‌दाओ नासरत्‌दाङ्‌का म़ताओ निनाम्‍हाङ्‌य़ङ खाकालु येसु ओ।”

युहन्‍ना 1:46

नथानेल्‌आ मो सेनु, “दि नासरत्‌दाङ्‌का अ़नुवाक य़ङ तामा ऱ कि?” फिलिप्‌आ मो लासुलो, “बानाकि खा।”

युहन्‍ना 18:4

खोन्‍कि खोक्‍कोएदा लिमा मुवाङाओ झारा य़ङ अ़सिन्‍ताकि येसु मोचिओ अ़चुबुदा म़खारा खोन्‍कि म़सेनुचि, “खानानिन्‌आ साङ त़लामुम्‌योम?”

युहन्‍ना 18:6

खोन्‍कि खोक्‍कोसाआ मोचि “अ़ङ्‌काङा ओ” नि म़लोचि, मोन्‍ग़रि मोचि देङ म़लासा, खोन्‍किना बाखादा म़धुवाखारा।

युहन्‍ना 19:19

पिलातस्‌आ अ़क्‌तात लाहिपाक्‍मा छाप्‍माय़ङ्‌छाङ छाप्‍तु, खोन्‍कि क्रुस्‌दा अ़खेप्‍ता। मोदा ओवात्‍नि छाप्‍ताङा, “नासरत्‌ओ येसु, यहुदिचिओ अ़चुहाङ।”