२ पत्रुस 2:2 - बान्‍तावा राई

² खोन्‍कि ब़द्‍धेकापाङ्‌आ मोचिओ अ़चुअ़अ़त्‍पालाम अ़त़ङ, खोन्‍किना मो सोज्‍जेओ काचिन्‍चिओसा म़नाचिआ अ़छ़ङ लाम अ़सुङ।

२ पत्रुस 2:2 Σταυροειδείς Αναφορές

मत्‍ति 22:16

फरिसिचिआ अ़चुकाखेङ्‌पाचि हेरोदि रुहुप्‌दाओ म़नाचिएनान खोक्‍कोएदा म़खाइसुचि। मोचि म़य़ङा, “काचिन्‍पो, आन्‍कान्‍का सिन्‍तुम्‌योम्‍का, खानानिन अ़नुवाक त़मुन्‌येन, खोन्‍कि निनाम्‍हाङ्‌ओ अ़चुलाम अ़छ़ङ खात़चिन्‍तिन, खोन्‍कि खानानिन साङ्‌एदाङ्‌काछाङ त़क़सिमिन, देकिनालो खानानिन म़नाचि खाङ्‌याङ्‌सा काचि त़मुन्‍मिन।

मत्‍ति 24:24

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ अ़धिवो बुन्‌चि खोन्‍कि म़दोम्‍दाओ काचिचिछाङ म़मुचि।

मत्‍ति 7:14

मेन ह़ङ्‌म़ङ्‌दा कातात्‍ला लाम चाअ़त खोन्‍कि लाप्‍तिखोप चुकुवाहुत्‍हुत्‌ओ मु, खोन्‍कि मो काधित्‌चि अ़क्‍चिलोक ओन्‍ङा म़मु।

मर्कुस 12:14

मोचि येसुएदा म़ताकि अ़लोवा, “काचिन्‍पो, खानानिन अ़नुवाक त़मुन्‌येन, अ़छ़ङ त़चेविन, खोन्‍कि साङ्‌लिप्‍पाछाङ त़वाङिमिन, खोन्‍कि म़ना त़खान्‌कि काचि त़मुन्‍मिन निकिना आन्‍कान्‍का सिन्‍तुम्‌योम्‍का। मेन खानानिन निनाम्‍हाङ्‌ओ अ़चुलाम अ़छ़ङ खात़चिन्‍तिन। हान आन्‍कान्‍का लोनि, आन्‍कान्‍का रोमि तोक्‍पोहाङ कैसरएदा दाम्‍दु छोन्‍मा मोसाओ अ़य़ङ्‌हुप्‌आ अ़प़न्‍का हे अ़प़न्‍मिन्‍का?

मर्कुस 13:22

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ बुन्‌चि खोन्‍कि म़दोम्‍दाओ काचिचिछाङ म़मुचि।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

छाम्‍माय़ङ 13:10

“खाना सैतानाओ अ़छा खोन्‍कि झारा अ़नुवाक य़ङ्‍ओ अ़ङेङ ओ। झारा म़प्‍मा खोन्‍कि अ़अ़त्‍पाआ त़भेप्‍ताओ! दि हाङ्‌पाओ अ़छ़ङ लाम्‌चि खाना ऱक्‍मा त़छिरुन?

छाम्‍माय़ङ 14:2

मेन साकोङ्‌छ़ङ मान्‍मुकादा यहुदिचिआ निरावाचि म़थेन्‍तुचिकि हाङ्‌पाएदा साकोङ्‌छ़ङ कामुचिओ अ़चुदेङ्‌सालाप्‍पादा अ़चुमिन्‍मा अ़त्‍लो म़मेत्‍तुप़चि।

छाम्‍माय़ङ 16:17

मोसाआ पावल खोन्‍कि आन्‍कान्‍का आन्‍काओ देङ-देङ त़ङ्‌याङ्‌सा, “ओ म़नाचि झारादाङ्‌का तोक्‍पो निनाम्‍हाङ काब़त्‍पचि ओ! ओचिआ खानानिन लेत्‍खालाम खाऩएत्‍तिन”नि य़ङ्‌याङ्‌सा पारा।

छाम्‍माय़ङ 18:26

अपोल्‍लोस यहुदिचिओ अ़चुयावायोक्‍खिम्‌दा राक्‌एनान चेप्‍मा पुङ्‌सु। प्रिस्‍किला खोन्‍कि अकिलास्‌आ खोसाआ खालुसुङुओ अ़एनाचुकि खो अ़चुखिम्‌दा अ़बुत्‍ताखात्‍ताचु, खोन्‍कि निनाम्‍हाङ्‌ओ अ़तुक्‌वादा च़लोक तोङालो खो खाअ़एत्‍ताचु।

छाम्‍माय़ङ 19:9

मेन खा-खाक्‍कोचि लुङ्‌ख़धेन म़मुवाकि साकोङ्‌छ़ङ मान्‍मुचि, खोन्‍कि झारासोओ अ़चुबुदा मोचि हाङ्‌पाओ अ़चुदेङ्‌सालाप्‍पादा अ़त्‍लो दुम म़मुवा। खोन्‌ओसा पावल्‌आ मोचि छिरुदोचि, खोन्‍कि काखेङ्‌चि खात्‍तुचिकि तुरान्‍नस तायाखिम्‌दा अ़लेन्‍खिन्‍तुम खालुमा पुक्‍तु।

छाम्‍माय़ङ 22:4

अ़ङ्‌का येसुओ अ़लाम कात़ङ म़नाचि म़सुवालो दुखा प़ङ्‌च़ङ। अ़ङ्‌का दुवाछाचि खोन्‍कि मेत्‍छामाचि लाउङ्‌च़ङ्‌कि मोचि छेक्‍खाखिम्‌दा छेक्‍मेत्‍तुङ्‌च़ङ।

छाम्‍माय़ङ 24:14

मेन अ़ङ्‌का ओ य़ङ खानानिन खाएत्‍नानिन, मोचिआ ‘फेआओ साम्‌योक’नि लोवाङाओ साकोङ्‌छ़ङ कामु लिसाङ्‌कि आन्‍काओ सुन्‍तुम्‌चिओ अ़चुनिनाम्‍हाङ अ़ङ्‌का ब़क्‍तुङ। खोन्‍कि निनाम्‍हाङ्‌य़ङ खाकालुचिआ छाप्‍लाखादा अ़छाप्‍ताओ झारा य़ङ्‌हुप अ़ङ्‌का साकोङ्‌छ़ङ मुङ।

रोमि 2:24

देकिनालो ओवात्‍नि साम्‍कालिन्‌दा छाप्‌याङ, “आम्‍नुओ तुक्‌वाआ निरावाचिओ अ़चुरादा निनाम्‍हाङ्‌ओ अ़चुऩङ सुङ्‌तायुङ्‌सा।”

१ तिमोथि 5:14

खोन्‌ओसा साथिकादोङ्‌दाङ्‌का अ़खुक्‌दाओ मेन्‍मित्‍माचि साया म़लाकाम्‍ने, छा म़तोक्‍ने, खोन्‍कि अ़चुखिम्‌चि म़खाचिनेनि अ़ङ्‌का यायोक प़ङ्‌च़ङ। मोवात्‍नि आन्‍ङेङ्‌चिआ आन्‍कान सुङ्‌मा अ़वाखाम ऩतोक्‍तुन।

तितस 2:8

अ़छ़ङ य़ङ चिन्‍तुचि, खोन्‍कि साङ्‌आछाङ मो य़ङ क़प्‍मा ऩऱन्‍ने। मोवात्‍निनालो ङेङ्‌चिछाङ आन्‍तुक्‌वादा देत्‍छाङ य़ङ्‌मा ऩऱनिन्‌कि आप्‍पि लेजोदा म़छुक।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

२ पत्रुस 2:12

मेन ओ म़नाचिआ ऩतुप्‍तुन्‌ओ य़ङ्‌चि म़सुङ्‌तुचि। ओचि अ़चुखारु मात्‍द़ङ्‌ओ सायाम्‍पोक्‌चिवात्‍नि म़मुयाङ, ओचि लाप्‍माकि सेत्‍मा निम्‍पाङ म़लिसाओवा म़मुयाङ। खोन्‍कि ओचिछाङ सायाम्‍पोक्‌चिवाङा म़लुक्‍खात।

२ पत्रुस 2:15

मोचिआ अ़नुवाक लाम अ़छिराकि अ़अ़त्‍पा लाम्‌दा म़वाङायुङ्‌सा। अ़अ़त्‍पादाङ्‌का तोक्‍माय़ङ काचिलुङ अ़नुवाक कामित बओरओ अ़छा बालाम मोचिआ अ़त़ङ्‌तायुङ्‌सा।

२ पत्रुस 2:18

मोचि ऱक्‍भाक्‌एनान तोक्‍पो-तोक्‍पो खामान्‍सिन य़ङ म़मु, खोन्‍कि राक्‍काभाला अ़अ़त्‍पा लाम्‌दाङ्‌का म़लासाताओचि मोचिआ पोक मित्‍माय़ङ थालिदा म़धान्‍तुचि।

२ पत्रुस 2:21

देकिनालो मोचि म़प़चिओ सेङ्‌याङ्‌ओ लोमाय़ङ अ़सिन्‍ताकिछाङ देङ्‌सा लामादाङ्‌का ना मोचिआ साम्‌योक्‍मि लाम देम्‍खाछाङ मान्‍सिन्‌अ़दाओ खाङ्‌दे नुलोक लिसाओ।

२ पत्रुस 2:7

खोन्‍कि खोक्‍कोसाआ अ़त्‍लोकाच़चिओ अ़चुहात्‍मादाङ्‌का चाअ़त्‍लो दुखादा छुक्‍ताओ साम्‌योक्‍मि लोत अ़लेइसा।

यहुदा 1:10

मेन मोचिआ दि ऩतुप्‍तुन, मो य़ङ्‌चि म़सुङ्‌तुचि। मोचि अ़चुखारु मात्‍द़ङ्‌ओ सायाम्‍पोक्‌चिवात्‍नि म़मुयाङ, खोन्‍कि मोचि दि म़मिन, मोवात्‍निङा मोचि म़च़, खोन्‌ओसा मोचि म़लुक।

यहुदा 1:15

झारा म़नाचिओ अ़चुछ़ङ्‌छेइसि हाङ्‌पा म़तायाङ। झारा मान्‍साम्‌योक्‍मिचिआ अ़मुवायुङ्‌साओ झारा मान्‍साम्‌योक्‍मि अ़अ़त्‍पा काचिचि खोन्‍कि हाङ्‌पाओ अ़चुदेङ्‌सालाप्‍पादा म़चेवायुङ्‌साओ चाअ़त्‍लो य़ङ्‌चि ह़त्‍सि हाङ्‌पा म़तायाङ।”

यहुदा 1:4

मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा। खा-खाक्‍को म़नाचि मान्‍सिन्‍मान्‍तोक आम्‍नुओ रादा म़ताचिआयुङ्‌सा। मोचि निनाम्‍हाङ मान्‍ब़क्‍कादा म़नाचि ओ, मोचिआ आन्‍निनाम्‍हाङ्‌ओ अ़चुसोमातुक्‍मा ताङ्‌लान्‌दा अ़फान्‍तायुङ्‌सा। आन्‍को अ़क्‍छा ओन्‍ङा ओ आन्‍हाङ्‌काचि कामु खोन्‍कि हाङ्‌पा येसु ख्रिस्‍त ऩङाअ़छित। मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा।

यहुदा 1:7

मोवात्‍निङा सदोम खोन्‍कि गमोरा खोन्‍कि मोसोओ अ़च़क्‍चिदात्निओ सहराचि आन्‍को निम्‍पाङ अ़मात्‍ऩङ म़लिसायुङ्‌सा। मोचि अ़चुताकावा ताङ्‌लान म़मुवाकि पोक मित्‍मादा म़धा। मोवात्‍नि लिसाओसा मो सहराचि अ़धुन अ़लुक्‍निन्‌ओ मिआ म़लुक्‍तुचि।

खाङ्‌मुमा 12:9

मिखाएल खोन्‍कि अ़काफाचिआ मो अ़धिवा प़ निनाम्‍मादुङ्‌का ह्‍युना अ़वेइसाधान्‍ता। मो बुयाओ अ़धिवा प़ ओ, मो झारा हेन्‍खामा काथेम्‍खान सैतानानिछाङ लो। मो हेन्‍खामादा वेइसाधान्‍ता खोन्‍कि मोसोओ झारा अ़काफाचिछाङ मोएनान अ़क्‍नि म़वेइसुधान्‍तुचि।

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।