छाम्‍माय़ङ 27:4 - बान्‍तावा राई

⁴ खोन्‍कि मोदाङ्‌का आन्‍कान्‍का वाप्‍तेलादाङ्‌का साइप्रस खाम्‍दाक्‌ओ अ़च़क-अ़च़क ह़क इप्‌याङ्‌सा खारिन्‍का, देकिनालो ह़क्‌आ आन्‍काओ देङ्‌सालाप्‍पादा अ़वेरिन्‌येन्‍का।

छाम्‍माय़ङ 27:4 Σταυροειδείς Αναφορές

मत्‍ति 14:24

मोन्‍ग़रि नावा धियाङ्‌वामाओ अ़केम्‌दाङ्‌का ब़द्‍धे अ़थाया तालायुङ्‌सा। ह़क देङ्‌सा बानाओसा नावादा अ़लोङ्‌वात्‌चि म़धुङ्‌साङा।

मर्कुस 6:48

खोन्‍कि अ़चुकाखेङ्‌पाचिआ नावा याप्‍मा चात्‍लो दुखा म़तोक्‍ताङाओ खोक्‍कोसा म़खाचि, देकिनालो ह़क खोचिओ अ़चुदेङ्‌सालाप्‍पा बानाङा। आप्‍फात अ़वाय़ङ्‌ओ सुम्‌का ऱङ साङाहिदा खोक्‍को धियाङ्‌वामादा कोन्‌याङ्‌सा अ़चुकाखेङ्‌पाचिएदा म़ता, खोन्‍कि खोचिदाङ्‌का बुया खात्‍मानि म़मिना।

लुका 8:22

अ़क्‌लेन येसु खोन्‍कि अ़चुकाखेङ्‌पाचि नावादा म़वाङा खोन्‍कि येसुआ अ़चुकाखेङ्‌पाचि “आन्‍कान धियाङ्‌वामाओ अ़ह्‍याउधेत खारिन्‍ने” नि म़लोचि। खोन्‍कि मोचि म़खारा।

छाम्‍माय़ङ 13:4

सेङ्‌लावाआ बारनाबास खोन्‍कि सावल अ़चुकाचिदा म़खाइसुचि, खोन्‍कि खोचि सिलुकियादाओ वाप्‍तेला नान्‍खादा धाचि। खोन्‍कि मोचि वाप्‍तेलादा वाङाचि, खोन्‍कि मोदाङ्‌का साइप्रस खाम्‍दाक्‌ह्‍यात्‍नि खाराचि।

छाम्‍माय़ङ 15:39

पावल खोन्‍कि बारनाबास चाअ़त्‍लो दुम तुसाचि, खोन्‌ओसा खोचि अ़क्‍छा निएदाङ्‌का फेआचिचिन। बारनाबास्‌आ मर्कुस अ़क्‍नि खात्‍तुकि साइप्रस खारा।

छाम्‍माय़ङ 21:16

खोन्‍कि कैसरियादाङ्‌का थोरेत्‌कापाङ काखेङ्‌चि आन्‍कान्‍काएनान अ़क्‍नि म़खारा, खोन्‍कि खोचिआ आन्‍कान्‍का साइप्रस्‌दाओ अ़क्‍छा बुयादाङ्‌का साकोङ्‌छ़ङ कामु मनासोन्‌ओ अ़खिम्‌दा ऩखातिन्‍का, मोदा आन्‍कान्‍का याक्‍मादोराङा।

छाम्‍माय़ङ 21:3

खोन्‍किना आन्‍कान्‍का साइप्रस खाम्‍दाक खाम्‍का खोन्‍कि मो अ़बेङ्‌वा मुम्‍का खोन्‍कि आन्‍कान्‍का सिरिया धिखाहुप्‌ह्‍यात्‍नि खारिन्‍का खोन्‍कि तुरोस सहरादा धान्‍तिन्‍चिन्‍का। देकिनालो वाप्‍तेलादाओ सामाचि मोदा धान्‍मा म़दोराङा।

छाम्‍माय़ङ 27:7

खोन्‍किना आन्‍कान्‍का ब़द्‍धेकालेन्‌तारि चोम्‍पे बुया खारिन्‍का, खोन्‍कि राक्‍काभाला क्‍निदस सहरादा तान्‍लान्‍का। ह़क आन्‍काओ देङ्‌सालाप्‍पालाम्‍पा बानाङाओसा आन्‍कान्‍का च़लोक बुया खात्‍मा मान्‍ऱदान्‍का, खोन्‌ओसा आन्‍कान्‍का क्रेत खाम्‍दाक्‌दा इप्‍नान्‍चिन्‍सा सालमोनेओ अ़च़क लियाङ्‌सा खारिन्‍का।

छाम्‍माय़ङ 4:36

साइप्रस खाम्‍दाक्‌दाओ अ़क्‍छा लेबि भुङ्‌दाओ योसेफ अ़ऩङ मुवाङाओ म़ना युङाङा। छाम्‍माय़ङ्‌चिआ खो बारनाबास्‌नि अ़ऩङ अ़वात्‍ता, मोसोओ अ़तुप्‍माय़ङ राक काप़।