२ पत्रुस 2:6 - बान्‍तावा राई

⁶ निनाम्‍हाङ्‌आ सदोम खोन्‍कि गमोरा सहराचिओ दित्‍छाङ मान्‌युङ्‌माङ मिआ म़राङ्‌तुखाइसुचि, खोन्‍कि निनाम्‍हाङ मान्‍लोक्‍कादाचिओ अ़चुबुदा मोचि अ़क्‌तात अ़मात्‍ऩङ म़मुचि।

२ पत्रुस 2:6 Σταυροειδείς Αναφορές

मत्‍ति 10:15

अ़नुछ्‍या, अ़ङ्‌का खानानिन लोनानिन, छ़ङ्‌छेन्‍खा लेन मो सहरादाओ म़नाचिदाङ्‌का सदोम खोन्‍कि गमोरादाओ म़नाचिआ च़लोक निनाम्‍हाङ्‌ओ अ़चुदन्‍दा आङ्‌मा अ़ऱलो लि।

मत्‍ति 11:23

कफर्नहुम्‌दाओ म़नाचि ओ! दि निनाम्‍मादु साऩङ्‌वा तोक्‍तिन्‍कानि खानानिन त़मिनिन्‌येन? खानानिन सित्‍म़ङ दुखा तोक्‍खायु त़धान। देकिनालो खानानिन्‌एदा मुमाय़ङ्‌ओ म़दोम्‍दाओ काचिचि सदोम सहरादा म़मुवाओदे, मो आय़ओ लेन्‌तारि युङायुङ्‌साओ।

रोमि 9:29

ओवात्‍नि यसैयाआ बुयाङा निनाम्‍हाङ्‌य़ङ खालुसुयुङ्‌सु, “रात्‍खामिचिओ सावापोरिओ अ़चुओ हाङ्‌पा निनाम्‍हाङ्‌आ आन्‍छाचि मान्‍हेन्‍म़दोचिओदे, आन्‍कान सदोम्‌वात्‍नि लिसिन्‌ओ, खोन्‍कि गमोरावात्‍नि लिसिन्‌ओ।”

१ कोरिन्‍थि 10:11

ओ य़ङ्‌चि आन्‍को अ़मात्‍ऩङ्‌ओ निम्‍पाङ मोचिएदा म़लिसाओ। साङ जुगाओ अ़लुक्‍मातारि ह़ङ, मो य़ङ्‌चि आन्‍कान चाप्‍चेत्‍माओ निम्‍पाङ म़छाप्‍ताओ।

हिब्रु 4:11

खोन्‌ओसा मो सावातोम्‍खादा वाङ्‌मा आन्‍कान अ़न्‍नुनु लामिन्‍ने, खोन्‍कि मोवाको लोमावा मान्‍च़दामादाङ्‌का साङ्‌छाङ अ़धानिन्‍खात्‍निन्‍ने।

यहुदा 1:15

झारा म़नाचिओ अ़चुछ़ङ्‌छेइसि हाङ्‌पा म़तायाङ। झारा मान्‍साम्‌योक्‍मिचिआ अ़मुवायुङ्‌साओ झारा मान्‍साम्‌योक्‍मि अ़अ़त्‍पा काचिचि खोन्‍कि हाङ्‌पाओ अ़चुदेङ्‌सालाप्‍पादा म़चेवायुङ्‌साओ चाअ़त्‍लो य़ङ्‌चि ह़त्‍सि हाङ्‌पा म़तायाङ।”

यहुदा 1:7

मोवात्‍निङा सदोम खोन्‍कि गमोरा खोन्‍कि मोसोओ अ़च़क्‍चिदात्निओ सहराचि आन्‍को निम्‍पाङ अ़मात्‍ऩङ म़लिसायुङ्‌सा। मोचि अ़चुताकावा ताङ्‌लान म़मुवाकि पोक मित्‍मादा म़धा। मोवात्‍नि लिसाओसा मो सहराचि अ़धुन अ़लुक्‍निन्‌ओ मिआ म़लुक्‍तुचि।