कलस्‍सि 4:8 - बान्‍तावा राई

⁸ आन्‍काओ तुक्‌वादा खानानिन्‌आ सिन्‍मा त़ऱम्‍ने, खोन्‍कि खोसाआ आम्‍नुओ साकोङ्‌वाचिदा राक त़प़न्‍नेनिओ मिन्‍माआ अ़ङ्‌का खो खानानिन्‌एदा बाइसुङ्‍ओ।

कलस्‍सि 4:8 Σταυροειδείς Αναφορές

१ कोरिन्‍थि 4:17

खोवात्‍निओसा अ़ङ्‌का सोमातुक्‍तुङ्‌योङ्‌ओ अ़ङ्‌छा तिमोथि खानानिन्‌एदा बाइसुङ्‌योङ, खो हाङ्‌पाएदा सोम्‍कुवा कामु मुयाङ। अ़ङ्‌का झारादात्‍नि झारा साम्‍भुङ्‌दा दि चिन्‍तुङ्‌च़ङ, ख्रिस्‍त येसुएदा अ़ङ्‌ह़ङ्‌म़ङ देत्‍नि मुयाङ निकिना तिमोथिआ खानानिन खाऩएत्‍तिन।

२ कोरिन्‍थि 1:4

खोक्‍कोसाआ आन्‍कान झारा आन्‍दुखाचिदा आन्‍सोम्‍म़सेत। खोन्‌ओसा आन्‍कान्‌छाङ निनाम्‍हाङ्‌एदाङ्‌का तोक्‍तुम्‌ओ मो सोम्‍सेत्‍मालाम्‍पा दियाकोछाङ दुखादा म़छुक्‍ताओचि अ़चुसोम्‍सेत्‍मा ऱम्‍च़म।

२ कोरिन्‍थि 12:18

तितस खानानिन्‌एदा खारानि अ़ङ्‌का लोङ, खोन्‍कि आन्‍निछा खोएनान अ़क्‍नि बाइसुङ। तितस्‌आ खानानिन्‌एदाङ्‌का दि तोक्‍माओ निम्‍पाङ त़म़प्‍तिन म़ल़क? दि आन्‍कान्‍का अ़क लावादा मान्‍तुङ्‌दान्‍का? दि आन्‍कान्‍का अ़क याङ्‌युप्‌दा मान्‍कोन्‍दान्‍का?

२ कोरिन्‍थि 2:7

खोन्‌ओसा हान, खानानिन्‌आ मो लेत्‍माकि अ़सोम्‍सेत्‍मादोत, माङ्‌नालोना मोसोओ चात्‍लो अ़राक स़।

एफिसि 6:22

आन्‍काओ तुक्‌वादा खानानिन्‌आ सिन्‍मा त़ऱम्‍ने, खोन्‍कि खोसाआ आम्‍नुओ साकोङ्‌वाचिदा राक त़प़न्‍नेनिओ मिन्‍माआ अ़ङ्‌का खो खानानिन्‌एदा बाइसुङ्‍ओ।

फिलिप्‍पि 2:28

खोन्‌ओसा अ़ङ्‌का खो बान्‍मा च़लोक अ़ङ्‌ऩङानुयाङ, मोवात्‍नि खो त़लासुम खाम खोन्‍किना खानानिन आम्‍नुओ ऩङानु, खोन्‍कि अ़ङ्‌योक्‍माछाङ अ़क्‍चित सेम।

कलस्‍सि 2:2

मोचिआ अ़चुसाकोङ्‌वादा राक अ़तोक्‍ने, खोन्‍कि सोम्‍तुक्‍मादा अ़क्‍नि म़लिने निकिना अ़ङ्‌का ओ दुखा मुङ्‌योङ्‌ओ। मोचिआ निनाम्‍हाङ्‌ओ अ़चुकोङ्‌दुम्‌ओ ताया सिन्‍मादा मोचि नुछ्‍याङा अ़छ़ङ म़लिनेनि मिन्‍ङाङा। मो कोङ्‌दुम ख्रिस्‍त आप्‍पि ओ।

१ थेसलोनिकि 2:11

देकिनालो खानानिन त़सिन्‍तुम्‌योम, आन्‍कान्‍का खानानिन झारा अ़चुपाआ अ़छाचि मुङुचिवात्‍निङा खानानिन मुनि।

१ थेसलोनिकि 3:2

खोन्‍कि खानानिन तुप्‍सि तिमोथि छुत्‍तुम्‍का। खो आन्‍निछा ख्रिस्‍तओ अ़चुनुय़ङ्‌खान खालुमा काफा निनाम्‍हाङ्‌ओ अ़चुकाचि कामु ओ। आन्‍कान्‍का खो खानानिन नुलोक साकोङ्‌छ़ङ मुमेत्‍मा फासि खोन्‍कि आम्‍नुओ सोम्‍कुवादा राक प़सि छुत्‍तुम्‍का।

१ थेसलोनिकि 3:5

खोन्‌ओसा, अ़ङ्‌का च़लोक आङ्‌मा मान्‍ऱङाकिना आम्‍नुओ साकोङ्‌छ़ङ्‌ओ अ़तुक्‌वादा सिन्‍मा निकिना अ़ङ्‌का तिमोथि छुत्‍तुङ। सैतानाआ खानानिन चिन्‍माखाङ्‌मादा ऩधान्‍तिन्‌कि आन्‍कान्‍का मुम्‍काओ काचि सोज्‍जे लिसा हे निकिना अ़ङ्‌क़माकारा।

१ थेसलोनिकि 4:18

खोन्‌ओसा ओ य़ङ्‌चिआ अ़क्‍छा निएदा राक प़काप़ मुवानिन।

१ थेसलोनिकि 5:11

खोन्‌ओसा अ़क्‍छा निएदा राक प़काप़ मुवानिन खोन्‍कि अ़क्‍छा निएदा निनाम्‍हाङ साकोङ्‌छ़ङ मुमादा फाकाफा मुवानिन, अ़नुछ्‍या मोवात्‍निङा खानानिन त़च़न्‌येन्‌छाङ।

१ थेसलोनिकि 5:14

ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

२ थेसलोनिकि 2:17

आम्‍नुओ साकोङ्‌वादा राक ऩप़न्‍ने। खोन्‍कि खोक्‍कोएदाङ्‌काओ झारा अ़नुवाक काचि खोन्‍कि य़ङ्‌चिदा खानानिन्‌आ राक खोन्‍कि सावा तोक्‍तानुम।