२ थेसलोनिकि 1:9 - बान्‍तावा राई

⁹ मोचिआ अ़धुन अ़लुक्‍निन्‌ओ दन्‍दा अ़आङ, खोन्‍कि हाङ्‌पाओ अ़चुबुदाङ्‌का खोन्‍कि खोक्‍कोसोओ अ़चुसावाओ साम्‌दाङ्‌का म़लोइसुखाइसुचि।

२ थेसलोनिकि 1:9 Σταυροειδείς Αναφορές

मत्‍ति 16:27

देकिनालो म़नाओ अ़छा अ़चुपापाओ अ़चुसाम्‌दा निनाम्‍हाङ काफाचिएनान य़, खोन्‍कि मोन्‍ग़रि खोसाआ झारा म़नाचिआ अ़मुवाओ अ़चुकाचिवाको सिरिफा म़प़चि।

मत्‍ति 22:13

खोन्‍किना हाङ्‌आ अ़हारुक्‌चि लोचि, ‘मोसोओ अ़लाङ अ़छुक्‌दा छुम्‍सानुम खोन्‍कि बुङ्‌खायाओ कुन्‌यामादा वेइसालोइसानुम, मोदा खो खाप खोन्‍कि अ़क़ङ ऱउ।’”

मत्‍ति 24:30

खोन्‍किना म़नाओ अ़छाओ अ़बुन नाम्‍छ़ऱदु खाङ्‌मुनान्‍चिन। खोन्‍कि हेन्‍खामादाओ झारा रावाचि म़खाप, खोन्‍कि मोचिआ म़नाओ अ़छा नाम्‍छ़ऱदुओ य़वारिदा सावा खोन्‍कि तोक्‍पो साम्‌एनान य़याङ्‌ओ झारासाआ अ़खाङ।

मत्‍ति 25:41

खोन्‍किना खोक्‍कोसाआ अ़चुओ बेङ्‌साङ्‌लिप्‍पाओ म़नाचि म़लोचि, ‘माङ्‌हिम्‍माय़ङ म़नाचि ओ! अ़ङ्‌काएदाङ्‌का माङ्‌सानिन। सैताना खोन्‍कि मोसोओ अ़काफाचिओ निम्‍पाङ चुम्‍सायुङ्‌साओ अ़लुक्‍निन्‌ओ मिदा खारानिन।

मत्‍ति 25:46

खोन्‍किना मोचि अ़धुन दन्‍दा तोक्‍खादा म़खात, मेन साम्‌योक्‍मि म़नाचि अ़धुन ह़ङ्‌मायुङ्‌मा ह़ङ्‌म़ङ्‌दा म़वाङ।”

मत्‍ति 26:24

म़नाओ अ़छा ना खोक्‍कोसोओ अ़तुक्‌वादा साम्‍कालिन्‌दा छाप्‍तावात्‍नि खात। मेन अ़चाअ़त्‍मादा छुक मो म़ना, साङ्‌आ म़नाओ अ़छा धान्‍तु। मो म़ना ना मान्‍लिओदे खोसोओ निम्‍पाङ अ़नुवाक लिसाओ।”

मत्‍ति 7:23

खोन्‍किना अ़ङ्‌का मोचि मोन्‍ग़रि नुलोक लोङ्‌च़ङ, ‘अ़ङ्‌का खानानिन देम्‍खाछाङ मान्‍सिन्‌युक्‍नानिन। अ़त्‍लो काचि कामुचि ओ, अ़ङ्‌काएदाङ्‌का खारालावानिन।’

लुका 13:27

मेन खोसाआ ऩलोन, ‘अ़ङ्‌का खानानिन लोनानिन, खानानिन खादाङ्‌का त़तान्‌ओ, खानानिन साङ्‌चि ओ, अ़ङ्‌का अ़सिन्‍नानिमिन। अ़त्‍लो काचि कामुचि ओ, खानानिन झारा अ़ङ्‌काएदाङ्‌का खारालावानिन!’

युहन्‍ना 5:14

खोन्‍किना येसुआ निनाम्‍हाङ ब़क्‍खाखिम्‌दा मो अ़धिराकि अ़लोवा, “खाखो, खाना त़नुवायुङ्‌सा। हान्‌दाङ्‌का हेवा मान्‍मुदा, खोन्‍कि खानाएदा च़लोक अ़अ़त्‍पा अ़तानिन्‍ने।”

फिलिप्‍पि 3:19

आदेङ्‌माङ निनाम्‍हाङ्‌आ मोचि म़लुक्‍तुचि, अ़चुबुक मोचिओ अ़चुमाङ ओ, खोन्‍कि मोचि लेजो य़ङ्‌चि म़मुओदा तोक्‍पो म़लि, खोन्‍कि मोचिओ अ़चुमिन्‍मा हेन्‍खामादाओ य़ङ्‌चिदा याक्‌याङ।

१ थेसलोनिकि 5:3

म़नाचि “झारा सेवाङ्‌नि खोन्‍कि रात्‍पाला आन्‍कान्‌एदा युङ्‌याङ”नि म़य़ङ्‌याङ्‌हिदा मोग़रिङा बुक्‍खुन्‍दिमाचि छा दाप्‍मा दुखाआ लाउचिवात्‍नि च़क्‍नि मोचिएदा अ़चुलुक्‍मा ता। खोन्‍कि मोचि मोदाङ्‌का फुङ्‌मा ऩऱनिन।

२ थेसलोनिकि 2:8

खोन्‍किना य़ङ्‌हुप काभुङ्‌खान खाङ्‌मुनान्‍चिन, खोन्‍कि हाङ्‌पा येसु साम्‌एनान म़य़याङ्‌हिदा अ़चुदोदाओ अ़चुसाक्‍माआ मो अ़लुक।

तितस 2:13

ओवात्‍निङा तामामित्‍मा मुन्‌येन्‌ओ य़ङ तामालामा लेन्‌ओ अ़लाम आन्‍कान खाम्‌योम। मो लेन तोक्‍पो निनाम्‍हाङ येसु ख्रिस्‍त आन्‍कालेन्‍पा अ़धिवा साम्‌दा म़य़याङ्‌ओ खाङ्‌म़मुनान्‍चिन।

हिब्रु 10:29

खानानिन मित्‍तानुम, निनाम्‍हाङ्‌ओ अ़चुछा अ़लाङ्‌थेम भेन्‌यु कानेप्‌चि, खाक्‍को ह़आ म़सेङ खोन्‍कि निनाम्‍हाङ्‌ओ अ़चुय़ङ्‌छ़ङ अ़छ़ङ मु, मो ख्रिस्‍तओ अ़चुह़ दिसुवा मान्‍मित्‍कादा खोन्‍कि सोमाकातुक सेङ्‌लावा कासुङ्‌चिआ देम चात्‍लो दन्‍दा अ़तोक?

२ पत्रुस 2:17

मोचि सिप्‍तुदोओ चाक्‌वाओ अ़लोन्‍खावा म़मुयाङ। मोचि कुह़क्‍माआ मुत्‍तुखात्‍तुओ य़वारिवाको म़मुयाङ। मोचिओ निम्‍पाङ निनाम्‍हाङ्‌आ कुन्‍चियाधेक्‍धेक्‌ओ कुन्‌यामा अ़च़क्‍तायुङ्‌सा।

२ पत्रुस 3:7

मेन मो य़ङ्‌आ निनाम्‍हाङ मान्‍ब़क्‍कादा म़नाचिओ छ़ङ्‌छेन्‍मा खोन्‍कि लुक्‍मा लेन्‌तारिओ निकिना आइमित्‌ओ नाम्‍छ़ऱ खोन्‍कि हेन्‍खामा मिओ निम्‍पाङ अ़च़क्‍तायुङ्‌सा।

यहुदा 1:13

मोचि क़म्‍मा अ़ऱन्‍मिन्‌ओ धियाङ्‌वामाओ अ़लोङ्‌वात्‌वाकोचि ओ, मोचिआ लेजोकात्‌ओ अ़चुकाचिओ च़माथाङ्‌मा छोम्‍पुत्‍नुङ्‌वावा अ़लोन। ओचि म़हुलुक्‌ओ साङ्‌केन्‍माचिवा म़मुयाङ, मोचिओ निम्‍पाङ निनाम्‍हाङ्‌आ स़लावाचि दन्‍दा प़खा अ़लुक्‍निन्‌ओ कुन्‍चियाधेक्‍धेक्‌ओ कुन्‌यामा अ़च़क्‍तायुङ्‌सा।

खाङ्‌मुमा 20:11

खोन्‍कि अ़ङ्‌का अ़क्‌तात अ़धिवाङ हाङ्‌युङ्‌खा खोन्‍कि मो दुङ्‌दा कायुङ खाङ। खोक्‍कोसोओ अ़चुबुदाङ्‌का हेन्‍खामा खोन्‍कि नाम्‍छ़ऱ फुङ्‌साखाराचि, खोन्‍कि मोचि मान्‍लाखाङ्‌मुसाचिचिन।

खाङ्‌मुमा 20:14

स़मा खोन्‍कि सित्‍म़ङ्‌चि दुखा तोक्‍खा मिराक्‌दा वेइसादिसा। ओ मिराक ह्‍वादुओदु स़मा ओ।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।