एफिसि 5:4 - बान्‍तावा राई

⁴ खाक्‍कोछाङ चिप्‍माकात्‍तुओ य़ङ, खामान्‍सिन चेप्‍मा माङ्‌लो सोज्‍जेओ चुत्‍माय़ङ अ़मुन्‍मिन्‍ने। ओ य़ङ्‌चिआ खानानिन त़खान्‍तिमिन, मेन खानानिन्‌आ निनाम्‍हाङ आलाङ प़मादोत।

एफिसि 5:4 Σταυροειδείς Αναφορές

मर्कुस 7:22

च़क्‍ख़य़, अ़त्‍लो काचि, म़प्‍मा, चान्‍माचामा, ऩङ्‌च़, सुङ्‌मा, ऱक्‍भाक खोन्‍कि खामान्‍सिन य़ङ्‌चि म़लोन।

रोमि 1:28

खोन्‍कि मोचिआ निनाम्‍हाङ लोक्‍मा अ़खान्‍तुन्‍लो अ़खाओसा निनाम्‍हाङ्‌आ मोचिओ अ़त्‍लो अ़चुमिन्‍मा खोन्‍कि खान्‌अ़त्‍लो च़माथाङ्‌मादा मोचि म़लेरुखाइसुचि।

२ कोरिन्‍थि 1:11

खानानिन्‌आछाङ आन्‍कान्‍का यामात्‍मालाम्‍पा फामादोत। खोन्‍कि ब़द्‍धे यामात्‍माओ अ़लामाय़ङ्‌दा आन्‍कान्‍का तोक्‍तुम्‍काओ आसिखाओ निम्‍पाङ ब़द्‍धे म़नाचिआ आन्‍लिप्‍पादा आलाङ अ़प़।

२ कोरिन्‍थि 9:15

अ़लुङ छाम्‍मा अ़ऱन्‍मिन्‌ओ छुक्‍तुप्‍मा निम्‍पाङ निनाम्‍हाङ आलाङ्‌ने!

एफिसि 1:16

अ़ङ्‌यामात्‍मादा खानानिन मित्‌याङ्‌सा आम्‍नुओ निम्‍पाङ आलाङ प़मा अ़ङ्‌का अ़छित्‍ऩङ।

एफिसि 4:29

आम्‍नुओ दोदाङ्‌का यासान्‍मा य़ङ अ़लोन्‍निन्‍ने, मेन ग़रिएनान तोङ्‌ओ खोन्‍कि अ़नुवाक यायोक अ़तोक्‌ओ ओन्‍ङा चेवानिन, ओ य़ङ्‌आ काएन्‌चिआ सोमातुक्‍मा अ़तोक्‍ने।

फिलिप्‍पि 4:6

खाक्‍कोछाङ य़ङ्‌दा मिन्‍राक मान्‍मुदानिन, मेन झारा य़ङ्‌दा आम्‍नुओ यामात्‍मा खोन्‍कि दोत्‍माय़ङ्‌लाम्‍पा आलाङ्‌एनान खानानिन दोत्‌ओचि निनाम्‍हाङ दोत्‍तानुम।

कलस्‍सि 3:8

मेन हान खानानिन आप्‍पि ओवाको झारा य़ङ्‌चि छिरानुम्‍च़म: माइसुङ, च़ऱपा, ऩङ्‌च़, सुङ्‌मा खोन्‍किना आम्‍नुओ दोदाङ्‌का लोन्‌ओ चिप्‍मानाम य़ङ।

१ थेसलोनिकि 3:9

आम्‍नुओ सोम्‍कुवाओ निम्‍पाङ आन्‍निनाम्‍हाङ्‌ओ अ़चुबुदा ब़द्‍धे आन्‍काओ ऩङानुवायुङ्‌सा। खोन्‍कि मोसोओ निकिना आन्‍कान्‍का निनाम्‍हाङ दियाको आलाङ प़मा ऱम्‍का?

१ थेसलोनिकि 5:18

झारा ग़रिचिदा निनाम्‍हाङ आलाङ पुवानुम। देकिनालो ख्रिस्‍त येसुलाम्‍पा आम्‍नुओ निम्‍पाङ निनाम्‍हाङ्‌ओ अ़चुमिन्‍मा ओङा ओ।

फिलेमोन 1:8

खोवात्‍निओसा ख्रिस्‍तआ अ़ङ्‌का ऩपुवाङ्‌ओ अ़धिवा राक्‌आ खाना दि मुमादोत्‌नि लोमाछाङ ऱनाओ,

हिब्रु 13:15

मोवात्‍नि येसुओ अ़चुऩङ्‌दा निनाम्‍हाङ चोन्‍माओ हेन्‍खोक्‌वा अ़धुन आन्‍कान प़म्‍ने। ओ ना हाङ्‌पानि काबुत म़नाचिआ दोसिवादाङ्‌का चोन्‍माय़ङ य़ङ ओ।

२ पत्रुस 2:18

मोचि ऱक्‍भाक्‌एनान तोक्‍पो-तोक्‍पो खामान्‍सिन य़ङ म़मु, खोन्‍कि राक्‍काभाला अ़अ़त्‍पा लाम्‌दाङ्‌का म़लासाताओचि मोचिआ पोक मित्‍माय़ङ थालिदा म़धान्‍तुचि।

२ पत्रुस 2:7

खोन्‍कि खोक्‍कोसाआ अ़त्‍लोकाच़चिओ अ़चुहात्‍मादाङ्‌का चाअ़त्‍लो दुखादा छुक्‍ताओ साम्‌योक्‍मि लोत अ़लेइसा।

यहुदा 1:10

मेन मोचिआ दि ऩतुप्‍तुन, मो य़ङ्‌चि म़सुङ्‌तुचि। मोचि अ़चुखारु मात्‍द़ङ्‌ओ सायाम्‍पोक्‌चिवात्‍नि म़मुयाङ, खोन्‍कि मोचि दि म़मिन, मोवात्‍निङा मोचि म़च़, खोन्‌ओसा मोचि म़लुक।

यहुदा 1:13

मोचि क़म्‍मा अ़ऱन्‍मिन्‌ओ धियाङ्‌वामाओ अ़लोङ्‌वात्‌वाकोचि ओ, मोचिआ लेजोकात्‌ओ अ़चुकाचिओ च़माथाङ्‌मा छोम्‍पुत्‍नुङ्‌वावा अ़लोन। ओचि म़हुलुक्‌ओ साङ्‌केन्‍माचिवा म़मुयाङ, मोचिओ निम्‍पाङ निनाम्‍हाङ्‌आ स़लावाचि दन्‍दा प़खा अ़लुक्‍निन्‌ओ कुन्‍चियाधेक्‍धेक्‌ओ कुन्‌यामा अ़च़क्‍तायुङ्‌सा।