युहन्‍ना 10:29 - बान्‍तावा राई

²⁹ अ़ङ्‌पापाआ मोचि अ़ङ्‌का ऩपुवाङ्‌युङ्‌साङ, खोक्‍को झारादाङ्‌का तोक्‍पो म़मुयाङ। अ़ङ्‌पापाओ अ़चुछुक्‌दाङ्‌का साङ्‌आछाङ मोचि अ़ङाप्‍तुन्‍खात्‍तुन्‍चिन।

युहन्‍ना 10:29 Σταυροειδείς Αναφορές

युहन्‍ना 10:28

मोचि अ़ङ्‌का अ़लुक्‍निन्‌ओ ह़ङ्‌म़ङ प़ङ्‌च़ङ, खोन्‍कि मोचि देम्‍खाछाङ ऩलुक्‍निन, खोन्‍कि साङ्‌आछाङ मोचि अ़ङ्‌छुक्‌दाङ्‌का ऩङाप्‍ऩङ्‌खात्‍ऩङ।

युहन्‍ना 10:30

अ़ङ्‌पापा खोन्‍कि अ़ङ्‌का अ़क्‌तात्‌ङा ओ।”

युहन्‍ना 14:28

‘अ़ङ्‌का ओदाङ्‌का खात्‍ङाङा खोन्‍कि अ़ङ्‌का खानानिन्‌एदा लाङाताङा’नि लोनानिन्‌ओ खानानिन्‌आ त़एनुम। खानानिन्‌आ अ़ङ्‌का सोमात़तुक्‍ताङ्‌ऩङ्‍ओ खाङ्‌दे अ़ङ्‌का अ़ङ्‌पापाएदा खात्‍ङाङाओ य़ङ त़एनुम्‌हिदा आम्‍नुओ ऩङानुवाओ, देकिनालो अ़ङ्‌पापा अ़ङ्‌कादाङ्‌का तोक्‍पो म़मुयाङ।

युहन्‍ना 17:11

अ़ङ्‌का हान हेन्‍खामादा ब़द्‍धे अ़युङ्‌ऩङ, मेन ओचि ना हेन्‍खामादा म़युङ। अ़ङ्‌का खानानिन्‌एदा ताङाङा। त़सेङिन्‌येन्‌ओ आपो, खानानिन्‌आ त़प़निओ म़नाचि आम्‍नुओ सावाआ रात्‍तानुम्‍च़म, खोन्‍कि आन्‍कान्‌वात्‍निङा मोचिछाङ अ़क्‌तात म़लिने।

युहन्‍ना 17:2

देकिनालो खानानिन्‌आ खो त़प़म्‌ओ झारा म़नाचि खोसाआ अ़लुक्‍निन्‌ओ ह़ङ्‌म़ङ प़चिने निकिना खानानिन्‌आ खो झारा म़नाचिएदा पाङ त़प़म्‌युङ्‌सुम।

युहन्‍ना 17:6

हेन्‍खामादाङ्‌का खाक्‍को म़नाचि अ़ङ्‌का त़प़नियुङ्‌नि, मोचि अ़ङ्‌का खानानिन खाङ्‌मेत्‍तुङ्‌युङ्‌सुङ्‌च़ङ। मोचि आम्‍नुओचि म़मुवाङा, खोन्‍किना खानानिन्‌आ मोचि अ़ङ्‌का त़प़नि, खोन्‍कि मोचि आम्‍नुओ य़ङ म़काङ्‌सायुङ्‌सा।

युहन्‍ना 17:9

अ़ङ्‌का मोचिओ निम्‍पाङ यामात्‍ङा, हेन्‍खामाओ निम्‍पाङ अ़ङ्‌का याअ़मात्‍ऩङ, मेन साङ-साङ्‌चि खानानिन्‌आ अ़ङ्‌का त़प़नियुङ्‌नि, देकिनालो मोचि आम्‍नुओचिङा ओ।

युहन्‍ना 6:37

अ़ङ्‌पापाआ ऩपुवाङ्‌ओ झारा अ़ङ्‌काएदा म़ता, खोन्‍कि अ़ङ्‌काएदा काता देत्‍निकिछाङ अ़ङ्‌का अ़लाऩङ्‌च़ऩङ।