युहन्‍ना 12:11 - बान्‍तावा राई

¹¹ देकिनालो खोसोओ अ़तुक्‌वाआङा यहुदिचिएदाओ ब़द्‍धेकापाङ्‌आ म़छिरुदोचिकि येसुएदा साकोङ्‌छ़ङ म़मुवाङा।

युहन्‍ना 12:11 Σταυροειδείς Αναφορές

युहन्‍ना 11:42

अ़ङ्‌का सिन्‍तुङ्‌योङ, खानानिन्‌आ अ़ङ्‌यामात्‍मा अ़धुन त़एन्‍निप़नि। मेन ओदा म़एप्‌याङ्‍ओ मुक्‍लाचिओ निम्‍पाङ अ़ङ्‌का ओ य़ङाङ्‌ओ, देकिनालो खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना मोचि साकोङ्‌छ़ङ मुमा म़ऱने।”

युहन्‍ना 11:45

खोन्‍किना मरियम्‌एदा म़ताओ ब़द्‍धे यहुदिचिआ येसुआ अ़मुवाओ काचि अ़खाकि खोक्‍कोएदा साकोङ्‌छ़ङ म़मुवा।

युहन्‍ना 11:48

आन्‍कान ओ मोहा लेरुम्‌नालो झारासाआ खोक्‍को साकोङ्‌छ़ङ अ़मु, खोन्‍कि रोमिचि म़ताकि सेङ्‌याङ्‌ओ आन्‍ब़क्‍खा खोन्‍कि आन्‍रावा झारा म़लुक्‍तुचि।”

युहन्‍ना 12:10

मुलो काब़क्‍पाचिआ लाजरस्‌छाङ सेत्‍मा निकिना याम़योआ।

युहन्‍ना 12:18

खोक्‍कोसाआ ओ म़दोम्‍दाओ बुन अ़मुवाओ अ़एनाओसाछाङ म़ना मुक्‍लाचि खोक्‍को तुप्‍सि म़ताओ।

युहन्‍ना 12:42

खोन्‍नुछाङ ब़द्‍धे यहुदि बुसुवाचिआ खोक्‍कोएदा साकोङ्‌छ़ङ म़मुवा, मेन फरिसिचिएदाङ्‌का म़क़साकि मोचिआ यावायोक्‍खिम्‌दाङ्‌का म़लोन्‍खान निकिना अ़चुक़माआ मो साङ्‌छाङ खामान्‌एत्‌अ़दा।

युहन्‍ना 7:31

खोन्‍नुछाङ मुक्‍लादाओ ब़द्‍धे म़नाचिआ खोक्‍कोएदा साकोङ्‌छ़ङ म़मुवा खोन्‍कि मोचि म़य़ङा, “ख्रिस्‍त म़ताहिदा दि ओ म़नाआ मुचिओदाङ्‌का तोक्‍पो म़दोम्‍दाओ बुन्‌चि मुमा ऱचि कि?”

छाम्‍माय़ङ 13:45

मेन यहुदि बुसुवाचिआ म़ना मुक्‍लाचि म़खाचिहिदा मोचि च़लोक ऩङ्‌च़ म़मुवा, खोन्‍कि पावल चेवाङाओ य़ङ्‍ओ अ़देङ्‌सालाप्‍पादा याअ़सान्‍ता।