२ तिमोथि 2:18 - बान्‍तावा राई

¹⁸ बुया लामाखोन्‍मालोन्‍मा लिसाचिआयुङ्‌सा निकिना ओचि अ़छ़ङ्‌दाङ्‌का फेलाखारायुङ्‌साचि। देम्‍पाङ्‌सोओ अ़चुसाकोङ्‌छ़ङ मोचिआ अ़भुङ्‌चुखान्‍चुङ्‌चु।

२ तिमोथि 2:18 Σταυροειδείς Αναφορές

मत्‍ति 15:13

मेन खोक्‍कोसाआ म़लासुलोचि, “निनाम्‍मादु कायुङ अ़ङ्‌पापाआ मान्‍लित्‌अ़दाओ झारा अ़भेन्‌एनान अ़धेन्‍खान।

मत्‍ति 22:29

येसुआ मोचि म़लासुलोचि, “खानानिन त़फेलिन्‌युङ्‌सिन, देकिनालो खानानिन्‌आ ना साम्‍कालिन ना निनाम्‍हाङ्‌ओ अ़चुसावा त़सिन्‍तुम।

लुका 8:13

लुङ्‌खावादा म़छुक्‍ताओ बिउचि ओङा ओ: साङ्‌आ निनाम्‍हाङ्‌ओ अ़चुय़ङ एनुकि अ़ऩङानुयाङ्‌सा मो लोउ। मेन मोसोओ अ़भेन अ़मेत्‍तुन्‌ओसा मोसाआ निनाम्‍हाङ थुत्‍मेत्‍लो ओन्‍ङा साकोङ्‌छ़ङ मु, मेन चिन्‍माखाङ्‌माओ ग़रिदा अ़साकोङ्‌छ़ङ्‌दाङ्‌का देङ्‌ला।

छाम्‍माय़ङ 5:39

मेन ओ निनाम्‍हाङ्‌लाम्‍पाओनालो ना खानानिन ओ म़नाचि छेक्‍मा त़ऱन्‍चिमिन। माङ्‌नालो ना खानानिन्‌ङा निनाम्‍हाङ्‌ओ अ़चुदेङ्‌सालाप्‍पादा फित्‍चि कामु त़लिसिन।” खोन्‍किना मो धियायोक्‍खादाओ म़नाचिआ गमलिएल्‌ओ अ़यायोक म़काङ्‌सा।

१ कोरिन्‍थि 11:19

आम्‍नुओ रादाओ साङ सोम्‍कुवा मुमा खान्‍तुओ सिन्‍मा निम्‍पाङ खानानिन्‌एदा हामान्‍चिन्‍ङादोत।

१ कोरिन्‍थि 15:12

म़सुवादाओदाङ्‌का ख्रिस्‍त म़खोन्‍तालोन्‍तानि खालुसुम्‌कानालो खानानिन्‌एदाङ्‌का खा-खाक्‍को देत्‍नि म़सुवादाओचि ऩखोन्‍निन्‍लोन्‍निन्‌नि य़ङ्‌मा त़ऱन?

कलस्‍सि 3:1

खोन्‌ओसा खानानिन ख्रिस्‍तएनान त़खोन्‍तिन्‍लोन्‍तिन्‌ओसाआ, निनाम्‍मादुओ य़ङ्‌चि लामानुम। मोदा निनाम्‍हाङ्‌ओ अ़चुचुप्‍ताङ्‌छुक्‌लिप्‍पा ख्रिस्‍त म़युङ्‌याङ।

१ तिमोथि 1:19

साकोङ्‌छ़ङ खोन्‍कि अ़नुवाक छेन्‍खाताया मान्‍लेत्‌दो। खा-खाक्‍को म़नाचिआ छेन्‍खाताया ऩङाअ़छिराकि अ़चुसाकोङ्‌छ़ङ अ़लुक्‍तायुङ्‌सा।

१ तिमोथि 6:10

देकिनालो याङ सोमातुक्‍माङा झारापाराओ अ़अ़त्‍पाओ अ़भेन ओ। याङ्‍ओ च़क्‍ख़य़दा म़छुक्‍ताकि खा-खाक्‍कोचि साकोङ्‌छ़ङ्‌दाङ्‌का नि लाम्‌दा म़वाङायुङ्‌सा, खोन्‍कि ब़द्‍धे दुखाचिआ मोचिओ अ़चुसाकोङ्‌वाचि धुउयुङ्‌सु।

१ तिमोथि 6:21

ओ खामान्‍सिन य़ङ कात़ङ देम्‍पाङ म़नाचि अ़चुसाकोङ्‌छ़ङ्‌दाङ्‌का म़थेमाखारायुङ्‌सा। खानानिन झाराएदा सोम्‍तुक्‍मा युङ्‌ने।

२ तिमोथि 2:14

ओ य़ङ्‌चि साकोङ्‌छ़ङ कामुचि मित्‍मेतुचि। निनाम्‍हाङ्‌ओ अ़चुबुदा य़ङ्‌सिवाचिओ अ़तुक्‌वादा दुम मान्‍छ़न्‍दामा चाप्‍चेत्‍तुचि। मोसाआ नुलोक म़मुनिन, मेन काएन्‌चि ओन लुक्‍तुचि।

तितस 1:11

मोचिओ अ़चुदोदा मान्‍ह़माङ अ़नुनिन। देकिनालो मोचिआ ना चिन्‍माङा अ़नुनिन्‌ओ य़ङ्‌चि म़चिन्‍तुचिकि झारा खिम्‍लुम्‍पादा अ़चुताकावा च़मा अ़बान्‍खान्‌याङ। अ़धुन फेक्‌वा दुप्‍मा ओन्‍ङा मोचि ओवात्‍नि म़च़याङ्‌ओ।

हिब्रु 3:10

खोन्‌ओसा मो दुङ्‌एनान अ़ङ्‌को अ़ङ्‌च़ऱपाकारा खोन्‍कि य़ङाङ, ‘मोचिओ अ़चुसाकोङ्‌वा अ़धुन अ़ङ्‌कादाङ्‌का थेम्‍खात, मोचिआ अ़ङ्‌लाम मान्‍सिन्‌अ़युक।’

याकुब 5:19

अ़ङ्‍ब़ब़, नाना खोन्‍कि निछाचि ओ, खानानिन्‌एदाओ अ़क्‍छा अ़छ़ङ्‌दाङ्‌का वाऱनान्‍खात्‍नान्‍चिन्‌नालो खो अ़क्‍छाआ लामातात्‍मादोत।

१ युहन्‍ना 2:19

मोचि आन्‍कान्‌एदाङ्‌का म़फेआन्‍खात्‍तान्‍चिन, देकिनालो मोचि आन्‍कोचि माआङ। मोचि आन्‍कोचिओदे आन्‍कान्‌एनान अ़क्‍नि म़युङाओ, मेन मोचि झारा आन्‍कोचि माआङ्‌निओ य़ङ खाङ्‌मुमा निम्‍पाङ मोचि म़लोन्‍ताखाराओ।