२ पत्रुस 3:9 - बान्‍तावा राई

⁹ खोक्‍कोसोओ अ़चुहिप्‍माय़ङ्‌ओ अ़तुक्‌वादा स़लेनि म़च़नि खा-खाक्‍कोचि म़य़ङ्‌नुछाङ खोक्‍को स़लेनि ऩच़निन। मेन साङ्‌छाङ ऩलुक्‍निन्‍ने, मेन झाराकापाङ्‌आ हेवा मुमा अ़छित्‍नेनि म़मिन्‌कि खोक्‍कोसाआ खानानिन ऩहुङिन्‌येन।

२ पत्रुस 3:9 Σταυροειδείς Αναφορές

रोमि 13:11

ग़रि नेक्‍तातायुङ्‌सा, मो खानानिन त़सिन्‍तुम्‌योम। हान आम्‍नुओ निम्‍पाङ दुखुप्‌दाङ्‌का थिन्‍मा ग़रि तादिसायुङ्‌सा, देकिनालो आन्‍कान बुया साकोङ्‌छ़ङ मुम्‌ओदाङ्‌का आइमित आन्‍लेन्‍मा च़लोक नेक्‍तातायुङ्‌सा।

रोमि 13:12

अ़खाखुत खाराचिआ खोन्‍कि लेन च़क्‌दा ताचिआ। खोन्‌ओसा कुन्‌यामादाओ काचिचि छिरुम्‍च़म्‌कि आन्‍कान साम्‌ओ अ़बान्‍छुबिछु लोउम्‍ने।

रोमि 2:4

माङ्‌लो निनाम्‍हाङ्‌ओ अ़चुसोम्‍तुक्‍माआ खाना खोक्‍कोएदा लामान्‍चिन ऩतित्‌नि त़सिन्‍तुन कि, दि खोक्‍कोसोओ तोक्‍पो अ़चुसोम्‍तुक्‍मा, अ़चुआङ्‌मा खोन्‍कि अ़चुहुङ्‌मा त़सुङ्‌तुङु?

रोमि 9:22

निनाम्‍हाङ्‌आ अ़चुच़ऱपा खोन्‍कि अ़चुसावा खाङ्‌मुमा म़स़नालो खोक्‍कोसाआ खाङ्‌मुमा अ़ऱ। मेन खाक्‍कोचि दन्‍दा प़मा खान्‍तुचिओ म़मुयाङ, दि खोक्‍को मो म़नाचिओ निम्‍पाङ अ़न्‍नुनु काहुङ ऩमुनिनिन?

१ तिमोथि 1:16

मेन अ़ङ्‌का निनाम्‍हाङ्‌आ सोमाऩतुक्‍ताङ, देकिनालो हेवामिचिदाङ्‌का मुलो लिसाङ्‌किछाङ येसु ख्रिस्‍तओ अ़धिवाङ अ़चुहुङ्‌माआ अ़ङ्‌का अ़मात्‍ऩङ्‌वात्‍नि खाङ्‌मुमा अ़ऱङाने। खोन्‌ओसा निचिआ अ़सिन्‌कि खोक्‍कोएदा मोचिछाङ साकोङ्‌छ़ङ म़मुने खोन्‍कि अ़धुन्‌ओ ह़ङ्‌म़ङ अ़तोक्‍ने।

१ तिमोथि 2:4

झारा म़नाचि म़लेन्‍ने, खोन्‍कि मोचि अ़छ़ङ चिन्‍माय़ङ्‌दा म़तानेनि खोक्‍को म़मिन।

हिब्रु 10:37

देकिनालो साम्‍कालिन्‌दा छाप्‍तायुङ्‌सा, हान “च़क्‍निङा, काता म़तालाप, खोन्‍कि स़लेनि ऩच़निन।

१ पत्रुस 3:20

मो लावाचि बुया निनाम्‍हाङ्‌ओ अ़चुलोमावा मान्‍च़चि खोन्‍कि नोआओ अ़ग़रिदा वाप्‍तेला मुङुहिदा हेवादाङ्‌का म़ला हे निकिना निनाम्‍हाङ्‌आ आङ्‌याङ्‌सा म़हुङुङुचि। मो वाप्‍तेलादा अ़क्‍चिलोक म़नाचि माङ्‌लो आथ्‌कापाङ ओन्‍ङा चाक्‌वादाङ्‌का म़ह़ङा।

२ पत्रुस 1:4

ओलाम्‍पाङा अ़लुङ्‌स़रिओ खोन्‍कि तोक्‍पो अ़चुहिप्‍माय़ङ्‌चि आन्‍कान म़पुवायुङ्‌सा, खोन्‌ओसा ओ हेन्‍खामादाओ पोप्‍माय़ङ अ़अ़त्‍पा मित्‍माचिदाङ्‌का फुङ्‌सानिन खोन्‍किना खानानिन निनाम्‍हाङ्‌ओ अ़चुच़माथाङ्‌मादा वाङानिन।

२ पत्रुस 3:15

आन्‍हाङ्‌पाआ म़नाचि हेवादाङ्‌का लेन्‍मा अ़वाखाम म़प़चिहिदा खोक्‍कोसाआ देम अ़हुङा मो य़ङ मित्‍तानुम। मोवात्‍निङा आन्‍कान सोमातुक्‍तुम्‌योम्‌ओ निछा पावल्‌आछाङ निनाम्‍हाङ्‌आ अ़पुवाओ तायावात्‍नि खानानिन मो य़ङ्‌चि त़छाप्‍तिन।

खाङ्‌मुमा 2:21

अ़ङ्‌का मो हेवा मुमादाङ्‌का लामान्‍चिन ग़रि प़ङ्‌युङ्‌सुङ, मेन मो अ़ताङ्‌लान्‌दाङ्‌का लामान्‍चिन छुन।