२ तिमोथि 2:25 - बान्‍तावा राई

²⁵ खोन्‍कि सिम्‍नान्‍चिन्‍सा अ़चुमिन्‍मालामाकिना फित्‍चि कामुचि यायोक काप़ लिमादोत। मोवात्‍नि निनाम्‍हाङ्‌आ मोचि अ़छ़ङ तुप्‍मा मिन्‍मा म़प़चि हे।

२ तिमोथि 2:25 Σταυροειδείς Αναφορές

मत्‍ति 11:29

अ़ङ्‌कोम खुयानुम, खोन्‍कि अ़ङ्‌काएदाङ्‌का चिन्‍तानिन्‍चिन, देकिनालो अ़ङ्‌मिन्‍मा नोत्‌याङ्‌ओ खोन्‍कि कासिम्‍नान्‍चिन मुङाङा। खोन्‍किना खानानिन्‌आ आम्‍नुओ ह़ङ्‌म़ङ्‌चिदा सावातोम्‍मा त़तोक्‍तुम।

मत्‍ति 21:32

देकिनालो युहन्‍ना खानानिन्‌एदा साम्‌योक लाम खाङ्‌मेत्‍सि ता, मेन खानानिन्‌आ खोएदा साकोङ्‌छ़ङ मान्‍मुत़दोम। मेन दाम्‍दु कालात्‍चिआ खोन्‍कि काचान्‍चाचि खोएदा साकोङ्‌छ़ङ म़मुवा। खानानिन्‌आ मो त़खाम्‌किछाङ आम्‍नुओ मिन्‍मा मान्‍लात़दोम, खोन्‍किना खोएदा साकोङ्‌छ़ङ मान्‍मुत़दान।”

मर्कुस 1:15

खोन्‍कि खोक्‍कोसाआ म़लोचि, “ग़रि तालायुङ्‌सा, खोन्‍कि निनाम्‍हाङ्‌ओ अ़चुहाङ्‌होन च़क्‌दा तायुङ्‌सा, हेवादाङ्‌का लासानिन्‌कि नुय़ङ्‌खान्‌दा साकोङ्‌छ़ङ मुवानिन!”

युहन्‍ना 5:34

युहन्‍ना लेराङाओ खोन्‍कि छेङ्‌छेङ्‌छेङ्‌वाओ कुपिवाको मुवाङा, खोन्‍कि खानानिन खोसोओ अ़साम्‌दा थुत्‍मेत्‍लो ऩङानुमा त़छेन्‍तुम। खानानिन त़लेरिन्‍ने निम्‍पाङ अ़ङ्‌का ओ य़ङ खाएत्‍नाङ्‌नानिन। मेन अ़ङ्‌का खानानिन त़तुप्‍तुम्‍नेनि मिन्‍ङाङाओ सालुम्‍स़ङ म़नाओ माआङ।

छाम्‍माय़ङ 11:18

ओ य़ङ अ़एनाकि मोचि वाइवेत म़लिसा, खोन्‍कि निनाम्‍हाङ्‌ओ अ़चुऩङ लोङ्‌याङ्‌सा, “हान निरावाचिछाङ अ़चुहेवादाङ्‌का लामाकिना म़ह़ङ्‌ने निम्‍पाङ अ़वाखाम निनाम्‍हाङ्‌आ म़प़युङ्‌सुचि”नि म़य़ङा।

छाम्‍माय़ङ 2:38

खोन्‍कि पत्रुस्‌आ मोचि लासुलोचि, “खानानिन झारा आम्‍नुओ हेवाचिदाङ्‌का लासानिन्‌कि येसु ख्रिस्‍तओ अ़चुऩङ्‌दा बप्‍तिस्‍मा लोआनिन, खोन्‍कि आम्‍नुओ हेवाचि लेत्‍लुवानिन। खोन्‍नालो सेङ्‌लावा मोहाङा त़तोक्‍तुम।

छाम्‍माय़ङ 20:21

यहुदिचि खोन्‍कि ग्रिक्‌चि अ़चुहेवादाङ्‌का निनाम्‍हाङ्‌एदा लामादोत, खोन्‍कि आन्‍हाङ्‌पा येसुएदा साकोङ्‌छ़ङ मुमादोत्‌निओसो अ़तुक्‌वादा अ़ङ्‌का खालुसुङ्‌युङ्‌सुङ।

छाम्‍माय़ङ 5:21

खोन्‍किना ओ अ़एनाकि मोचि अ़वाय़ङ निनाम्‍हाङ ब़क्‍खाखिम्‌दा म़वाङा, खोन्‍कि म़नाचि चिन्‍मा म़पुङ्‌सुचि। मुलो काब़क्‍पा खोन्‍कि खोसोओ अ़यावाचि म़तादिसा, खोन्‍किना धियायोक्‍खादाओ इस्राएलिचिओ अ़चुबुसुवाचि म़बुत्‍तुचि। मोचि झारा यहुदिचिओ अ़चुअ़धुवाचि ओ। मोचिआ छाम्‍माय़ङ्‌चि छेक्‍खाखिम्‌दा लासि रात्‍खामिचि म़छुत्‍तुचि।

छाम्‍माय़ङ 5:31

खोन्‍किना इस्राएलिचिआ हेवा मुमा अ़छित्‌कि अ़चुहेवा लेत्‍मा अ़तोक्‍ने निकिना निनाम्‍हाङ्‌आ खोक्‍को अ़चुचुप्‍ताङ्‌छुक्‌लिप्‍पा अ़झोइसाकि हाङ खोन्‍कि कालेन्‍पा अ़मुवा।

छाम्‍माय़ङ 8:22

खोन्‌ओसा ओ अ़अ़त्‍पा आम्‍मिन्‍मा त़लासुकि निनाम्‍हाङ्‌एदा यात़मात्‌नालो आम्‍साकोङ्‌वादा अ़त्‍लो त़मिनाओ निनाम्‍हाङ्‌आ ऩलेत्‍प़ हे।

गलाति 6:1

ब़ब़, नाना खोन्‍कि निछाचि ओ, खाक्‍को म़ना अ़त्‍लोदा लाप्‍खावाचानालो खानानिन साङ लावामि त़याइन्‌येन, सिम्‍नान्‍चिन्‍सा मो अ़नुवाक लासामुवानुम। खानानिन आप्‍पि खानिन्‍चिन माङ्‌लो खानानिन्‌छाङ चिन्‍माखाङ्‌मादा त़छुक्‍तिन।

१ तिमोथि 2:4

झारा म़नाचि म़लेन्‍ने, खोन्‍कि मोचि अ़छ़ङ चिन्‍माय़ङ्‌दा म़तानेनि खोक्‍को म़मिन।

१ तिमोथि 6:11

मेन खाना निनाम्‍हाङ्‌ओ अ़चुम़ना, ओ झारादाङ्‌का अ़थाया युङा, खोन्‍कि साम्‌योक, निनाम्‍हाङ ब़क्‍मा, साकोङ्‌छ़ङ, सोमातुक्‍मा, हुङ्‌मा, खोन्‍कि सिम्‍मान्‍चिन्‌ओ मित्‍चिऩङ मुवा।

२ तिमोथि 3:7

मो मेत्‍छामाचि अ़धुन म़चिन्‍नान्‍चिन, मेन देम्‍खाछाङ अ़छ़ङ य़ङ लोक्‍मा ऩऱन।

तितस 1:1

अ़ङ्‌का पावल निनाम्‍हाङ्‌ओ अ़चुहारुक खोन्‍कि ख्रिस्‍त येसुओ छाम्‍माय़ङ्‌आ ओ छाप्‍लावा छाप्‍तुङ्‌योङ। निनाम्‍हाङ्‌आ म़छेन्‍तुचिओचिओ अ़चुसाकोङ्‌छ़ङ पोइसि खोन्‍कि निनाम्‍हाङ्‌ओ अ़ऩङानुओ अ़छ़ङ य़ङ म़नाचिआ तुप्‍मा निकि फासि निनाम्‍हाङ्‌आ अ़ङ्‌का ऩछाम्‍साङ।

तितस 3:2

मोचिआ साङ्‌कोछाङ अ़देङ्‌सालाप्‍पादा सोज्‍जे ऩचेप्‍निन्‍ने, खोन्‍किना ऩखिनिन्‍ने मेन झारा म़नाचिएनान कासिम्‍नान्‍चिन खोन्‍कि कातोङ म़लिने।

याकुब 1:17

झारा अ़नुवाक प़मायु खोन्‍कि अ़छ़ङ आसिखा निनाम्‍मादुङ्‌काओ, मो आसिखा निनाम्‍मादुओ साम कामुन्‍पा निनाम्‍हाङ्‌आ म़प़। खोक्‍को सोत्‍नान्‍लुक्‍नान्‍चिन्‌ओ लावाछामित्‌वात्‍नि अ़फान्‍नान्‍चिमिन।

१ पत्रुस 3:15

मेन आम्‍नुओ साकोङ्‌वादा ख्रिस्‍त हाङ्‌पा निकिना साया मेत्‍तानुम। खानानिन्‌एदा याक्‌याङ्‌ओ आम्‍नुओ सोम्‍कुवाओ अ़तुक्‌वादा नि म़नाचिआ ऩसेनिन्‌नालो मोसोओ अ़तुक्‌वादा खालुमाओ निकि अ़धुन चुम्‍सान्‌युङ्‌सानिन्‍चिन।

१ युहन्‍ना 5:16

साङ्‌आ ख्रिस्‍तियान अ़यावा हेवा मुयाङ्‌ओ खा, मो हेवाआ स़मादा अ़खात्‍तुन्‌ओ मुयाङ्‌नालो खोसाआ यामात्‍तुप़ने, खोन्‍कि मोसोओ अ़हेवाआ स़मादा अ़खात्‍तुन्‌ओ मुयाङ्‌नालो निनाम्‍हाङ्‌आ खो ह़ङ्‌म़ङ अ़प़। मेन ओवाको हेवाछाङ युङ्‌याङ, मोसाआ स़मादा तारुलाचि, अ़ङ्‌का मोसोओ अ़तुक्‌वादा खानानिन यामारानिन्‌नि अ़लोनान्‍निमिन।