२ तिमोथि 3:14 - बान्‍तावा राई

¹⁴ मेन आम्‍तुक्‌वादा, त़चिन्‍तान्‍चिन्‌ओ खोन्‍कि नुलोक साकोङ्‌छ़ङ त़मुओ य़ङ्‌चि मुयुङ्‌सुचि। मो साङ्‌एदाङ्‌का त़चिन्‍तान्‍चिन्‌ओ, मो खाना आप्‍पि त़सिन्‍तुङु।

२ तिमोथि 3:14 Σταυροειδείς Αναφορές

छाम्‍माय़ङ 17:31

देकिनालो खोक्‍कोसाआ अ़छेन्‍ताओ अ़क्‍छा म़नालाम्‍पा हेन्‍खामादाओ झारा म़नाचि साम्‌योक्‍मि छ़ङ्‌छेन्‍मा निकिना खोक्‍कोसाआ अ़क्‌लेन अ़छ़ङ अ़मुवायुङ्‌सा। खोक्‍कोसाआ मो म़ना म़सुवादाओदाङ्‌का अ़खोन्‍तालोइसाकि झारा म़नाचि ओसोओ अ़चुसालुम्‍स़ङ अ़पुवायुङ्‌सा।”

रोमि 14:5

अ़क्‍छा म़नाआ अ़क लेन नि लेन्‌दाङ्‌का अ़च़वाङ लेन्‌नि मित्‍तु, नि म़नाआ झारा लेन अ़क्‍निवा मित्‍तु। मेन झारासाआ आप्‍पिओ मिन्‍मादा नुलोक अ़छ़ङ मुमादोत।

कलस्‍सि 2:2

मोचिआ अ़चुसाकोङ्‌वादा राक अ़तोक्‍ने, खोन्‍कि सोम्‍तुक्‍मादा अ़क्‍नि म़लिने निकिना अ़ङ्‌का ओ दुखा मुङ्‌योङ्‌ओ। मोचिआ निनाम्‍हाङ्‌ओ अ़चुकोङ्‌दुम्‌ओ ताया सिन्‍मादा मोचि नुछ्‍याङा अ़छ़ङ म़लिनेनि मिन्‍ङाङा। मो कोङ्‌दुम ख्रिस्‍त आप्‍पि ओ।

१ थेसलोनिकि 1:5

देकिनालो आन्‍कान्‍का खानानिन्‌एदा नुय़ङ्‌खान तारुम्‍काहिदा य़ङ्‌चिदा ओन्‍ङा माआङ, मेन सावा खोन्‍कि सेङ्‌लावादाछाङ अ़नुछ्‍या तारुम्‍काओ त़सिन्‍तुम्‌युङ्‌सुम। आम्‍नुओ निम्‍पाङ आन्‍कान्‍का आम्‍नुओ रादा देत्‍नि युङिन्‍काओ खानानिन नुलोक त़सिन्‍तुम्‌योम।

१ थेसलोनिकि 2:13

खोन्‌ओसा आन्‍कान्‍का अ़धुन निनाम्‍हाङ आलाङ प़म्‍का, देकिनालो खानानिन्‌आ आन्‍कान्‍काएदाङ्‌का त़एनुम्‌ओ निनाम्‍हाङ्‌ओ अ़चुय़ङ खानानिन्‌आ म़नाओ अ़य़ङ्‌वा मान्‍लोक्‍त़दोम, मेन अ़नुछ्‍या निनाम्‍हाङ्‌ओ अ़चुय़ङ्‌वात्‍तिङा त़लोउम। मो य़ङ्‌आ खानानिन साकोङ्‌छ़ङ कामुचिएदा काचि मुङु।

१ तिमोथि 4:16

आम्‍ह़ङ्‌म़ङ्‌ओ अ़तुक्‌वादा खोन्‍कि खाना त़चिन्‍तुचिओ अ़तुक्‌वादा चाप्‍चेत्‍तान्‍चिन। मोचि मुयुङ्‌सुचि। देकिनालो ओवात्‍नि त़च़नालो खाना आप्‍पि खोन्‍कि आम्‌य़ङ काएन्‌चिछाङ त़लेइसुचि।

२ तिमोथि 1:13

ख्रिस्‍त येसुएदा याक्‌याङ्‌ओ साकोङ्‌छ़ङ खोन्‍कि सोम्‍तुक्‍मादा अ़ङ्‌का चिन्‍नाओ अ़नुछ्‍याओ य़ङ्‌चि खाना त़ङ्‌मा अ़मात्‍ऩङ्‌ओ निम्‍पाङ रात्‍तुयुङ्‌सु।

२ तिमोथि 2:2

ब़द्‍धेकापाङ सालुम्‍स़ङ्‌चिओ अ़चुबुदा खाना अ़ङ्‌काएदाङ्‌का त़एनुओ य़ङ, निचिछाङ चिन्‍मा काऱ सोम्‍कुवा त़मुचिओ म़नाचि चिन्‍तुचि।

२ तिमोथि 3:15

खाना आम्‍छायुङ्‌काङा सेङ्‌याङ्‌ओ साम्‍कालिन त़लेसुयुङ्‌सु, मोसाआ ख्रिस्‍त येसुदा त़मुओ साकोङ्‌छ़ङ्‌लाम्‍पा लेन्‍माओ निम्‍पाङ खाना ताया प़मा त़ऱ।

तितस 1:9

आन्‍कान्‍काआ चिन्‍तुम्‍च़म्‍काओ अ़नुछ्‍याओ तायादा युङ्‌युङ्‌ओ खोन्‍कि नि म़नाचिछाङ ओ ताया प़चिकि राक प़मा काऱ लिमादोत। ओ ताया आन्‍कान्‍काआ चिन्‍निओवात्‍नि लिमादोत। खोन्‍किना ओसोओ देङ्‌सा काच़चिओ अ़चुफिमाछाङ खाङ्‌मेत्‍मा काऱ लिमादोत।

हिब्रु 10:22

खोन्‌ओसा आन्‍कान सेङ्‌याङ्‌ओ साकोङ्‌वा खोन्‍कि अ़छ़ङ साकोङ्‌छ़ङ मुन्‌कि निनाम्‍हाङ्‌ओ अ़चुबुदा खारिन्‍ने। देकिनालो आन्‍छेन्‍खातायाचि ख्रिस्‍तओ अ़चुह़आ सेङ्‌माचि निकिना म़रेप्‍तायुङ्‌सा, खोन्‍कि आन्‍पोक्‌चि सेङ्‌याङ्‌ओ चाक्‌वाआ वाम़स़त्‍तापुवायुङ्‌सा।

हिब्रु 6:11

आन्‍काओ तोक्‍पो मिन्‍मा ओङा ओ, खानानिन झारासा आदेङ्‌तारि मो आम्‍नुओ राक खाङ्‌मुसानुम खोन्‍कि दि खानानिन्‌आ त़हुङुम्‌योम्‌ओ, मो अ़छ़ङ मुवानुम।