युहन्‍ना 14:11 - बान्‍तावा राई

¹¹ अ़ङ्‌का साकोङ्‌छ़ङ मुवाङ्‌ऩङ, अ़ङ्‌का पापाएदा याक्‍ङाङा, खोन्‍कि पापा अ़ङ्‌काएदा म़याक्‌याङ। माङ्‌नालो अ़ङ्‌का मुङ्‌च़ङ्‍ओ म़दोम्‍दाओ बुन्‌चि खानुम्‍च़म्‌कि साकोङ्‌छ़ङ मुवाङ्‌ऩङ।

युहन्‍ना 14:11 Σταυροειδείς Αναφορές

युहन्‍ना 10:38

मेन अ़ङ्‌का अ़ङ्‌पापाओ अ़चुकाचि मुङ्‌नालो खानानिन अ़ङ्‌काएदा साकोङ्‌छ़ङ त़मुन्‍मिन्‌नुछाङ ओ म़दोम्‍दाओ काचिचिदा साकोङ्‌छ़ङ मुवानिन। खोन्‌ओसा खानानिन्‌आ सिन्‍मा त़ऱम खोन्‍कि त़तुप्‍तुम, पापा अ़ङ्‌काएदा म़याक्‌याङ खोन्‍कि अ़ङ्‌का पापाएदा याक्‍ङाङा।”

युहन्‍ना 5:36

देकिनालो अ़ङ्‌काएदा खाक्‍को सालुम्‍स़ङ युङ्‌याङ, मो युहन्‍नाओदाङ्‌का तोक्‍पो मुयाङ। खाक्‍को काचिचि तालासि अ़ङ्‌पापाआ अ़ङ्‌का ऩपुवाङ्‌युङ्‌साङ, मो काचि अ़ङ्‌का मुङ्‌योङ, खोन्‍कि अ़ङ्‌पापाआ अ़ङ्‌का ऩछुत्‍ताङ्‍ओ निकिना मोचिआङा अ़ङ्‌तुक्‌वादा सालुम्‍स़ङ अ़प़याङ।

युहन्‍ना 10:25

येसुआ मोचि म़लासुलोचि, “अ़ङ्‌का खानानिन खाएत्‍नायुङ्‌नाचिन्‍नानिन, मेन खानानिन साकोङ्‌छ़ङ त़मुन्‍मिन। अ़ङ्‌पापाओ अ़चुऩङ्‌दा खाक्‍को म़दोम्‍दाओ काचिचि अ़ङ्‌का मुङ्‌योङ्‌च़ङ, मोचिआङा अ़ङ्‌सालुम्‍स़ङ अ़प़।

युहन्‍ना 14:10

अ़ङ्‌का अ़ङ्‌पापाएदा याक्‍ङाङा, खोन्‍कि अ़ङ्‌पापा अ़ङ्‌काएदा म़याक्‌याङ्‌नि दि खाना साकोङ्‌छ़ङ त़मुनान? खाक्‍को य़ङ अ़ङ्‌का खानानिन लोनाङ्‌नानिन मो अ़ङ्‌का अ़ङ्‌पाङ्‌दा लोनानिन्‌ओ माआङ, मेन अ़ङ्‌काएदा कायाक्‍पा अ़ङ्‌पापाआ अ़चुकाचि अ़मु।

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

हिब्रु 2:4

निनाम्‍हाङ्‌आछाङ बुन्‌चि खोन्‍कि म़दोम्‍दाओ काचिचि, अ़पारा-अ़पाराओ सावाओ दोम्‍मादामायुचि खोन्‍कि खोक्‍कोसोओ अ़चुमित्‍मावा सेङ्‌लावाओ आसिखाचि अ़हासाकि ओ य़ङ्‌ओ सालुम्‍स़ङ अ़पुवा।

युहन्‍ना 10:32

मेन येसुआ मोचि म़लोचि, “अ़ङ्‌का अ़ङ्‌पापालाम्‍पा ब़द्‍धे अ़नुवाक काचिचि खानानिन खाङ्‌मेत्‍नायुङ्‌नानिन। मोचिदाङ्‌का खाक्‍को काचिआ आम्‍नुओ मान्‍सुङ काराकि लुङ्‌आ अ़ङ्‌का वेन्‍मा त़लाप्‍ङाङाऩङ?”

युहन्‍ना 14:20

मो लेन खानानिन्‌आ त़सिन्‍तुम, अ़ङ्‌का अ़ङ्‌पापाएदा याक्‍ङाङा, खोन्‍कि खानानिन अ़ङ्‌काएदा, खोन्‍कि अ़ङ्‌का खानानिन्‌एदा याक्‍ङाङा ओ।