२ तिमोथि 2:13 - बान्‍तावा राई

¹³ आन्‍कान सोम्‍कुवा मान्‍मुकादा मुन्‌येन्‌नुछाङ खोक्‍को आन्‍कान्‌एदा सोम्‍कुवा कामु म़मुयाङ। देकिनालो खोक्‍कोसाआ आप्‍पि म़हिप्‍ताओ य़ङ ऩङाऩछिरुन।

२ तिमोथि 2:13 Σταυροειδείς Αναφορές

मत्‍ति 24:35

निनाम्‍मा खोन्‍कि हेन्‍खामा लुक्‍खात, मेन अ़ङ्‌य़ङ देम्‍खाछाङ अ़लुक्‍निन्‍खात्‍निन।

रोमि 3:3

मेन मोचिएदाङ्‌का खा-खाक्‍कोचि निनाम्‍हाङ्‌ओ अ़चुय़ङ सोम्‍कुवा मान्‍मुचिहिदा दि निनाम्‍हाङ्‌आ अ़चुहिप्‍माय़ङ अ़काक्‍ता?

रोमि 9:6

खोन्‍नालो दि निनाम्‍हाङ्‌आ अ़चुओ हिप्‍माय़ङ यहुदिचिओ निम्‍पाङ मान्‍तालाअ़दा? अ़तासाला! ओ सिन्‍तानुम, झारा इस्राएलि म़नाचि निनाम्‍हाङ्‌ओ अ़चुम़नाचि माआङ।

१ कोरिन्‍थि 1:9

निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसोओ अ़चुछा आन्‍हाङ्‌पा येसु ख्रिस्‍तएनान यावायोक मुसि खोक्‍कोसाआ खानानिन ऩबुत्‍तिन।

१ थेसलोनिकि 5:24

निनाम्‍हाङ्‌आ ओ झारा य़ङ्‌चि अ़मु, देकिनालो खानानिन काबुत निनाम्‍हाङ सोम्‍कुवा मुमा खान्‍तुओ म़मुयाङ।

२ थेसलोनिकि 3:3

मेन निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसाआ लावामि सावा ऩप़न, खोन्‍कि अ़अ़त्‍पादाङ्‌का ऩरात्‍तिन।

तितस 1:2

ओ साकोङ्‌छ़ङ्‌लाम्‍पा आन्‍कान अ़लुक्‍निन्‌ओ ह़ङ्‌म़ङ तोक्‍तुम निकिना तामामित्‍मा मुन। देम्‍खाछाङ सोज्‍जेओ मान्‍चेप्‍कादा निनाम्‍हाङ्‌आ निनाम्‍मा हेन्‍खामा मुन्‍मा बुयाङा आन्‍कान ओ ह़ङ्‌म़ङ प़नानिन निकिना म़हिप्‍तायुङ्‌साओ।

हिब्रु 6:18

निनाम्‍हाङ्‌आ ह्‍वातात ऩफान्‍निन्‌ओ य़ङ्‌चि अ़मुवा। ओसोओ अ़तुक्‌वादा निनाम्‍हाङ देम्‍खाछाङ ऩम़प्‍निन। खोन्‌ओसा आन्‍कान खोक्‍कोएदा रात्‍लुसि काखात्‌चि आन्‍बुदा म़युक्‍ताओ सोम्‍कुवा नुलोक लाप्‍मा तोक्‍पो राक आन्‍कान तोक्‍तुम्‌युङ्‌सुम।