२ थेसलोनिकि 3:2 - बान्‍तावा राई

² खोन्‍कि झारा म़नाचि साकोङ्‌छ़ङ ऩमुनिन्‌ओसा अ़अ़त्‍पा खोन्‍कि अ़त्‍लोकाच़ म़नाचिएदाङ्‌का निनाम्‍हाङ्‌आ आन्‍कान्‍का ऩफोङ्‌सिन्‍काने निम्‍पाङ यामारिन्‍का।

२ थेसलोनिकि 3:2 Σταυροειδείς Αναφορές

मत्‍ति 17:17

खोन्‍कि येसुआ मोचि म़लोचि, “खानानिन साकोङ्‌छ़ङ मात्‍द़ङ्‌ओ म़नाचि खोन्‍कि ऱक्‌याङ्‌ओ लाम्‌दा काकोन्‌चि ओ! देम्‍खातारि अ़ङ्‌का खानानिन्‌एनान युङ्‌ङा? देम्‍खातारि अ़ङ्‌का खानानिन आङ्‌नानिन? आम्‍छा अ़ङ्‌काएदा बात्‍तु।”

मत्‍ति 23:23

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन होप्‍छोप, सोम्‍फा सुङ खोन्‍कि जिरा सुङ्‌ओ दस्‌कालोक्‌दा अ़क लोक त़प़न, मेन य़ङ्‌हुप्‌ओ अ़धिवा अ़तुक्‌वाचि, माङ्‌नालो छ़ङ्‌छेन्‍मा, सोम्‍तुक्‍मा खोन्‍कि सोम्‍कुवा ऩङा त़छिरुम्‌युङ्‌सुम। खानानिन दस्‌कालोक्‌दा अ़क लोक प़याङ्‌सा, मो अ़धिवा अ़तुक्‌वाचि ऩङा मान्‍छित्‍माङ मुमा म़दोराङाओ।

लुका 18:8

अ़ङ्‌का खानानिन लोनानिन, खोक्‍कोसाआ च़क्‍निङा मोचिओ अ़चुछ़ङ म़छेन्‍तुप़चि। खोन्‍नुछाङ अ़ङ्‌का म़नाओ अ़छा लाङाय़ङाहिदा हेन्‍खामादा साकोङ्‌छ़ङ कामुचि धिरुङ्‌च़ङ हे अ़धित्‍ऩङ्‌च़ऩङ?”

छाम्‍माय़ङ 13:45

मेन यहुदि बुसुवाचिआ म़ना मुक्‍लाचि म़खाचिहिदा मोचि च़लोक ऩङ्‌च़ म़मुवा, खोन्‍कि पावल चेवाङाओ य़ङ्‍ओ अ़देङ्‌सालाप्‍पादा याअ़सान्‍ता।

छाम्‍माय़ङ 13:50

मेन यहुदि बुसुवाचिआ निनाम्‍हाङ कामित सायाकातोक निरावा मेत्‍छामाचि खोन्‍कि सहरादाओ अ़चुऩङ ऱङाओ म़नाचि म़थेन्‍तुचिकि पावल खोन्‍कि बारनाबास्‌ओ अ़चुदेङ्‌सालाप्‍पादा दुखा म़प़चि, खोन्‍कि अ़चुधिखाहुप्‌दाङ्‌का मोचि म़लोइसुखाइसुचि।

छाम्‍माय़ङ 14:2

मेन साकोङ्‌छ़ङ मान्‍मुकादा यहुदिचिआ निरावाचि म़थेन्‍तुचिकि हाङ्‌पाएदा साकोङ्‌छ़ङ कामुचिओ अ़चुदेङ्‌सालाप्‍पादा अ़चुमिन्‍मा अ़त्‍लो म़मेत्‍तुप़चि।

छाम्‍माय़ङ 17:5

मेन यहुदिचि ऩङ्‌च़ म़मुवा, खोन्‌ओसा हाताचिदाओ नामान्‍ल़क म़नाचि म़बुत्‍तुचिकिना रुहुप म़मुचि खोन्‍कि सहरादा अ़धिवाङ काचेङ्‌वा मुम़मेत्‍तुचि। मोचिआ पावल खोन्‍कि सिलास म़ना मुक्‍लाचिएदा लाम्‍माकि सात्‍मातात्‍माचि निकिना यासोन्‌ओ अ़खिम्‌दा म़झोम्‍तुचि।

छाम्‍माय़ङ 25:27

देकिनालो काछेक म़नाओ अ़देङ्‌सालाप्‍पादा ह़त्‍माय़ङ य़ङ खाङ्‌मान्‍मुमाङ तोक्‍पोहाङ्‍एदा छुत्‍माखान्‍मा अ़ङ्‌का नुलोक मान्‍लुङा।”

छाम्‍माय़ङ 28:24

खोन्‍कि खा-खाक्‍को यहुदिचिआ खो य़ङाओ य़ङ्‌दा साकोङ्‌छ़ङ अ़मुवा, मेन निचि साकोङ्‌छ़ङ मुमा म़छुन्‍ता।

रोमि 10:16

मेन झारा इस्राएलिचिआ नुय़ङ्‌खान मान्‍लोक्‌अ़दा, देकिनालो निनाम्‍हाङ्‌य़ङ खाकालु यसैया य़ङ्‌याङ, “हाङ्‌पो, आन्‍कान्‍काएदाङ्‌का अ़एनाओ य़ङ साङ्‌आ साकोङ्‌छ़ङ मुयुङ्‌सु कि?”

रोमि 15:31

यामारानिन खोन्‌ओसा अ़ङ्‌का यहुदियादाओ साकोङ्‌छ़ङ मान्‍मुकादाचिएदाङ्‌का रात्‍मान्‍चिन ऱङाने, खोन्‍कि यरुसलेम्‌दाओ अ़ङ्‌फामायु काचि निनाम्‍हाङ्‌ओ अ़चुम़नाचिआ लोक्‍माखान्‍तुओ लिने।

१ कोरिन्‍थि 15:32

म़नाओङा अ़मित्‍चिऩङ्‌दा एफिसस्‌दाओ खोक्‍लि सायाम्‍पोक्‌चिएनान ङेन मुवाङ्‌कि अ़ङ्‌का दि तोक्‍तुङ कि? म़सुवादाओचि ऩखोन्‍निन्‍लोन्‍निन्‌ओनालो ना “आन्‍कान चान्‍ने, दुङिन्‍ने, देकिनालो माङ्‌कोलेन ना आन्‍कान स़न्‍दान्‍लाविन!”

१ थेसलोनिकि 2:18

खोन्‌ओसा आन्‍कान्‍का खानानिन्‌एदा बान्‍मानि मिनिन्‍का। अ़ङ्‌का पावल अ़दु-अ़दु लामाबान्‍मा लामाङ, मेन सैतानाआ आन्‍कान्‍का मान्‍प़अ़दान्‍का।

२ तिमोथि 4:17

मेन झारा निरावाचिआ नुय़ङ्‌खान एन्‍मा अ़ऱने निकिना हाङ्‌पा अ़ङ्‌काएनान म़युङा, खोन्‍कि अ़ङ्‌का सावा ऩपुवाङ। मोवात्‍नि खोक्‍कोसाआ अ़ङ्‌का धिनाराओ अ़दोदाङ्‌का अ़लेइसाङ।