युहन्‍ना 14:12 - बान्‍तावा राई

¹² अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌का साकोङ्‌छ़ङ अ़मुङा, मोसाआ अ़ङ्‌का मुङ्‌च़ङ्‍ओ काचिचि हान मुचि, खोन्‍कि ओचिदाङ्‌का अ़धिवा काचिचिछाङ मुचि, देकिनालो अ़ङ्‌का अ़ङ्‌पापाएदा खात्‍ङाङा।

युहन्‍ना 14:12 Σταυροειδείς Αναφορές

मत्‍ति 21:21

खोन्‍कि येसुआ अ़चुकाखेङ्‌पाचि म़लोचि, “अ़नुछ्‍या, अ़ङ्‌का खानानिन लोनानिन, खानानिन्‌एदा साकोङ्‌छ़ङ याक्‌याङ खोन्‍कि मान्‍केङ त़मुन्‍मिन्‌नालो अ़ङ्‌का वासिताङ देत्‍नि मुङ मोदाङ्‌का च़लोक खानानिन मुमा त़ऱम। मोन ओन्‍ङा माआङ, मेन ‘ओ भ़ऱ आप्‍पि धेलान्‍चिन्‌कि धियाङ्‌वामादा धा’नि त़लोम्‌नालो मोवात्‍निङा लि।

मर्कुस 11:13

खोन्‍कि येसुआ अ़क्‍चित ह्‍याना अ़बाक्‌वा याआङाओ अ़क्‌ताङ वासिताङ अ़खा। खोन्‍किना मो वासिताङ्‌दा अ़सिवा धिरुङ्‌हे निकिना खोक्‍को खाङ्‌सि म़खारा। मेन खोक्‍को मोदा म़तालाहिदा खोक्‍कोसाआ दित्‍छाङ मान्‍धित्‌अ़दा, मेन मोदा ना अ़बाक्‌वाचि ओन्‍ङा म़याआङा, देकिनालो वासिओ अ़सिवा सिमा ग़रिङा मान्‍लियुक्‍ता।

मर्कुस 16:17

खोन्‍कि अ़ङ्‌का साकोङ्‌छ़ङ कामुचिआ ओ बुन्‌चि म़मुचि, मोचिआ अ़ङ्‌ऩङ्‌दा चाकावालावाचि म़ऱसुखाइसुचि, खोन्‍कि मोचि अ़ऩङ्‌वा य़ङ्‌चिदा म़चेप।

युहन्‍ना 14:28

‘अ़ङ्‌का ओदाङ्‌का खात्‍ङाङा खोन्‍कि अ़ङ्‌का खानानिन्‌एदा लाङाताङा’नि लोनानिन्‌ओ खानानिन्‌आ त़एनुम। खानानिन्‌आ अ़ङ्‌का सोमात़तुक्‍ताङ्‌ऩङ्‍ओ खाङ्‌दे अ़ङ्‌का अ़ङ्‌पापाएदा खात्‍ङाङाओ य़ङ त़एनुम्‌हिदा आम्‍नुओ ऩङानुवाओ, देकिनालो अ़ङ्‌पापा अ़ङ्‌कादाङ्‌का तोक्‍पो म़मुयाङ।

युहन्‍ना 16:7

खोन्‍नुछाङ अ़ङ्‌का खानानिन अ़नुछ्‍या लोनानिन, अ़ङ्‌का खात्‍ङाकिना खानानिन नुलोक त़लिसिन। देकिनालो अ़ङ्‌का अ़खात्‍ऩङ्‌नालो यायोक काप़ खानानिन्‌एदा ऩय़निन। मेन अ़ङ्‌का खात्‍ङानालो अ़ङ्‌का खोक्‍को खानानिन्‌एदा छुत्‍तुङ।

युहन्‍ना 4:37

ओवात्‍नि ‘अ़क्‍छाआ वेत्‍तु, खोन्‍कि नितात्‌आ हेक्‍तु,’ निओ य़ङ ओदा अ़छ़ङ लि।

युहन्‍ना 5:20

देकिनालो अ़चुपाआ अ़चुछा सोमाअ़तुक, खोन्‍कि खोक्‍कोसाआ आप्‍पि अ़मुओ झारा अ़चुकाचि अ़चुछा खाङ्‌अ़मेत। ओदाङ्‌का तोक्‍पो काचिचि खोक्‍कोसाआ अ़चुछा खाङ्‌अ़मेत, खोन्‍किना खानानिन त़दोम्‍तिन्‍दान।

युहन्‍ना 7:33

येसुआ म़लोचि, “अ़क्‍चित ग़रि अ़ङ्‌का खानानिन्‌एनान युङ्‌ङा, खोन्‍किना अ़ङ्‌का काछुत्‌एदा लाङाखात्‍ङा।

युहन्‍ना 7:39

ओ य़ङ खोक्‍कोसाआ सेङ्‌लावाओ अ़चुतुक्‌वादा म़य़ङाओ। मो सेङ्‌लावा खोक्‍कोएदा साकोङ्‌छ़ङ म़मुवाओचिआ तोक्‍मा अ़मुवाङा। सेङ्‌लावा ओन्‍ग़रितारि मान्‍प़म़युक्‍तुचि, देकिनालो निनाम्‍हाङ्‌आ येसु झारा साऩङ्‌वा मान्‍प़अ़युक्‍ता।

छाम्‍माय़ङ 10:46

देकिनालो मो निरावाचिआ नि य़ङ्‌चिदा म़चेवाङाओ खोन्‍कि निनाम्‍हाङ अ़चोन्‍ताङाओ खोचिआ अ़एना। खोन्‍किना पत्रुस्‌आ लोचि,

छाम्‍माय़ङ 16:18

खोन्‍कि मो ब़द्‍धेकालेन्‌तारि मोवात्‍निङा चुवायुङ्‌सा। मेन पावल्‌ओ अ़नाप्‍मा लुवाकि मो चाकावालावाआ लाउओएह्‍यात्‍नि हुसान्‍चिन्‌कि लो, “येसु ख्रिस्‍तओ अ़चुऩङ्‌दा अ़ङ्‌का खाना लोनाङ्‌ना, ओ मेत्‍छाछाएदाङ्‌का लोन्‍ताखारा!” खोन्‍कि मोन्‍ग़रिङा चाकावालावाआ मो मेत्‍छाछा छिरुदो।

छाम्‍माय़ङ 19:12

खोन्‌ओसा पावल्‌आ याङुचिओ अ़मुन्‍जेत्‌चि माङ्‌लो अ़बुदा लेम्‍खातित म़नाचिआ म़खात्‍तुचिकि कातुक्‌चिएदा म़युक्‍तुङुचि। खोन्‍कि कातुक्‌चि अ़चुसारिमाचिदाङ्‌का म़नुवाङा, खोन्‍कि चाकावालावाचिछाङ मोचिएदाङ्‌का म़लोन्‍ताखाराङा।

छाम्‍माय़ङ 2:33

खोन्‌ओसा निनाम्‍हाङ्‌आ येसु अ़झोइसाकि तोक्‍पो अ़मुवा, खोन्‍कि निनाम्‍हाङ्‌आ अ़हिप्‍ताओ सेङ्‌लावा येसु अ़पुवा, खोन्‍किना येसुआ आन्‍कान सेङ्‌लावा च़लोक म़पुवायुङ्‌सा। मो खानानिन ओन्‍ग़रि त़खाम्‌योम खोन्‍कि त़एनुम्‌योम।

छाम्‍माय़ङ 2:41

खोन्‍किना खा-खाक्‍कोचि पत्रुस्‌आ लोचिओ य़ङ्‌दा साकोङ्‌छ़ङ म़मुवा, मोचि छाम्‍माय़ङ्‌चिआ बप्‍तिस्‍मा म़प़चि। खोन्‍कि मो लेन अ़चुरुहुप्‌दा आप्‍फात सुम्‌काहजारालेका म़नाचि म़तेप्‍ता।

छाम्‍माय़ङ 4:16

“ओ म़नाचि हान आन्‍कान दे मुमा ऱम्‍च़म? ओचिआ म़दोम्‍दाओ काचि अ़मुवाचुओ यरुसलेम्‌दाओ झारा म़नाचिआ अ़सिन्‍ताचिआयुङ्‌सा। खोन्‍कि ओ काचि खोचिआ मान्‍मुअ़दाचुओनि आन्‍कान म़नाचि लोमा अ़ऱन्‍मिन्‍चिन।

छाम्‍माय़ङ 4:33

मो छाम्‍माय़ङ्‌चिआ तोक्‍पो सावाएनान हाङ्‌पा येसु म़खोन्‍तालोन्‍ताओ अ़चुसालुम्‍स़ङ अ़पुवाङा, खोन्‍कि निनाम्‍हाङ्‌आ झारा साकोङ्‌छ़ङ कामुचि ब़द्‍धे आसिखा म़प़चि।

छाम्‍माय़ङ 4:4

मेन मो निनाम्‍हाङ्‌य़ङ काएन्‍चिएदाङ्‌का ब़द्‍धेकापाङ्‌आ येसुदा साकोङ्‌छ़ङ म़मुवा, खोन्‍कि साकोङ्‌छ़ङ कामुपाचिओ अ़चुखिप्‍मा पोयाकि आप्‍फात पाच हजारा म़लिसा।

छाम्‍माय़ङ 5:15

छाम्‍माय़ङ्‌चिआ म़दोम्‍दाओ काचिचि म़मुङुचिओसा म़नाचिआ कातुक्‌चि मुलो लाम्‌चिदा म़तारुचिकि पत्रुस बान्‌याङ्‌हिदा अ़लावाछामित ओन्‍ङानुछाङ मोचिएदा छुक्‌कि म़नुने निकिना अ़चुइम्‍खाचिदा खोन्‍कि फेङ्‌लाचिदा म़युङ्‌सुदोङुचि।

छाम्‍माय़ङ 6:7

खोन्‍कि निनाम्‍हाङ्‌ओ अ़चुय़ङ थ़ङ्‌याङ्‌सा खाराकि काखेङ्‌चिओ अ़चुखिप्‍मा यरुसलेम्‌दा अ़न्‍नुनु पोन्‌याङ्‌सा खारा। खोन्‍कि ब़द्‍धे काब़क्‍पाचिआछाङ येसुएदा साकोङ्‌छ़ङ म़मुवा।

छाम्‍माय़ङ 8:7

देकिनालो ब़द्‍धे म़नाचिदाङ्‌का पोप्‍ताओ लावाचि चिल़क्‍ल़क्‌वा पात्‌याङ्‌सा म़लोन्‍ताखारा, खोन्‍कि अ़चुलाङ्‌छुक्‌चि म़ख़न्‍ताखाराओ म़नाचि खोन्‍कि पेसोलाचि ब़द्‍धे म़नुवा।

छाम्‍माय़ङ 9:34

पत्रुस्‌आ खो लो, “एनियास, येसु ख्रिस्‍तआ खाना त़नु। पुवालोन्‍ताकि आम्‌इम्‍खा ओक्‍तु।” खोन्‍कि एनियास च़क्‍नि पुवालोन्‍ता।

छाम्‍माय़ङ 9:40

मेन पत्रुस्‌आ मोचि झारा बुङ्‌खाह्‍यात्‍नि लोइसुचि, खोन्‍किना अ़तुम्‍प़छ़क तोम्‍तुकि यामारा। खोन्‍कि मो स़पोक्‌ह्‍यात्‍नि हुसान्‍चिन्‌कि य़ङा, “तबिता, पुवालोन्‍ता!” खोन्‍कि मोसाआ अ़म़क होउ, खोन्‍कि पत्रुस खाकिना पुवालोन्‍ताकि युङा।

रोमि 15:19

ओ म़दोम्‍दाओ काचिचि, सावापोरिओ बुन्‌चि, सेङ्‌लावाओ अ़चुसावालाम्‍पा अ़ङ्‌का मुङ्‌युङ्‌सुङ। ओवात्‍नि यरुसलेम्‌दाङ्‌का इल्‍लुरिकन भेप्‍लो झारादात्‍नि ख्रिस्‍तओ अ़चुनुय़ङ्‌खान अ़ङ्‌का खालुसुङ्‌युङ्‌सुङ।