युहन्‍ना 18:17 - बान्‍तावा राई

¹⁷ खोन्‍कि मो वाङ्‌खा लाम काहुङ मेत्‍छाछा छाआ पत्रुस सेनु, “दि खानाछाङ ओ म़नाओ अ़काखेङ्‌पाचिएदाओ अ़क्‍छा माआङ कि?” खो य़ङा, “अ़ङ्‌का माआङ।”

युहन्‍ना 18:17 Σταυροειδείς Αναφορές

मत्‍ति 26:33

पत्रुस्‌आ येसु अ़लासालोवा, “आम्‍नुओ तुक्‌वाआ झारा देङ म़लानुछाङ अ़ङ्‌का देम्‍खाछाङ अ़लाऩङ।”

लुका 22:54

खोन्‍किना मो म़नाचिआ येसु अ़लावाकि मुलो काब़क्‍पाओ अ़खिम्‌दा अ़खात्‍ता। पत्रुस्‌आ अ़थायाङ्‌काङा खोक्‍कोसोओ अ़चुदेङ-देङ त़ङ्‌तुखात्‍तु।

युहन्‍ना 18:16

मेन पत्रुस बुङ्‌खायाओ लाप्‍तिखोप्‌दाङा एवा। मो नि काखेङ्‌पाआ मुलो काब़क्‍पा सिन्‍तुङु, बुङ्‌खाया लोन्‍ताकि वाङ्‌खा लाम काहुङ मेत्‍छाछा लो कि पत्रुस बुक्‍लुङ्‌दा वाक्‍तु।

युहन्‍ना 18:25

सिमोन पत्रुस एप्‌याङ्‌सा मि भुक्‍ताङा। मोचिआ खो अ़सेना, “दि खोक्‍कोसोओ अ़चुकाखेङ्‌पाचिएदाओ अ़क्‍छा खानाछाङ माआङ?” खोसाआ ओ य़ङ अ़ऩङाछिरुकि लोचि, “अ़ङ्‌का ना माआङ।”

युहन्‍ना 18:5

मोचिआ खोक्‍को अ़लासालोवा, “नासरत्‌ओ येसु।” येसुआ मोचि म़लासुलोचि, “अ़ङ्‌का खोङा ओ।” खोक्‍को कालाप्‍प़पा यहुदाछाङ मोचिएनान एवाङा।

युहन्‍ना 18:8

येसुआ म़लासुलोचि, “अ़ङ्‌का खानानिन लोनालाप्‍नानिन, अ़ङ्‌काङा येसु ओ। खोन्‌ओसा खानानिन अ़ङ्‌का त़लाम्‍ङाङाऩङ्‌ओनालो ओ म़नाचि खात्‍मा पुवानुम्‍च़म।”

युहन्‍ना 21:15

मोचिआ अ़चाचिआकिना येसुआ सिमोन पत्रुस अ़लोवा, “युहन्‍नाओ अ़छा सिमोन, दि खाना अ़ङ्‌का ओचिदाङ्‌का च़लोक सोमात़तुक्‍ङा?” खोसाआ येसु लो, “उवा हाङ्‌पो, खानानिन त़सिन्‍तुम्‌योम, अ़ङ्‌का खानानिन सोमातुक्‍नानिन्‌ओ।” खोक्‍कोसाआ खो अ़लोवा, “अ़चुप्‍पो अ़ङ्‌भेराचि चान्‍तुचि।”

छाम्‍माय़ङ 12:13

खोन्‍कि पत्रुस्‌आ बुक्‍लुङ्‌दाओ वाङ्‌खा लाम्‌ओ लाप्‍तिखोप मोउखोहिदा रोदा अ़ऩङ मुवाङाओ अ़क्‍छा हारुक्‍माछा मो होत्‍प़सि खारा।