एफिसि 1:3 - बान्‍तावा राई

³ आन्‍हाङ्‌पा येसु ख्रिस्‍तओ अ़चुनिनाम्‍हाङ खोन्‍कि अ़चुपाओ अ़चुऩङ चोन्‍ने, खोक्‍कोसाआ आन्‍कान निनाम्‍मादुओ युङ्‌खाचिदा झारा लावामि आसिखा ख्रिस्‍तदा म़पुवायुङ्‌सा।

एफिसि 1:3 Σταυροειδείς Αναφορές

लुका 2:28

खोन्‍कि सिमियोन्‌आ नुनु क़क्‍तुकि निनाम्‍हाङ्‌ओ अ़चुऩङ लोङ्‌याङ्‌सा य़ङा,

युहन्‍ना 14:20

मो लेन खानानिन्‌आ त़सिन्‍तुम, अ़ङ्‌का अ़ङ्‌पापाएदा याक्‍ङाङा, खोन्‍कि खानानिन अ़ङ्‌काएदा, खोन्‍कि अ़ङ्‌का खानानिन्‌एदा याक्‍ङाङा ओ।

युहन्‍ना 17:21

मोवात्‍नि मोचि झारा अ़क्‌तात म़लिने। आपो, देत्‍नि खानानिन अ़ङ्‌काएदा त़याइन्‌येन, खोन्‍कि अ़ङ्‌का खानानिन्‌एदा मोवात्‍निङा मोचिछाङ आन्‍काचिएदा म़याक्‍ने, खोन्‍कि खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना हेन्‍खामादाओ म़नाचि साकोङ्‌छ़ङ म़मुने।

युहन्‍ना 20:17

येसुआ मो अ़लोवा, “अ़ङ्‌का मान्‍लाप्‌युङ्‌दाङ, देकिनालो अ़ङ्‌का ओन्‍ग़रितारि निनाम्‍हाङ पापाएदु मान्‍खात्‌युक्‍ङा। अ़ङ्‌निछाचिएदा खाराकि मोचि खाएत्‍तुचि, ‘अ़ङ्‌पापा खोन्‍कि आम्‍नुओ पापा खोन्‍कि अ़ङ्‌निनाम्‍हाङ खोन्‍कि आम्‍नुओ निनाम्‍हाङ्‌एदा खात्‍ङाङा।’”

रोमि 12:5

मोवात्‍निङा, आन्‍कान ब़द्‍धे याइन्‌येन्‌नुछाङ आन्‍कान ख्रिस्‍तदा अ़क पोक मुन्‌येन, खोन्‍कि झारा अ़क्‍छा निओ पोक्‍फुत्‌चि ओ।

रोमि 15:6

खोन्‍किना अ़क्‌मिन्‍माओ लियाङ्‌सा अ़क्‌य़ङ्‌आ आन्‍हाङ्‌पा येसु ख्रिस्‍तओ अ़चुनिनाम्‍हाङ पापाओ अ़चुऩङ लोङ्‌मा खानानिन रुवानुम।

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

१ कोरिन्‍थि 12:12

पोक अ़क्‌तात मुयाङ्‌नुछाङ ओसोओ ब़द्‍धे अ़‍फुत्‌चि म़याक्‌याङ, खोन्‍कि पोक्‌ओ ब़द्‍धे अ़फुत्‌चि म़याक्‌नुछाङ पोक अ़क्‌तात्‌ङा मु। ख्रिस्‍तओ अ़चुपोक्‌छाङ मोवात्‍निङा म़मुयाङ।

२ कोरिन्‍थि 1:3

आन्‍हाङ्‌पा येसु ख्रिस्‍तओ अ़चुपापा निनाम्‍हाङ्‌ओ अ़चुऩङ चोन्‍ने। खोक्‍को सोमाकातुक पापा, खोन्‍कि झारा सोम्‍कासेत निनाम्‍हाङ म़युङ्‌याङ।

२ कोरिन्‍थि 11:31

हाङ्‌पा येसुओ अ़चुनिनाम्‍हाङ पापा, खो अ़धुन-अ़धुन म़चोन्‍ने। खोक्‍कोसाआ अ़सिन्‌याङ, अ़ङ्‌का अ़म़प्‍ऩङ।

२ कोरिन्‍थि 5:17

देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

गलाति 3:9

खोन्‌ओसा साकोङ्‌छ़ङ कामु म़नाचिआ साकोङ्‌छ़ङ कामु अब्राहाम्‌एनान अ़क्‍नि आसिखा अ़तोक।

एफिसि 1:10

ग़रि तालाकिना निनाम्‍मा खोन्‍कि हेन्‍खामादाओ झारा य़ङ्‌चि ख्रिस्‍तओ अ़चुपाङ्‌दा म़ता।

एफिसि 1:17

अ़ङ्‌का यामात्‍ङा, आन्‍हाङ्‌पा येसु ख्रिस्‍तओ अ़चुनिनाम्‍हाङ, साम्‍स़रिओ निनाम्‍हाङ पापाआ खानानिन खोक्‍कोसोओ झारा अ़चुतायादा लावामि खारु खोन्‍कि साम ऩप़न्‍ने, खोन्‌ओसा खानानिन्‌आ खोक्‍को नुलोक सिन्‍मा त़ऱम्‍ने।

एफिसि 1:20

मो सावा खोक्‍कोसाआ ख्रिस्‍तदा अ़तासाला, देम्‍खा खोक्‍कोसाआ ख्रिस्‍त म़सुवादाओदाङ्‌का अ़खोन्‍तालोइसा, खोन्‍कि निनाम्‍मादुओ युङ्‌खाचिदा अ़चुचुप्‍ताङ्‌छुक्‍लिप्‍पा अ़युङ्‌सा।

एफिसि 2:6

खोन्‍कि खोक्‍कोएनान आन्‍कान म़खोन्‍तालोइसाकि निनाम्‍मादुओ युङ्‌खाचिदा येसु ख्रिस्‍तएनान आन्‍कान म़युङ्‌सा।

एफिसि 3:10

खोन्‍कि खोक्‍कोसोओ अ़चुमित्‍चिऩङ साम्‍भुङ्‌लाम्‍पा निनाम्‍हाङ्‌ओ ब़द्‍धेकाखालाओ ताया निनाम्‍मादुओ युङ्‌खाचिदा हाङ्‌काचि कामुचि खोन्‍कि पाङ्‌कातोक्‌चिओ अ़चुरादा खाङ्‌मुमा दोराङा।

एफिसि 6:12

देकिनालो आन्‍ङेन पोक खोन्‍कि ह़ओ अ़देङ्‌सालाप्‍पादा माआङ, मेन अ़तोक्‍पोचिओ अ़चुदेङ्‌सालाप्‍पादा, सावाचिओ अ़चुदेङ्‌सालाप्‍पादा, आइमित्‌ओ कुइयामा हेन्‍खामादाओ हाङ्‌काचि कामुचिओ अ़चुदेङ्‌सालाप्‍पा खोन्‍कि निनाम्‍मादुओ युङ्‌खाचिदाओ अ़अ़त्‍पा लावामि सावाचिओ अ़चुदेङ्‌सालाप्‍पादा ओ।

फिलिप्‍पि 2:11

खोन्‍कि झारा लेम्‌आ निनाम्‍हाङ पापाओ अ़चुऩङ्‌लोङ्‌माओ निम्‍पाङ, येसु ख्रिस्‍त हाङ्‌पाओ निकिना लोक्‍मादोत।

हिब्रु 8:5

मोचिआ सेङ्‌याङ्‌ओदाओ ब़त्‍मायु काचि निनाम्‍मादुओ अ़छ़ङ य़ङ्‌ओ अ़मात्‍ऩङ खोन्‍कि अ़इप्‍नाम्‍मा ओ। देकिनालो निनाम्‍हाङ्‌य़ङ खाकालु मोसाआ सेङ्‌याङ्‌ओ तित्‍खिम मुङुहिदा निनाम्‍हाङ्‌आ ओवात्‍नि अ़लोवा, “भ़ऱदु खाना खाङ्‌मेत्‍नाओ अ़मात्‍ऩङ्‌वा खाना झारा नुलोक मुचि।”

हिब्रु 9:23

मोवात्‍नि निनाम्‍मादुओ अ़नुछ्‍याओ य़ङ्‌चिओ अ़मात्‍ऩङ सायाम्‍पोक हेन्‍खोक्‌वालाम्‍पा सेङ्‌मा दोराङानालो, निनाम्‍मादुओ अ़नुछ्‍याओ य़ङ्‌चि सेङ्‌मा च़लोक अ़नुवाक हेन्‍खोक्‌वा दोरा।

१ पत्रुस 1:3

आन्‍हाङ्‌पा येसु ख्रिस्‍तओ अ़चुपा, निनाम्‍हाङ्‌ओ अ़चुऩङ्‌लोङ्‌ने! खोक्‍कोसोओ तोक्‍पो अ़चुसोम्‍तुक्‍माआ म़सुवादाओदाङ्‌का येसु ख्रिस्‍तओ अ़चुलामाखोन्‍मालोन्‍मालाम्‍पा आन्‍कान अ़ऩङ्‌वा ह़ङ्‌म़ङ तोक्‍तुम। हान आन्‍कान अ़ह़ङ सोम्‍कुवादा आन्‍कान अ़क्‌तात लिसिन्‌युङ्‌सिन।