२ कोरिन्‍थि 6:11 - बान्‍तावा राई

¹¹ कोरिन्‍थिदाओचि ओ, आन्‍कान्‍का खानानिन छेङ्‌छेङ्‌छेङ्‌वा लोनियुङ्‌नि, आन्‍काओ साकोङ्‌वा आम्‍नुओ निम्‍पाङ होत्‌याङ।

२ कोरिन्‍थि 6:11 Σταυροειδείς Αναφορές

छाम्‍माय़ङ 18:1

खोन्‍किना पावल्‌आ एथेन्‍स सहरा छिरुदोकि कोरिन्‍थ सहराह्‍यात्‍नि खारा।

छाम्‍माय़ङ 18:8

यावायोक्‍खिम्‌दाओ बुसुवा क्रिस्‍पस खोन्‍कि खोसोओ झारा अ़खिम्‌दाओचिआ हाङ्‌पाएदा साकोङ्‌छ़ङ म़मुवा। खोन्‍कि कोरिन्‍थिदाओचिआछाङ ब़द्‍धेसाआ पावल्‌ओ अ़य़ङ अ़एना खोन्‍कि साकोङ्‌छ़ङ म़मुवाकि बप्‍तिस्‍मा म़लोआ।

२ कोरिन्‍थि 12:15

अ़ङ्‌का आम्‍नुओ निम्‍पाङ अ़न्‍नुनु अ़ङ्‌ऩङानुयाङ्‌सा अ़ङ्‌सामाचि याङुङ्‌च़ङ, खोन्‍कि अ़ङ्‌का आप्‍पि अ़ङ्‌ह़ङ्‌म़ङ्‌छाङ प़नानिन। अ़ङ्‌का खानानिन च़लोक सोमातुक्‍नानिन्‌नालो दि खानानिन्‌आ अ़ङ्‌का चुक्‍लो सोमात़तुक्‍ङाऩङ?

२ कोरिन्‍थि 2:4

आम्‍नुओ राक सेत्‍मा माआङ, मेन खानानिन्‌एदा याक्‌याङ्‍ओ अ़ङ्‌को च़लोक अ़ङ्‌सोमातुक्‍मा खानानिन सिन्‍तानुम निकिना अ़ङ्‌साकोङ्‌वादाओ ब़द्‍धे दुखा खोन्‍कि अ़ङ्‌योक्‍मा खोन्‍कि ब़द्‍धे अ़ङ्‌म़क्‌वाएनान अ़ङ्‌का खानानिन छाप्‍नानिन्‌ओ।

गलाति 3:1

खामान्‍सिन गलातिचि ओ! साङ्‌आ खानानिन ऩधान्‍तिन? आम्‍नुओ म़क्‌ओ अ़बुदाङा येसु ख्रिस्‍त क्रुस्‌दा म़ख़न्‍ताओ छेङ्‌छेङ्‌छेङ्‌वा खालुसाओ।

गलाति 4:12

ब़ब़, नाना खोन्‍कि निछाचि ओ, अ़ङ्‌कावाङा य़ङ्‌हुप्‌दाङ्‌का फोङ्‌सानिन्‌नि लोनाङ्‌नानिन, देकिनालो अ़ङ्‌काछाङ खानानिन्‌वाङा लिसाङ्‌युङ्‌साङ। खानानिन्‌आ अ़ङ्‌का दित्‍छाङ अ़त्‍लो मान्‍मुत़युक्‍नि।

एफिसि 6:19

अ़ङ्‌को निम्‍पाङ्‌छाङ यामात्‍निप़नि, खोन्‍कि खाउग़रि अ़ङ्‌का चेप्‍मा चुम्‍ङान्‍च़ङ मोन्‍ग़रि अ़ङ्‌का य़ङ्‌चि ऩप़ङाने, खोन्‍कि अ़ङ्‌का राक्‌एनान नुय़ङ्‌खान्‌ओ अ़कोङ्‌दुम खालुमा ऱङ्‌ने।

एफिसि 6:8

ओ सिन्‍तानुम, मो हारुक्‍ने माङ्‌लो लेत्‌वाङाने, झारा साङ अ़नुवाक काचि मु, हाङ्‌पाआ मोवात्‍निङा खो सिरिफा अ़प़।

फिलिप्‍पि 1:8

येसु ख्रिस्‍तआ खानानिन देत्‍नि सोमाऩतुक्‍तिन, मोवात्‍निङा अ़ङ्‌काछाङ खानानिन झारा सोमातुक्‍नाङ्‌नानिन निकिना निनाम्‍हाङ अ़ङ्‌सालुम्‍स़ङ म़युङ्‌याङ।

फिलिप्‍पि 4:15

अ़नुछ्‍या खानानिन फिलिप्‍पिचि आप्‍पिछाङ त़सिन्‍तुम्‌योम, बुयाओदु खानानिन्‌एदा अ़ङ्‌का नुय़ङ्‌खान तारुङ, खोन्‍किना अ़ङ्‌का माकेदोनियादाङ्‌का हासाङ्‌च़ङ्‌हिदा प़मा खोन्‍कि लोक्‍मा काचिदा खानानिन्‌एदाङ्‌का नि खाक्‍कोछाङ साम्‍भुङ्‌चि अ़ङ्‌काएदा मान्‌वाङ्‌चि।

खाङ्‌मुमा 22:12

येसु म़य़ङ्‌याङ “खानुम! अ़ङ्‌का च़क्‍निङा ताङाङा! झारा म़नाआ मुओवा प़मा सिरिफा अ़ङ्‌काएदा युङ्‌याङ।