२ तिमोथि 3:17 - बान्‍तावा राई

¹⁷ ओसाआ निनाम्‍हाङ्‌ओ अ़चुम़नाचि झारा अ़नुवाक काचिदा नुलोक मुमाओ निम्‍पाङ म़चुम्‍सुचि।

२ तिमोथि 3:17 Σταυροειδείς Αναφορές

छाम्‍माय़ङ 9:36

योप्‍पा सहरादा तबिता अ़ऩङ मुवाङाओ अ़क्‍छा काखेङ्‌मा युङाङा। मोसोओ ग्रिक अ़ऩङ दोरकास ओ, अ़तुप्‍माय़ङ “ख़स्‍सामा”। मो अ़धुन निचिओ निकि अ़नुवाक काचि मुवाङा, खोन्‍कि मान्‍तोक्‍कादाचि फासुङुचि।

२ कोरिन्‍थि 9:8

निनाम्‍हाङ्‌आ खानानिन झारा आसिखा च़लोक प़मा ऩऱन। खोन्‌ओसा खानानिन्‌एदा अ़धुन झारा य़ङ च़लोक युङ्‌ने, खोन्‍कि झारा अ़नुवाक काचिओ निम्‍पाङ च़लोक प़मा रुवानिन।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

१ तिमोथि 6:11

मेन खाना निनाम्‍हाङ्‌ओ अ़चुम़ना, ओ झारादाङ्‌का अ़थाया युङा, खोन्‍कि साम्‌योक, निनाम्‍हाङ ब़क्‍मा, साकोङ्‌छ़ङ, सोमातुक्‍मा, हुङ्‌मा, खोन्‍कि सिम्‍मान्‍चिन्‌ओ मित्‍चिऩङ मुवा।

२ तिमोथि 2:21

खाक्‍को साऩङ्‌वा मान्‍मेत्‌दामायु मुयाङ, साङ मोदाङ्‌का आप्‍पि सेङ्‌नान्‍चिन्‌नालो खो साऩङ्‌वा मित्‍चिऩङ्‌ओ निम्‍पाङ अ़क्‍छा खाम्‍मा लि, खोन्‍कि खिम्‌दाओ खिम्‍हाङ्‌पाओ निम्‍पाङ सेङ्‌साओ, याङ्‌मा खान्‍तुओ लि, खोन्‍कि खाक्‍कोछाङ अ़नुवाक काचिओ निम्‍पाङ चुम्‌युङ।

तितस 1:16

मोचि “निनाम्‍हाङ सिन्‍तुङ्‌योङ”नि ना म़य़ङ, मेन मोचिओ अ़चुकाचिआ ओन निनाम्‍हाङ ऩङाअ़छित निकिना खाङ्‌मुसु। मोचि ना चिप्‍माकात्‍तुचिओ, लोमान्‍तेत खोन्‍कि खाक्‍कोछाङ अ़नुवाक काचि मुमा खान्‍तुओचि मात्‍द़ङ्‌चि।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

तितस 3:1

हाङ्‌काचि कामुचि खोन्‍कि पाङ कातोक्‌चिओ अ़चुक़म्‍मादा युङ्‌मादोत निकिना मोदाओ म़नाचि मित्‍मेत्‍तुचि। मोचि लोमावा म़च़ने, खोन्‍कि झाराकापाराआ नुलोक च़सि म़चुम्‍नान्‌युङ्‌नान्‍चिन्‍ने।

हिब्रु 10:24

आन्‍कान अ़क्‍छा निएदा सोमातुक्‍मा खोन्‍कि अ़नुवाक काचि मुमादा राक प़मुमाओ अ़तुक्‌वादा मिनिन्‍ने।

हिब्रु 13:21

खोक्‍कोसोओ अ़चुमिन्‍मा तामालामा रुवानुम निकिना झारा अ़नुवाक य़ङ्‌चिआ ऩयाङ्‌सिन्‍प़न्‍ने। दिसु य़ङ्‌आ निनाम्‍हाङ्‌ओ अ़चुऩङानुयाङ, येसु ख्रिस्‍तलाम्‍पा खोक्‍कोसाआ खानानिन्‌एदा ओ अ़मुने। अ़धुन-अ़धुन्‌तारि खोक्‍कोसोओ अ़चुऩङ्‌लोङ्‌ने! मोवात्‍निङा लिने।