२ तिमोथि 2:26 - बान्‍तावा राई

²⁶ सैतानाआ मोचि अ़मिन्‍मावा मुमा छेक्‍तुयुङ्‌सुचिओ, मेन मोचि अ़नुवाक मिन्‍मादा म़लाताकि सैतानाओ अ़वाय़दाङ्‌का म़लेत।

२ तिमोथि 2:26 Σταυροειδείς Αναφορές

लुका 11:21

काछो म़नाआ बान खुन्‍कि अ़खिम रात्‍तुनालो मोसोओ अ़खाम्‍माखुयाचि रात्‍मा ऱचि।

लुका 15:17

मोसोओ अ़खारु छेक्‍ताकि मो य़ङा, ‘अ़ङ्‌पाओ अ़काफाचि देम्‍कापाङ्‌साआ ब़द्‍धे अ़चाकिछाङ अ़हेन! मेन अ़ङ्‌का ओदा सास़ङाकि स़मादामा मुङाङा!

लुका 5:10

मोवात्‍निङा जब्‍दियाओ अ़छाचि याकुब खोन्‍कि युहन्‍नाछाङ दोम्‍तुदोचि। मोचि सिमोन्‌एनान अ़क्‍नि काचि कामु अ़यावाचि याआङाचि। येसुआ सिमोन अ़लोवा, “मान्‍क़दा, हान्‌दाङ्‌का खाना ङाचि माआङ, मेन म़नाचि अ़ङ्‌काएदा त़तारुचि।”

युहन्‍ना 13:2

खोन्‍कि अ़नाम्‍प़क्‌ओ चा-चामा ग़रि दियाबलस्‌आ सिमोन्‌ओ अ़छा यहुदा इस्‍करियोत्‌ओ अ़मिन्‍मादा येसु धान्‍मा मिन्‍मा बुयाङा पाक्‍तुप़युङ्‌सु।

युहन्‍ना 13:27

पेम्‍पाक्‌ओ अ़धाङ चोचिउङुवा सैताना मो हुत्‌दा वाङा। खोन्‍कि येसुआ मो अ़लोवा, “खाना दे च़मा त़लाम्‌याङ, मो च़क्‍नि मु।”

छाम्‍माय़ङ 26:18

खाना मोचि निनाम्‍हाङ्‌ओ अ़चुय़ङ चिन्‍तुचि, खोन्‍कि कुइयामादाङ्‌का उयाङ्‌ओदाकि सैतानाओ अ़सावादाङ्‌का निनाम्‍हाङ्‌एदा म़लाने। खोन्‍किना मोचि अ़ङ्‌काएदा मोचिओ अ़चुहेवाचि निनाम्‍हाङ्‌आ म़लेत्‍तुप़चिकिना अ़ङ्‌काएदाओ साकोङ्‌छ़ङ्‌लाम्‍पा म़सेङाकि निनाम्‍हाङ्‌आ म़छेन्‍तुचिओ म़नाचिओ अ़चुरादा मोचिआ युङ्‌मा अ़तोक।’

छाम्‍माय़ङ 5:3

खोन्‍किना पत्रुस्‌आ लो, “हननिया, देकि सैताना आम्‍साकोङ्‌वा क़म्‍मा त़प़? व़क त़इनुओ अ़क्‍चिलोक फेक्‌वा त़युक्‍तान्‍चिन्‌कि खाना सेङ्‌लावा त़म़प्‍तुयुङ्‌सु।

१ कोरिन्‍थि 15:34

नुलोक आम्‍नुओ खारुच़ङ्‌तानुम, खोन्‍कि हेवा मुमा छिरानुम। खानानिन्‌एदा देम्‌कापाङ्‌आ ना निनाम्‍हाङ्‌ङा मान्‍सिन्‍त़युक्‍तुम्‌ओसा खानानिन लेजो मेत्‍मा निम्‍पाङ अ़ङ्‌का ओवात्‍नि य़ङाङ्‌ओ।

२ कोरिन्‍थि 2:11

खोन्‌ओसा सैतानाआ आन्‍कान म़धान्‍निन्‍ने। देकिनालो मोसोओ अ़मित्‍चिऩङ्‌चि आन्‍कान मान्‍सिन्‍कादा अ़मुन्‍मिन्‌येन।

एफिसि 5:14

खाक्‍को य़ङ नुलोक दात, मोङा साम ओ। खोन्‌ओसा साम्‍कालिन ओवात्‍नि य़ङ्‌याङ: “दुखुप्‌दा त़छुक्‍ता ओ, थिन्‍ता। खोन्‍कि त़सुवादाओदाङ्‌का पुवालोन्‍ता, खोन्‍कि ख्रिस्‍तआ खाना साम ऩप़।”

कलस्‍सि 1:13

खोक्‍कोसाआ आन्‍कान कुन्‌यामाओ अ़सावादाङ्‌का म़फोङ्‌सा, खोन्‍कि सोमाअ़तुक्‍ताङाओ अ़चुओछाओ अ़चुहाङ्‌होन्‌दा म़खाइसायुङ्‌सा।

१ तिमोथि 1:20

मोचिएदाओ हुमेनियस खोन्‍कि अलेक्‍जेन्‍दर ओ। मोचिआ निनाम्‍हाङ रुमान्‍फोक्‍दामा चिन्‍चिचिन्‍ने निम्‍पाङ अ़ङ्‌का मोचि सैतानाओ अ़छुक्‌दा पाक्‍तुङ्‌प़ङ्‌युङ्‌सुङ्‌च़ङ।

१ तिमोथि 3:7

साम्‍भुङ्‌दाङ्‌का बुङ्‌खादाओ म़नाचिओ अ़चुखाङ्‌मादाछाङ नुलोक सायाकातोक मुमादोत, माङ्‌नालोना खो लाहिदा खोन्‍कि सैतानाओ अ़वाय़दा छुक।

खाङ्‌मुमा 12:9

मिखाएल खोन्‍कि अ़काफाचिआ मो अ़धिवा प़ निनाम्‍मादुङ्‌का ह्‍युना अ़वेइसाधान्‍ता। मो बुयाओ अ़धिवा प़ ओ, मो झारा हेन्‍खामा काथेम्‍खान सैतानानिछाङ लो। मो हेन्‍खामादा वेइसाधान्‍ता खोन्‍कि मोसोओ झारा अ़काफाचिछाङ मोएनान अ़क्‍नि म़वेइसुधान्‍तुचि।