२ तिमोथि 2:24 - बान्‍तावा राई

²⁴ हाङ्‌पाओ अ़चुकाब़त्‍पा खिमा अ़नुनिन। मेन खो झारा सोमाकातुक, चिन्‍मा काऱ, खोन्‍कि काआङ लिमादोत।

२ तिमोथि 2:24 Σταυροειδείς Αναφορές

मत्‍ति 12:19

खो ना म़खि, ना म़पात, ना साङ्‌आ खोसोओ अ़चुय़ङ लाम्‌चिदा एनु।

युहन्‍ना 6:52

खोन्‍कि यहुदिचि आप्‍पिओ अ़चुरादा चाअ़त्‍लो दुम्‍छ़न्‍मा अ़पुक्‍ता, “ओ म़नाआ देत्‍नि आन्‍कान अ़चुपोक चामा प़मा म़ऱ?”

छाम्‍माय़ङ 15:2

पावल खोन्‍कि बारनाबास मो य़ङ्‌दा मोचिएनान मान्‍तोङ्‌चिकि चाअ़त्‍लो दुम तुसाचि। खोन्‌ओसा मोदाओ साकोङ्‌छ़ङ कामुचिआ आदेङ पावल खोन्‍कि बारनाबास्‌किना निचिछाङ ओ सेन्‍माय़ङ्‌ओसो अ़तुक्‌वादा छाम्‍माय़ङ्‌चि खोन्‍कि ताङ्‌पाचिएनान यायोक्‍सि यरुसलेम खान्‍माचि निकिना म़छेन्‍तुचि।

छाम्‍माय़ङ 23:9

खोन्‌ओसा मोदा अ़धिवाङ काचेङ्‌वा लिसा, खोन्‍कि फरिसि रुहुप्‌दाओ खा-खाक्‍को य़ङ्‌हुप काचिन्‍पाचि म़पुवालोन्‍ताकि चाअ़त्‍लो दुम्‍म़तुसा, “ओ म़नाएदा आन्‍कान्‍का दित्‍छाङ अ़अ़त्‍पा य़ङ अ़खान्‍मिन्‍का। मात्‌दे सेङ्‌लावा माङ्‌लो निनाम्‍हाङ काफा खोएदा म़चेवाओनालो आन्‍कान दे च़मा?”

छाम्‍माय़ङ 7:26

अ़माङ्‌कोलेन मोसाआ ह़वाङ इस्राएलिचि म्‍हुवाङाचिओ खाचि। मोचि अ़क्‍छा निएदा तोङ्‌माचिनि मिनाकि खोसाआ लोचि, ‘एनाचु, यावाचि ओ, खानाचिना यहुदि-यहुदि ए, देकि खानाचि ओवात्‍नि त़म्‍हुचिङ्‌चिओ?’

२ कोरिन्‍थि 10:1

खा-खाक्‍को म़नाचि म़य़ङ, अ़ङ्‌का पावल, आम्‍नुओ बुदा खोन्‍कि सिम्‍ङान्‍च़ङ, मेन अ़थाया लिङाहिदा खानानिन्‌एदा छाक्‍लो लिङा! ख्रिस्‍तओ अ़चुसिम्‍मान्‍चिन खोन्‍कि अ़चुसोम्‍तुक्‍मालाम्‍पा अ़ङ्‌का खानानिन लोनाङ्‌नानिन।

२ कोरिन्‍थि 10:4

देकिनालो ङेन्‌ओ आन्‍काओ बान्‍छुबिछुचि हेन्‍खामादाओ माआङ, मेन कुम्‍खा भुङ्‌मा आन्‍कान्‍का निनाम्‍हाङ्‌ओ अ़चुसावा याङुम्‍का।

२ कोरिन्‍थि 6:4

मेन निनाम्‍हाङ्‌ओ अ़चुकाब़त्‍पाचिओसा झाराकापाराआ आन्‍कान्‍का आप्‍पि निनाम्‍हाङ्‌ओ अ़नुवाक म़नाचि निकिना आन्‍कान्‍का च़लोक आङ्‌मादा, दुखाचिदा, मान्‍ऱदामाचिदा, छ़ङ्‌मादिमाचिदा खाङ्‌मुसिन्‍चिन्‍का।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

एफिसि 4:2

अ़धुन सिम्‍नान्‍चिन्‍सा, सोत्‍सोत्‌वालिसा खोन्‍कि हुङ्‌याङ्‌सा अ़क्‍छाआ नि सोमातुक्‍मादा आङ्‌याङ्‌सा,

फिलिप्‍पि 2:14

छुऩङ्‌वा माङ्‌लो दुम मान्‍तुमाङ झारा य़ङ मुयाङ्‌सा खारानिन।

फिलिप्‍पि 2:3

देम्‍खाछाङ आप्‍पि खानानिन खाङ्‌मान्‍चिन माङ्‌लो तोक्‍पो लिमाओ निम्‍पाङ देत्‍छाङ माच़दानिन, मेन सिम्‍नान्‍चिन्‍सा निचि खानानिन आप्‍पिदाङ्‌का अ़धिवा मित्‍तानुम्‍च़म।

कलस्‍सि 3:13

अ़क्‍छा निएदा आङ्‌मुवानिन, म़नाचिओ अ़चुदेङ्‌सालाप्‍पादा दिदि दुम पाक्‍माय़ङ याक्‌याङ्‌नालो अ़क्‍छा निएदा लेत्‍कालेत मुवानिन। देत्‍नि हाङ्‌पाआ खानानिन ऩलेत्‍तिन्‌युङ्‌सिन, मोवात्‍नि खानानिन्‌आछाङ लेत्‍माचिदोत।

१ थेसलोनिकि 2:7

ख्रिस्‍तओ अ़चुछाम्‍माय़ङ्‌चि लिसिन्‍काओसा खानानिन्‌एदाङ्‌का आन्‍कान्‍का फालुमा ऱन्‍काओ। मेन आन्‍कान्‍का आम्‍नुओ रादा अ़चुप्‍पो अ़छाचि नुलोक काखाङ कासिम्‍नान्‍चिन अ़चुमावात्‍नि लिसिन्‍का।

१ तिमोथि 6:11

मेन खाना निनाम्‍हाङ्‌ओ अ़चुम़ना, ओ झारादाङ्‌का अ़थाया युङा, खोन्‍कि साम्‌योक, निनाम्‍हाङ ब़क्‍मा, साकोङ्‌छ़ङ, सोमातुक्‍मा, हुङ्‌मा, खोन्‍कि सिम्‍मान्‍चिन्‌ओ मित्‍चिऩङ मुवा।

तितस 1:1

अ़ङ्‌का पावल निनाम्‍हाङ्‌ओ अ़चुहारुक खोन्‍कि ख्रिस्‍त येसुओ छाम्‍माय़ङ्‌आ ओ छाप्‍लावा छाप्‍तुङ्‌योङ। निनाम्‍हाङ्‌आ म़छेन्‍तुचिओचिओ अ़चुसाकोङ्‌छ़ङ पोइसि खोन्‍कि निनाम्‍हाङ्‌ओ अ़ऩङानुओ अ़छ़ङ य़ङ म़नाचिआ तुप्‍मा निकि फासि निनाम्‍हाङ्‌आ अ़ङ्‌का ऩछाम्‍साङ।

तितस 1:7

धिकाखाङ्‌पा निनाम्‍हाङ्‌ओ अ़काचि कामु ओ। खोन्‌ओसा मो खोक्‍कोछाङ ह़त्‍माय़ङ मात्‍द़ङ्‌ओ म़ना लिमादोत। खोन्‍कि अ़ताकावा काच़, च़क्‍नि अ़माइसुङ्‌कात्‌ओ, खाबात सेत्‍चाले, धात्‍काधात कामु खोन्‍कि म़प्‌याङ्‌सा छेन्‍बि कादुप लिमा अ़नुनिन।

तितस 1:9

आन्‍कान्‍काआ चिन्‍तुम्‍च़म्‍काओ अ़नुछ्‍याओ तायादा युङ्‌युङ्‌ओ खोन्‍कि नि म़नाचिछाङ ओ ताया प़चिकि राक प़मा काऱ लिमादोत। ओ ताया आन्‍कान्‍काआ चिन्‍निओवात्‍नि लिमादोत। खोन्‍किना ओसोओ देङ्‌सा काच़चिओ अ़चुफिमाछाङ खाङ्‌मेत्‍मा काऱ लिमादोत।

तितस 3:2

मोचिआ साङ्‌कोछाङ अ़देङ्‌सालाप्‍पादा सोज्‍जे ऩचेप्‍निन्‍ने, खोन्‍किना ऩखिनिन्‍ने मेन झारा म़नाचिएनान कासिम्‍नान्‍चिन खोन्‍कि कातोङ म़लिने।

याकुब 1:1

निनाम्‍हाङ खोन्‍कि हाङ्‌पा येसु ख्रिस्‍तओ अ़हारुक याकुब्‌दाङ्‌का हेन्‍खामादा रावा-रावाचिओ अ़चुरादा त़रिसिन्‍चिन्‌ओ बारकाभुङ्‌चिएदा अ़ङ्‌सेवा!

याकुब 3:17

मेन निनाम्‍मादुङ्‌का य़ओ खारु बुयाङा अ़च़क़ल़क खोन्‍कि मो तोङ्‌मा काऱ मु, हुङ्‌मा काऱ मु, लोमावा काकाङ मु, सोमाकातुक मु, अ़नुवाक सिवा कासि मु, लिप्‍पा मान्‌वाङ्‌कादा मु खोन्‍कि कोङ्‌क़त्‌वा अ़मुनिन।

याकुब 4:2

खानानिन मित्‍मा ना त़स़न, मेन त़तोक्‍तिमिन। खानानिन म़ना त़सेरिन खोन्‍कि च़क्‍ख़य़ ना त़मुन, मेन त़तोक्‍तिमिन। खानानिन त़खिन खोन्‍कि त़म्‍हुन। खानानिन दोत्‌ओ खानानिन्‌एदा मात्‍द़ङ, देकिनालो खानानिन निनाम्‍हाङ त़दोत्‍तिमिन।

१ पत्रुस 3:8

अ़चिन्‍मादिमादा, खानानिन झारा साकोङ्‌वादा अ़क्‌तात लिसानिन, अ़क्‍छा निएदा फामुवानिन, अ़क्‍छा निएदा सोमातुक्‍कातुक मुवानिन, अ़नुवाक साकोङ्‌वा खोन्‍कि कासिम्‍नान्‍चिन मिन्‍माओ लिसानिन।

यहुदा 1:3

सोमातुक्‍नाङ्‌नानिन्‌ओ यावाचि ओ, आन्‍कान झारासोओ लेन्‍माओ अ़तुक्‌वादा छाप्‍मा अ़न्‍नुनु लामाङ्‌युङ्‌सा। मेन हान मोसोओ अ़फान्‌दा, निनाम्‍हाङ्‌आ अ़चुओ म़नाचि अ़धुन्‌ओ निकिना म़प़चिओ साकोङ्‌छ़ङ रात्‍माओ निम्‍पाङ चात्‍लो काचि मुमाओ राक प़मा छाप्‍लावा छाप्‍मादोत्‌नि मिनाङ।