२ थेसलोनिकि 2:2 - बान्‍तावा राई

² हाङ्‌पाओ अ़लेन बुयाङा ताचिआयुङ्‌सा निकिना खा-खाक्‍कोचि म़य़ङ्‌नुछाङ, खानानिन च़क्‍नि त़दोम्‍तिन्‍दान्‍मिन्‍ने माङ्‌लो मान्‍क़दानिन। मोचिआ सेङ्‌लावादाङ्‌काओ माङ्‌लो खालुमाय़ङ्‌दाङ्‌काओ माङ्‌लो आन्‍कान्‍कालाम्‍पाओ छाप्‍लावावाको मुयाङ्‌नि म़य़ङ्‌नुछाङ खानानिन साकोङ्‌छ़ङ मान्‍मुदानुम।

२ थेसलोनिकि 2:2 Σταυροειδείς Αναφορές

मत्‍ति 24:24

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ अ़धिवो बुन्‌चि खोन्‍कि म़दोम्‍दाओ काचिचिछाङ म़मुचि।

मर्कुस 13:7

खानानिन्‌आ च़क्‍चिदात्‍नि म़लियाङ्‌ओ ङेन्‌चि खोन्‍कि अ़थाह्‍तात्‍नि लिमा मुयाङ्‌ओ ङेन्‍चिओ य़ङ्‌खान्‌चि त़एनुम्‍च़म्‌हिदा मान्‍क़दानिन। खानुम, ओ झारा य़ङ्‌चि लिमाङादोत, मेन अ़लुक्‍मा तामा ना हान्‍छाङ युङ्‌याङ।

लुका 21:19

मिन्‍माआ चालो त़लिसिन्‌युङ्‌सिन्‌नालो खानानिन्‌आ ह़ङ्‌म़ङ त़तोक्‍तुम।

लुका 21:9

खानानिन ङेन खोन्‍कि खिमाम्‍हुमा य़ङ्‌चि त़एनुम्‍च़म्‌हिदा मान्‍क़दानिन। देकिनालो ओ झारा य़ङ्‌चि बुया लिमाङादोत, मेन अ़लुक्‍मा तामा ना हान्‍छाङ युङ्‌याङ।”

युहन्‍ना 14:1

“आम्‍नुओ साकोङ्‌वा चाअ़त्‍लो अ़लिनिन्‍ने। निनाम्‍हाङ्‌एदा साकोङ्‌छ़ङ त़मुन, अ़ङ्‌काएदाछाङ साकोङ्‌छ़ङ मुवानिन।

युहन्‍ना 14:27

सेवाङ्‌नि अ़ङ्‌का खानानिन छित्‍नादानाप़नानिन। अ़ङ्‌को अ़ङ्‌सेवाङ्‌नि खानानिन प़नानिन। हेन्‍खामाआ प़न्‌वा अ़ङ्‌का खानानिन अ़प़नानिमिन। आम्‍नुओ साकोङ्‌वा चाअ़त्‍लो अ़लिनिन्‍ने खोन्‍कि अ़क़मा अ़कात्‍निन्‍ने।

१ कोरिन्‍थि 1:8

आन्‍हाङ्‌पा येसु ख्रिस्‍तओ अ़चुलामातामा लेन्‌दा खानानिन ऩङ्‌छिन मान्‍मुमाङ युङ्‌मा खोक्‍कोसाआ खानानिन आदेङ्‌तारि साकोङ्‌छ़ङ्‌दा नुलोक ऩयुङ्‌सिन।

१ कोरिन्‍थि 14:32

निनाम्‍हाङ्‌य़ङ खालुमा सावा कातोक्‌चि निनाम्‍हाङ्‌य़ङ खाकालुचिओ अ़चुक़म्‍मादा युङ्‌मादोत।

१ कोरिन्‍थि 7:26

आइमित्‌ओ दुखा खाम्‌हिदा खानानिन देत्‍नि त़युङिन्‌येन मोवात्‍निङा खानानिन युङ्‌मा अ़नुवाक लि हे नि अ़ङ्‌का मिन्‍ङाङा।

एफिसि 5:6

साङ्‌आछाङ खानानिन सोज्‍जेओ य़ङ्‌आ ऩधान्‍तिमिन्‍ने, देकिनालो मो य़ङ्‍ओ अ़तुक्‌वाआ लोमान्‍तेत्‍चिएदा निनाम्‍हाङ्‌ओ अ़चुच़ऱपा छुक।

१ थेसलोनिकि 3:3

खोन्‌ओसा दुखाचिआ आम्‍नुओ साङ्‌कोछाङ राक अ़स़निन्‍ने। खानानिन्‌ङा त़सिन्‍तुम्‌योम, ओवाको दुखाचि ना आन्‍कान आङ्‌माङादोत।

१ थेसलोनिकि 4:15

हाङ्‌पाओ अ़चुय़ङ्‌वा आन्‍कान्‍का खानानिन लोनिङ्‌नि, आन्‍कान साङ-साङ ह़ङिन्‌येन हाङ्‌पा म़लाय़याङ्‌तारि काह़ङ, अ़नुछ्‍याङा कास़दाचिदाङ्‌का बुया अ़खारिमिन।

१ थेसलोनिकि 5:2

देकिनालो खानानिन्‌आङा नुलोक त़सिन्‍तुम्‌योम, हाङ्‌पाओ अ़चुलेन ना अ़खाखुत काख़पा तान्‌वा ता।

२ थेसलोनिकि 2:15

खोन्‌ओसा ब़ब़, नाना खोन्‍कि निछाचि ओ, आम्‍नुओ साकोङ्‌छ़ङ्‌दा ओह्‍यात्‍नि-मोह्‍यात्‍नि मान्‍लिमाङ युङानिन, खोन्‍कि आन्‍कान्‍का लोनिओ य़ङ्‌दा माङ्‌लो आन्‍काओ छाप्‍लावादाङ्‌का खानानिन्‌आ दियाको ताया त़तोक्‍तुम्‌युङ्‌सुम, मो लावायुङ्‌सानुम।

२ थेसलोनिकि 3:17

अ़ङ्‌का पावल, अ़ङ्‌छुक्‌आङा नुकोङ्‌ला सावा छाप्‍तुङ्‌योङ। झारा अ़ङ्‌छाप्‍लावाओ अ़सिन्‍खा ओङा ओ। ओवात्‍निङा अ़ङ्‌का छाप्‍ङाङा।

खाङ्‌मुमा 19:20

खोन्‍कि मो साक्‍स़ङ खोन्‍कि मोसोओ अ़बुदा म़दोम्‍दाओ काचि कामु सोज्‍जेओ निनाम्‍हाङ्‌य़ङ खाकालु ह़वाङ्‌माङ लाप्‍खावा चाचि। ओ म़दोम्‍दाओ काचिचिलाम्‍पा मो सोज्‍जेओ निनाम्‍हाङ्‌य़ङ खालुवा मो साक्‍स़ङ्‌ओ अ़सेप्‍मा कापाक खोन्‍कि मोसोओ अ़सेम्‍पोक काब़क्‌चि म़प्‍तुचि। मोचि ह्‍वातात्‍माङ लेराङाओ गन्‍दक्‌ओ मिराक्‌दा अ़ह़ङ्‌ङा म़वेइसुदिसुचि।