छाम्‍माय़ङ 8:1 - बान्‍तावा राई

¹ स्‍तिफनस लुङ्‌ताक्‌आ वेन्‍मासेत्‍मादा सावल काङ्‌सा। मो लेन्‌ङा यरुसलेम्‌दा साम्‍भुङ्‍ओ अ़देङ्‌सालाप्‍पादा म़नाचिआ चाअ़त्‍लो दुखा प़मा म़पुक्‍तुचि। खोन्‍कि छाम्‍माय़ङ्‌चिदाङ्‌का नि झारा साकोङ्‌छ़ङ कामुचि यहुदिया खोन्‍कि सामरिया धिखाहुप्‌चिदात्‍नि म़रिसाखारा।

छाम्‍माय़ङ 8:1 Σταυροειδείς Αναφορές

मत्‍ति 22:6

निचिआ खोसोओ अ़हारुक्‌चि म़लाउचिकि मोचि अ़त्‍लो म़मुचि खोन्‍कि मोचि म़सेरुचि।

मत्‍ति 23:34

अ़ङ्‌का खानानिन्‌एदा निनाम्‍हाङ्‌य़ङ खाकालुचि, खारु कातोक म़नाचि खोन्‍कि य़ङ्‌हुप काचिन्‍पाचि छुत्‍तुङ्‌च़ङ। मोचिएदाओ देम्‌कापाङ त़सेरुम्‍च़म, खोन्‍कि क्रुस्‌दा त़ख़न्‍तुम्‍च़म खोन्‍कि देम्‌कापाङ आम्‍नुओ यावायोक्‍खिम्‌चिदा य़हुप त़पाक्‍तुम्‍च़म, खोन्‍कि सहरा-सहराचिदा त़ऱसुम्‍च़म।

मत्‍ति 5:13

खानानिन हेन्‍खामादाओ युम ओ, मेन युम्‌ओ अ़लुमा माखात्‌नालो मो दिसाआ युम्‍पाक्‍पाक्‌वा खाना लामामुमा त़ऱ? मो ना बुङ्‌खाया वेत्‍माखान्‍माकि म़नाचिओ अ़चुलाङ्‌आ नेप्‍मादाङ्‌का नि दित्‍छाङ अ़काचि मात्‍द़ङ।

युहन्‍ना 15:20

अ़ङ्‌का खानानिन लोनानिन्‌ओ य़ङ मित्‍तानुम, ‘हारुक अ़हाङ्‌पाएदाङ्‌का तोक्‍पो अ़लिनिन।’ मोचिआ अ़ङ्‌का दुखा ऩपुवाङ्‌नालो खानानिन्‌छाङ दुखा ऩप़न। मोचि अ़ङ्‌चिन्‍माय़ङ म़काङ्‌साओ दे आम्‍नुओ य़ङ्‌छाङ म़काङ।

युहन्‍ना 16:2

मोचिआ खानानिन यावायोक्‍खिम्‌चिदाङ्‌का ऩलोइसिन्‍खाइसिन। अ़नुछ्‍या ओवाको ग़रि तायाङ, खानानिन कासेत्‌आ निनाम्‍हाङ ब़क्‍तुङ्‌योङ्‌नि मिन।

छाम्‍माय़ङ 1:8

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

छाम्‍माय़ङ 13:1

एन्‍तिओखिया सहरादाओ साम्‍भुङ्‌दा निनाम्‍हाङ्‌य़ङ खाकालुचि खोन्‍कि काचिन्‍पाचि म़याआङा। मोचि बारनाबास, माक़च़क्‍पानि लोवाङाओ सिमियोन, कुरेनिदाओ लुकियस, हेरोद हाङ एन्‍तिपास्‌ओ अ़छायुङ्‌काओ अ़यावा मनेन खोन्‍कि सावल म़याआङा।

छाम्‍माय़ङ 13:36

खो ह़ङाङाओ ग़रि निनाम्‍हाङ्‌ओ अ़चुमित्‍चिऩङ्‌वा खो काचि मुवा, खोन्‍किना सुवादाकि अ़सुन्‍तुम्‌चिओ अ़चुच़क्‌दा दाउद अ़खुम्‍ता, खोन्‍कि खोसोओ अ़पोक कुवाखारा।

छाम्‍माय़ङ 2:47

खोन्‍कि अ़धुन निनाम्‍हाङ्‌ओ अ़चुऩङ अ़चोन्‍ताङा खोन्‍कि झारा म़नाचिआ मोचि ऩङाम़नुसुङुचि। खोन्‍कि हाङ्‌पाआ मोचिओ अ़चुरुहुप्‌दा अ़लेन्‍खिन्‍तुम साकोङ्‌छ़ङ कामु म़नाचि म़तेप्‍तुप़ङुचि।

छाम्‍माय़ङ 22:20

खोन्‍कि आम्‍नुओ सालुम्‍स़ङ काप़ स्‍तिफनस लुङ्‌ताक्‌आ अ़वेरासेराकि अ़ह़ सोलाङाहिदा अ़ङ्‌काछाङ काङ्‌साङ्‌कि मोदाङा एवाङ्‌याङ। खोन्‍कि अ़ङ्‌का खो कासेत्‍चिओ अ़चुतित्‌चि हुङुङ्‌योङ्‌च़ङ।’

छाम्‍माय़ङ 26:10

अ़ङ्‌का मुलो काब़क्‍पाचिलाम्‍पा पाङ तोक्‍तुङ्‌कि यरुसलेम्‌दाओ ब़द्‍धे साकोङ्‌छ़ङ कामुचि छेक्‍खाखिम्‌दा छेक्‍सि खाइसुङ्‌च़ङ्‌ओ ओन्‍ङा माआङ, मेन खोचि सेत्‍मादाछाङ काङ्‌साङ।

छाम्‍माय़ङ 5:18

मोचिआ छाम्‍माय़ङ्‌चि म़लाउचिकि छेक्‍खाखिम्‌दा म़छेक्‍तुचि।

छाम्‍माय़ङ 5:20

“खारानिन्‌कि निनाम्‍हाङ ब़क्‍खाखिम्‌दा एवानिन, खोन्‍कि झारा म़नाचि ओ ह़ङ्‌म़ङ्‌ओ अ़तुक्‌वादा खाएत्‍तानुम्‍च़म।”

छाम्‍माय़ङ 5:33

ओ य़ङ धियायोक्‍खादाओ यहुदि बुसुवाचिआ अ़एनाकि मोचिओ चाअ़त्‍लो अ़चुमाइसुङ कारा, खोन्‍किना मोचिआ छाम्‍माय़ङ्‌चि सेत्‍मा म़लाप्‍तुचि।

छाम्‍माय़ङ 5:40

मोचिआ छाम्‍माय़ङ्‌चि धियायोक्‍खाहुत्‌दा म़बुत्‍तुचिकि य़हुप पाक्‍म़मेत्‍तुचि, खोन्‍किना “येसुओ अ़तुक्‌वादा म़नाचि खामान्‌एत्‌दानुम्‍च़म!”नि म़लोचिकि मोचि म़लेरुखाइसुचि।

छाम्‍माय़ङ 7:38

ओ मोसाङा इस्राएलि म़नाचि लेक्‍लेक्‍लेक्‌वाओदा साम्‍भुङ्‌चिएदा निनाम्‍हाङ काफा खोन्‍कि आन्‍सुन्‍तुम्‌चिएनान सिनै भ़ऱदु म़चेवा, खोन्‍कि निनाम्‍हाङ्‌य़ङ खाकालु मोसाआ आन्‍कान प़मा निम्‍पाङ अ़ह़ङ य़ङ्‌खान्‌चि निनाम्‍हाङ काफाएदाङ्‌का तोक्‍तुचि।

छाम्‍माय़ङ 7:54

धियायोक्‍खादाओ म़नाचिआ स्‍तिफनस्‌ओ अ़य़ङ अ़एनाकि अ़चुमाइसुङ कारा, खोन्‍कि अ़चुच़ऱपाआ अ़चुक़ङ ऱक्‍मा अ़पुक्‍ता।

छाम्‍माय़ङ 7:58

मोचिआ स्‍तिफनस सहरादाङ्‌का बुङ्‌खाया अ़सारालोत्‍ता, खोन्‍कि लुङ्‌ताक्‌आ अ़कोवा। खोन्‍कि मोन्‍ग़रि सालुम्‍स़ङ्‌चिआ अ़चुबोप्‍खुचि म़हुरुचिकि सावल अ़ऩङ मुवाङाओ थाङाछाओ अ़लाङ च़क्‌दा म़युङ्‌सुचि।

छाम्‍माय़ङ 8:14

सामरिया सहरादाओ म़नाचिआ निनाम्‍हाङ्‌ओ अ़चुय़ङ्‌दा साकोङ्‌छ़ङ अ़मुवाओ अ़एनाकि यरुसलेम्‌दा म़युङाङाओ छाम्‍माय़ङ्‌चिआ पत्रुस खोन्‍कि युहन्‍ना मोचिएदा म़छुत्‍तुचि।

छाम्‍माय़ङ 8:2

खोन्‍कि खा-खाक्‍को निनाम्‍हाङ कामित्‍चिआ स्‍तिफनस अ़खुम्‍ता, खोन्‍कि खोसोओ निम्‍पाङ ओत्‌ओत्‌ओत्‌वा म़खावा।

छाम्‍माय़ङ 8:4

खोन्‍किना मो यरुसलेम्‌दाङ्‌का म़रिसाखाराओ साकोङ्‌छ़ङ कामुचिआ झारादात्‍नि म़खाराकि येसुओ अ़चुतुक्‌वादा खाअ़लुसा।

छाम्‍माय़ङ 8:5

फिलिप सामरिया सहरायु धाकि मोदा म़नाचि ख्रिस्‍तओ अ़तुक्‌वादा खाएत्‍तुचि।

छाम्‍माय़ङ 9:31

खोन्‍किना झारा यहुदिया, गालिल खोन्‍कि सामरियादाओ साम्‍भुङ्‌दा सेवाङ्‌नि लिसा। साम्‍भुङ छोयाङ्‌सा खाराकि हाङ्‌पा सायामेत्‌याङ्‌सा म़युङाङाओसा सेङ्‌लावाआ सावा प़चिकिना अ़चुखिप्‍मा पोन्‌याङ्‌सा खारा।

रोमि 1:32

ओवाको काचि कामुचि स़मा खान्‍तुचि निकिना निनाम्‍हाङ्‌ओ अ़चुसाम्‌योक्‍मि य़ङ्‌हुप मोचिआ अ़सिन्‌याङ। खोन्‍नुछाङ, मोचिआ ओ काचिचि मुमा ओन्‍ङा माआङ, मेन मोवाको काचिचि मुमा राक नि म़नाचिछाङ म़प़चि।

फिलिप्‍पि 1:12

ब़ब़, नाना खोन्‍कि निछाचि ओ, खानानिन ओ सिन्‍तानुम्‌नि अ़ङ्‌का मिन्‍ङा, अ़ङ्‌काएदा म़ताओ य़ङ्‌चिआ अ़नुछ्‍याङा नुय़ङ्‌खान फेमा म़फासायुङ्‌सा।

हिब्रु 11:27

हाङ्‌ओ अ़माइसुङ्‌दा मान्‍क़माङ साकोङ्‌छ़ङ्‌लाम्‍पा खोसाआ मिस्र हेन्‍कोप छिरुदो। देकिनालो खोसाआ अ़दात्‍निन्‌ओ निनाम्‍हाङ खान्‌वात्‍नि खो लामान्‍चिन छुन्‍ता।