२ तिमोथि 2:11 - बान्‍तावा राई

¹¹ ओ य़ङ्‌मा सोम्‍कुवा मुमा खान्‍तुओ मुयाङ, आन्‍कान खोक्‍कोएनान स़न्‌युङ्‌सिन्‌नालो आन्‍कान्‌छाङ खोक्‍कोएनान ह़ङिन।

२ तिमोथि 2:11 Σταυροειδείς Αναφορές

युहन्‍ना 14:19

हान अ़क्‍दुकि हेन्‍खामाआ अ़ङ्‌का देम्‍खाछाङ अ़खाङ्‌ऩङ, मेन खानानिन्‌आ अ़ङ्‌का त़खाङ्‌ङाऩङ। अ़ङ्‌का अ़ह़ङ लाङालिङाओसाआ खानानिन्‌छाङ अ़ह़ङ त़लासिन्‍लिसिन।

रोमि 6:5

खोक्‍कोसोओ अ़चुस़मादा आन्‍कान खोक्‍कोएनान अ़क्‌तात लिसिन्‌युङ्‌सिन्‌ओसा अ़नुछ्‍याङा खोक्‍को म़खोन्‍तालोन्‍तावात्‍निङा आन्‍कान्‌छाङ खोन्‍तिन्‍लोन्‍तिन।

रोमि 6:8

ख्रिस्‍तएनान आन्‍कान स़न्‌युङ्‌सिन्‌नालो ना खोक्‍कोएनान आन्‍कान ह़ङिन निकिना साकोङ्‌छ़ङ्‌छाङ आन्‍कान मुन।

२ कोरिन्‍थि 13:4

अ़नुछ्‍याङा, मान्‍ऱदामादा खोक्‍को क्रुस्‌दा म़ख़न्‍तानुछाङ खोक्‍को निनाम्‍हाङ्‌ओ अ़चुसावादा ओन्‍ग़रि म़ह़ङ्‌याङ। मोवात्‍निङा, आन्‍कान्‍काछाङ ख्रिस्‍त मान्‍ऱकादा म़मुवाङावात्‍निङा मुन्‌येन्‍का, मेन ओन्‍ग़रि आन्‍कान्‍का खोक्‍कोएनान ह़ङिन्‍का, खोन्‌ओसा खानानिन्‌एनान आन्‍काओ च़माथाङ्‌मादा निनाम्‍हाङ्‌ओ अ़चुसावा आन्‍कान्‍का तोक्‍तुम्‍का।

२ कोरिन्‍थि 4:10

येसुओ अ़चुह़ङ्‌म़ङ आन्‍काओ पोक्‌दा दात्‍ने निकिना आन्‍कान्‍का खोक्‍कोसोओ अ़चुस़मा अ़धुन आन्‍काओ पोक्‌दा खुयुम्‍लुक्‍तुम्‍का।

१ थेसलोनिकि 4:17

खोन्‍किना आन्‍कान साङ-साङ ह़ङिन्‌येन खोन्‍कि ओ हेन्‍खामादा अ़ह़ङ कायुङ्‌चि नाम्‍छ़ऱदु हाङ्‌पा तुप्‍सि मोचिएनान अ़क्‍नि माक्‍मुन्‌वादा च़क्‍नि म़थेन्‌खात। खोन्‍कि अ़धुन आन्‍कान हाङ्‌पाएनान युङिन।

१ थेसलोनिकि 5:10

खोक्‍को म़लाय़हिदा आन्‍कान स़न्‍दान्‌नुछाङ ह़ङिन्‌येन्‌नुछाङ खोक्‍को आन्‍कान्‌एनान अ़क्‍नि युङ्‌मा निकिना हाङ्‌पा येसु आन्‍को निम्‍पाङ म़सुवा।

१ तिमोथि 1:15

ओ य़ङ अ़छ़ङ खोन्‍कि लोक्‍माखान्‍तुओ मुयाङ, हेवामिचि लेइसि येसु ख्रिस्‍त हेन्‍खामादा म़ता। खोन्‍कि मो हेवामिचिदाङ्‌का अ़ङ्‌का मुलो ओ।

१ तिमोथि 3:1

ओ य़ङ अ़छ़ङ मुयाङ, खाक्‍को धिकाखाङ्‌पा काचि मुमा स़नालो खो अ़नुवाक काचि मुमानि मिन।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।