२ पत्रुस 1:3 - बान्‍तावा राई

³ खोक्‍कोसोओ अ़चुसावालाम्‍पा आन्‍कान ह़ङ्‌म़ङ खोन्‍कि साम्‌योक्‍मिदा दोत्‌ओ झारा सामाचि आन्‍कान म़पुवायुङ्‌सा। खोक्‍कोसोओ आप्‍पिओ अ़चुसाम खोन्‍कि अ़च़वाङ्‌लाम्‍पा आन्‍कान म़बुत्‍तायुङ्‌साओ निनाम्‍हाङ आन्‍कान सिन्‍तुम्‌ओसा ओ झारा सामाचि तोक्‍तुम।

२ पत्रुस 1:3 Σταυροειδείς Αναφορές

मत्‍ति 28:18

खोन्‍कि येसु मोचिएदा म़ताकि म़लोचि, “निनाम्‍मा खोन्‍कि हेन्‍खामादाओ झारा पाङ अ़ङ्‌का ऩपुवाङ्‌युङ्‌साङ।

रोमि 8:32

निनाम्‍हाङ्‌आ आप्‍पिओ अ़चुछा मान्‍लेत्‌अ़दा, मेन आन्‍कान झारासोओ निम्‍पाङ अ़चुछा म़पुवालावा। दि खोक्‍कोसाआ आन्‍कान म़हिप्‍ताओ झारा सामाचिछाङ अ़चुछाएनान अ़क्‍नि म़प़निन कि?

रोमि 9:24

खोक्‍कोसाआ आन्‍कान्‌छाङ मो रुहुप्‌दा म़पाआ। खोक्‍कोसाआ यहुदिचि ओन्‍ङा माआङ, मेन निरावाचिछाङ म़बुत्‍तुयुङ्‌सुचि।

१ कोरिन्‍थि 1:9

निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसोओ अ़चुछा आन्‍हाङ्‌पा येसु ख्रिस्‍तएनान यावायोक मुसि खोक्‍कोसाआ खानानिन ऩबुत्‍तिन।

२ कोरिन्‍थि 12:9

मेन खोक्‍कोसाआ अ़ङ्‌का ऩलोवाङ, “अ़ङ्‌सोम्‍तुक्‍मा आम्‍को निम्‍पाङ च़लोक युङ्‌याङ, देकिनालो खाना मान्‍ऱकादा त़मुयाङ्‌हिदा म़नाचिआ अ़ङ्‌सावा नुलोक अ़खाङ।” खोन्‌ओसा ख्रिस्‍तओ अ़चुसावा अ़ङ्‌काएदा याक्‍ने निकिना अ़ङ्‌का अ़ङ्‌मान्‍ऱदामादा अ़न्‍नुनु अ़ङ्‌ऩङानुयाङ्‌सा तोक्‍पो लिङा।

एफिसि 4:1

खोन्‌ओसा अ़ङ्‌का हाङ्‌पाओ निम्‍पाङ अ़क्‍छा छेक्‍माय़ङ्‍आ, खानानिन राक प़नाङ्‌नानिन, खानानिन त़तोक्‍तुम्‌ओ बुत्‍माय़ङ खान्‍तुओ ह़ङ्‌म़ङ ह़ङानिन।

एफिसि 4:4

पोक अ़क्‌तात्‌ङा ओ, खोन्‍कि सेङ्‌लावाछाङ अ़क्‌तात्‌ङा म़मुयाङ, मोवात्‍निङा खानानिन ऩबुत्‍तिन्‌हिदा अ़क्‌तात तामामिन्‍मादा ऩबुत्‍तिन्‌ओ।

फिलिप्‍पि 3:8

अ़नुछ्‍या ख्रिस्‍त येसु अ़ङ्‌हाङ्‌पा निकिना सिन्‍मा तोक्‍पो अ़वाखाम तोक्‍तुङ्‌ओदा नि झारा य़ङ्‌चि अ़काचि मात्‍द़ङ्‌ओनि मित्‍तुङ्‌च़ङ। ख्रिस्‍त तोक्‍मा ऱङ्‌ने निकिना खोक्‍कोसोओ निम्‍पाङ अ़ङ्‌का झारा य़ङ्‌चि छिरुङ्‌युङ्‌सुङ्‌च़ङ, खोन्‍किना झारा मोचि सिप्‍भाङ्‌वा मित्‍तुङ्‌च़ङ,

फिलिप्‍पि 4:8

देङ्‌दा ब़ब़, नाना खोन्‍कि निछाचि ओ, दि अ़छ़ङ मुयाङ, दि सायामेत्‍मायु मुयाङ, दि साम्‌योक्‍मि मुयाङ, दि सेङ्‌याङ, दि सोमा तुक्‍मायु मुयाङ, दि चोन्‍मायु मुयाङ, मोवात्‍नि दि-दिचि अ़नुवाक खोन्‍कि चोन्‍मा खान्‍तुओ म़मुयाङ्‌नालो, मो य़ङ्‌चिओ अ़तुक्‌वादा मित्‍तानुम्‍च़म।

कलस्‍सि 1:16

देकिनालो निनाम्‍मादुओ खोन्‍कि हेन्‍खामादाओ, म़दात्‌याङ्‌ओ खोन्‍कि ऩदात्‍निनिन्‌ओ झारा सामाचि खोक्‍कोलाम्‍पाङा म़मुयाओ। लावामि सावाचि, हाङ्‌युङ्‌मिताङ्‌चि, हाङ्‌काचि कामुचि, खोन्‍कि पाङ्‌चि, ओ झारा य़ङ्‌चि खोक्‍कोलाम्‍पा खोन्‍कि खोसोओ निम्‍पाङ अ़मुयाओ।

१ थेसलोनिकि 2:12

आन्‍कान्‍का खानानिन निनाम्‍हाङ्‌ओ अ़चुऩङानुओ ह़ङ्‌म़ङ ह़ङानिन निम्‍पाङ यायोक प़नि खोन्‍कि राक प़ निकिना लोनि। खोक्‍कोसाआ खानानिन खोक्‍कोसोओ अ़चुसाम्‍स़रिओ अ़चुहाङ्‌होन्‌दा ऩबुत्‍तिन।

१ थेसलोनिकि 4:7

देकिनालो निनाम्‍हाङ्‌आ आन्‍कान पोप्‍नान्‍चिन्‍सि माआङ, मेन सेङ्‌याङ्‌ओ च़माथाङ्‌मादा ह़ङ्‌माओ निम्‍पाङ म़बुत्‍ताओ ओ।

२ थेसलोनिकि 2:14

खोन्‌ओसा आन्‍कान्‍का खालुसुम्‍काओ नुय़ङ्‌खान्‌लाम्‍पा आन्‍हाङ्‌पा येसु ख्रिस्‍तओ अ़चुऩङ्‌चोन्‍मा खानानिन्‌आछाङ तोक्‍तानुम निम्‍पाङ खोक्‍कोसाआ खानानिन ऩबुत्‍तिन।

१ तिमोथि 4:8

पोक्‌योक्‍मा थोरेत नुलोक लि, मेन लावामि योक्‍मादा झारादाङ्‌का अ़नुवाक मु, देकिनालो ओसाआ आइमित्‌ओ खोन्‍कि माय़ङ तोक्‍तुम्‌ओ ह़ङ्‌म़ङ ह्‍वातात्‍माङ्‌दा म़हिप।

२ तिमोथि 1:9

खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।

हिब्रु 1:3

येसुङा निनाम्‍हाङ्‌ओ अ़चुसाम्‌ओ अ़लेत्‍माओ, खोन्‍कि निनाम्‍हाङ देत्‍नि म़मुयाङ येसुछाङ मोवात्‍निङा म़मुयाङ। झारा हेन्‍खामा आप्‍पि अ़चुसावापोरिओ य़ङ्‌आ अ़क़क्‌याङ। आन्‍हेवाचि येसुआ वाअ़सुवाचिआकि साम्‍स़रिओ निनाम्‍हाङ्‌ओ अ़चुचुप्‍ताङ्‌छुक्‌लिप्‍पा निनाम्‍मादु खोक्‍को म़युङा।

१ पत्रुस 1:15

मेन खानानिन काबुत सेङ्‌लो म़मुयाङ्‌वा खानानिन्‌छाङ झारा आम्‍नुओ च़माथाङ्‌मादा सेङानिन।

१ पत्रुस 1:5

खानानिन्‌आ आम्‍नुओ साकोङ्‌छ़ङ्‌लाम्‍पा अ़चुसावादा लेन्‍मा मान्‍तोक्‍त़युक्‍तुम्‌तारि निनाम्‍हाङ्‌आ खानानिन ऩरात्‍तिन। मो लेन्‍मा आदेङ्‌माङ्‌ओ लेन्‌दा खाङ्‌मेत्‍मा निम्‍पाङ खोक्‍कोसाआ अ़चुम्‍सायुङ्‌सा।

१ पत्रुस 2:21

देकिनालो ओसोओ निकिना निनाम्‍हाङ्‌आ खानानिन ऩबुत्‍तिन्‌ओ। ख्रिस्‍तआछाङ आम्‍नुओ निम्‍पाङ दुखा अ़आङ्‌ताकि अ़क्‌तात अ़मात्‍ऩङ ऩछित्‍तिन्‍दान, खोन्‍कि खोक्‍कोसोओ अ़चुलाम्‌दा खानानिन्‌छाङ कोन्‍मादोत।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

१ पत्रुस 3:9

अ़त्‍लोओ अ़फान्‌दा अ़त्‍लो मान्‍च़दानिन, माङ्‌लो रुफोक्‍माओ अ़फान्‌दा रुमान्‍फोक्‍दानिन, मेन मोसोओ अ़फान्‌दा आसिखा पुवानुम्‍च़म। देकिनालो ओसोओ निम्‍पाङ निनाम्‍हाङ्‌आ खानानिन ऩबुत्‍तिन्‌ओ, खोन्‌ओसा आसिखा तोक्‍तानुम।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।

२ पत्रुस 1:2

निनाम्‍हाङ्‌ओ खोन्‍कि आन्‍हाङ्‌पा येसुओ अ़चुतायादा सोमातुक्‍मा खोन्‍कि सेवाङ्‌नि खानानिन्‌एदा च़लोक पोन्‌याङ्‌सा खात्‍ने।

२ पत्रुस 1:5

मोवात्‍निओसाआङा, झाराकापाराओ मुमालाम्‍पा आम्‍नुओ साकोङ्‌छ़ङ्‌दा अ़नुवाक नुमा खोन्‍कि अ़नुवाक नुमादा ताया तेप्‍तानुम।

२ पत्रुस 1:6

तायादा क़म्‍तानिन्‍चिन खोन्‍कि क़म्‍मान्‍चिन्‌दा आङ्‌मा, आङ्‌मादा साम्‌योक्‍मि,

२ पत्रुस 1:8

देकिनालो ओ य़ङ्‌चि खानानिन्‌एदा च़लोक म़युङ्‌याङ्‌नालो आन्‍हाङ्‌पा येसु ख्रिस्‍त सिन्‍मा काचिदा खानानिन कासो त़लिमिन माङ्‌नालो अ़सिवा मान्‍सिकादा त़लिमिन।

२ पत्रुस 2:20

मेन मोचि आन्‍हाङ्‌पा खोन्‍कि कालेन्‍पा येसु ख्रिस्‍त अ़सिन्‌किछाङ हेन्‍खामादाओ अ़अ़त्‍पा य़ङ्‌चिदाङ्‌का म़फ़न्‍नान्‍चिन्‌कि हेवादा म़लावाङ खोन्‍कि मोसाआ क़म्‍तुचिनालो मोचि बुयाओदाङ्‌का आदेङ च़लोक अ़त्‍लो म़लि।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!